প্রেরিত্‌ 9:29 - Chakma Bible

²⁹ যে যিহূদীগুনে গ্রীক ভাষা কদাক্ তারা সমারে তে কধা কদঅ আর তর্ক গুরিদো, মাত্তর্ এ যিহূদীগুনে তারে মারে ফেলেবাত্তে চেষ্টা গরা ধুরিলাক্।

প্রেরিত্‌ 9:29 ပူးပေါင်းရင်းမြစ်များ

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 17:17

তে সমাজ-ঘর ভিদিরে যিহূদীগুনো সমারে আর গোজেন-ভক্ত গ্রীক্‌‌কুনো সমারে তেম্মাং গরা ধুরিলো। ইগুন বাদে যিগুনে বাজারত্ এদাক্ তারা সমারেয়ো তে দিনোর্ পর্ দিন তেম্মাং গরা ধুরিলো।

প্রেরিত্‌ 18:19

ইফিষ শঅরত্ লুমিনে তে প্রিষ্কিল্লা আর আকিলারে ইরি দিলো। যেরেদি তে নিজে সমাজ-ঘরত্ যেইনে যিহূদীগুনো সমারে যীশু পৌইদ্যেনে কধাবাত্তা কুয়ো ধুরিলো।

প্রেরিত্‌ 19:8

ইয়েনর্ পরেদি পৌলে সমাজ-ঘরত্ গেলঅ আর তিন মাস সং জদবদে সাহচ্‌ গুরিনে কধা কলঅ। গোজেন রেজ্য পৌইদ্যেনে তে যুক্তি-তর্কলোই মানুচ্চুনোরে বিশ্বেজ্ গুরিবার চেষ্টা গরা ধুরিলো।

প্রেরিত্‌ 22:18

সেই অবস্থায় মুই দেগিলুং প্রভু মঅ সমারে কধা কর্। তে মরে কলঅ, যাদি গর্, ইক্কিনে যিরূশালেমান ছাড়িনে যাগোই, কিয়া মঅ পৌইদ্যেনে তর্ সাক্ষ্যগানি মান্‌জ্যে মানি ন-লবাক্।

প্রেরিত্‌ 6:1

সে অক্তত্ শিচ্চ্যগুন বাড়দন্। সেক্কে শিচ্চ্যগুনো ভিদিরে যে যিহূদীগুনে গ্রীক ভাষায় কধা কদাক্ তারা ইব্রীয় ভাষায় কধা কোইয়্যে যিহূদীগুনোরে ইয়েন কোইনে দুচ্‌ দিয়্যে ধুরিলাক্, পত্তিদিন হানা দিবার সময়োত্ তারার্ রানী মিলেগুনে কিচ্চু ন-পান্।

প্রেরিত্‌ 9:27

মাত্তর্ বার্ণবা তারে সমারে গুরি দিপাধেয়্যে প্রচারক্কুনো ইধু নেযেইনে তারারে জানেল, দামেস্কর্ পধত্ শৌলে কেধোক্ক্যেন্ গুরি প্রভু যীশুরে দেগিলো আর প্রভু তা সমারে কেধোক্ক্যেন গুরি কধা কোইয়্যে, আর দামেস্কত্ যীশু পৌইদ্যেনে তে কেধোক্ক্যেন্ গুরি সাহজ্ গুরিনে প্রচার গোজ্জ্যে।

প্রেরিত্‌ 9:28

ইয়েন পরেদি শৌলে যিরূশালেমত্ শিচ্চ্যগুনো সমারে থেলঅ আর তারা সমারে আঢাউদো গুরিদো আর প্রভু পৌইদ্যেনে সাহচ্‌ লোইনে প্রচার গুরি বেড়েদ।

২ করিন্হীয় 11:26

মুই বোউত্ দেশ্ ঘুজ্জ্যং। বান্, দাগেত্, নিজো জাদর্ মানুচ্‌ আর অযিহূদীগুনোত্যে মুই দজাত্ পোজ্জ্যং। সিয়েন বাদে শঅরত্, ধূল্যেচর-চাগালাত, সাগরত্ আর ভন্ড ভেইয়ুনো ইধুয়ো মুই দজাত্ পোজ্জ্যং।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।

যিহূদা 1:9

আজল্ স্বর্গদূত্ মীখায়েলে যেক্কে মোশির কিয়্যেগান্দোই শদান সমারে তর্ক গরের্ সেক্কে তে তার্ বিরুদ্ধে কনঅ অগমানর্ কধা কোইনে তারে দুষি গুরিবাত্যে সাহচ্‌ ন-গরে। তে বরং কোইয়্যেদে, “প্রভু যেন তরে মানা গরে।”