প্রেরিত্‌ 9:27 - Chakma Bible

²⁷ মাত্তর্ বার্ণবা তারে সমারে গুরি দিপাধেয়্যে প্রচারক্কুনো ইধু নেযেইনে তারারে জানেল, দামেস্কর্ পধত্ শৌলে কেধোক্ক্যেন্ গুরি প্রভু যীশুরে দেগিলো আর প্রভু তা সমারে কেধোক্ক্যেন গুরি কধা কোইয়্যে, আর দামেস্কত্ যীশু পৌইদ্যেনে তে কেধোক্ক্যেন্ গুরি সাহজ্ গুরিনে প্রচার গোজ্জ্যে।

প্রেরিত্‌ 9:27 ပူးပေါင်းရင်းမြစ်များ

প্রেরিত্‌ 11:22

এ হবরান্ যিরূশালেমর্ মন্ডলী মানুচ্চুনো কানত্ যানার্ পরেদি তারা বার্ণবারে আন্তিয়খিয়াত্ পাধেই দিলাক্।

প্রেরিত্‌ 11:25

ইয়েন পরেদি বার্ণবা শৌলরে তোগেবাত্যে তার্ষ শঅরত্ গেলঅ,

প্রেরিত্‌ 12:25

ইন্দি বার্ণবা আর শৌলর কামান্ থুম্ অনায় তারা যোহনরে সমারে লোইনে যিরূশালেমত্ ফিরি গেলাক্। এ যোহনরে মার্ক নাঙেয়ো ডাগা অদঅ।

প্রেরিত্‌ 13:2

তারা যেক্কে উবোচ্‌ থেইনে প্রভুর উবোসনা গত্তন্ সেক্কে পবিত্র আত্মাগানে তারারে কলঅ, “বার্ণবা আর শৌলরে মুই যে কামানত্যে ডাক্কোং মর্ সেই কামানত্যে ইক্কিনে তারারে জুদো গরঅ।”

প্রেরিত্‌ 15:2

সেক্কে পৌল আর বার্ণবা সমারে এ মানুচ্চুনোর্ জদবদে কধা তর্কাতর্কি অলঅ। যেরেদি থিগ্ অলঅ যে, পৌল আর বার্ণবা আন্তিয়খিয়ার কয়েক্কো বিশ্বেজিরে সমারে লোইনে যিরূশালেমত্ যেবাক্ আর দিপাধেয়্যেগুনো সমারে আর মন্ডলী নেতাগুনো সমারে এ পৌইদ্যেনে কধাবাত্তা কবাক্।

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

প্রেরিত্‌ 4:29

আর ইক্কিনে, ও প্রভু, ইগুনে আমারে কেধোক্ক্যেন গুরি দর্ দেগাদন্, সিয়েন তুই খিয়েল্ গর্। তঅ চাগরুনোরে এমন খেমতা দে যাতে খুব সাহস গুরিনে তারা তঅ কধানি কোই পারন্।

প্রেরিত্‌ 4:36

যোষেফ নাঙে লেবি গুট্টির্ এক্কো মানুচ্‌ এলঅ। সাইপ্রাস দ্বিপোত্ তার্ ঘর্ এলঅ। তারে প্রচারক্কুনে বার্ণবা, অত্তাৎ উচ্চোমী তুলি দিয়্যেবো বিলিনে ডাগিদাক্।

প্রেরিত্‌ 9:17

সেক্কে অননিয় যেইনে সেই ঘর ভিদিরে সুমিলো আর শৌল কিয়্যেগানত্ আঢ্ দিইনে কলঅ, “ভেই শৌল, ইধু এবার্ পধত্ যে তরে দেগা দিয়্যে তে প্রভু যীশু। তেয়ই মরে পাধেয়্যে যেন তুই তর্ দেগিবার খেমতাগান্ ফিরি পাজ্ আর পবিত্র আত্মায় পরিপুরোণ অচ্।”

প্রেরিত্‌ 9:29

যে যিহূদীগুনে গ্রীক ভাষা কদাক্ তারা সমারে তে কধা কদঅ আর তর্ক গুরিদো, মাত্তর্ এ যিহূদীগুনে তারে মারে ফেলেবাত্তে চেষ্টা গরা ধুরিলাক্।

১ করিন্হীয় 15:8

বে-অক্‌ত গুরি জোর্মেয়োংগে মুই, সেই মরেয়ো তে বেক্কুনোর্ শেজদি দেগা দিয়্যে।

১ করিন্হীয় 9:6

বার্ণবা আর মত্তুন্ কি বানা কাম্ গুরি হা পুরিবো?

গালাতীয় 2:13

আন্তিয়খিয়ার অন্য বিশ্বেজি যিহূদীগুনেয়ো পিতর সমারে এই ভন্ডামিত্ মিজেয়োন। এন্ কি, বার্ণবায়ো তারার্ ভন্ডামীত্যে ভুল্ পধেদি ঠেঙানি বাবেয়্যে।

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।