প্রেরিত্‌ 9:20 - Chakma Bible

²⁰ সে পরেদি সময় বর্‌বাদ ন-গুরিনে তে নানান্ সমাজ-ঘরত্ এ কধাগান ফগদাং গরা ধুরিলো যে, যীশুই গোজেনর্ পুয়ো।

প্রেরিত্‌ 9:20 ပူးပေါင်းရင်းမြစ်များ

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 2:7

রাজা কবদে, “লগেপ্রভু যিয়েন ঠিগ্ গোজ্যে মুই সিয়েন ফগদাঙ্ গুরিম; তে মরে কোইয়্যেদে, তুই মঅ পুয়ো, এচ্চ্যে মুই তঅ বাপ্ ওলুং।

মথি লেখ্যে গম্ হবর্ 27:43

তে গোজেন উগুরে বিশ্বেজ্ গরে; ইক্কিনে যুনি তা উগুরে হুজি থায় সালে তারে তে উদ্ধোর্ গোরোক্। তে দঅ নিজোরে গোজেনর্ পুয়ো কদঅ।”

মথি লেখ্যে গম্ হবর্ 27:54

যেক্কেনে আর্মি অফিসার আর তা সমারে সৈন্যগুনে যীশুরে চুগি দেদন্ তারা ভূজোল্ আর অন্য বেক্ ঘটনাগানি দেগিনে জদবদে দোরেইনে কলাক্, “ঘেচ্চেকগুরি তে গোজেনর্ পুয়ো এলঅ।”

মথি লেখ্যে গম্ হবর্ 4:3

সেক্কে শদানে এইনে তারে কলঅ, “তুই যুনি গোজেনর পুয়ো অচ্ সালে এই পাত্তরুনোরে রুটি অবাত্তে কঅ।”

যোহন 1:49

ইয়েন্দোই নথনেল যীশুরে কলঅ, “মাষ্টরবাবু, তুয়ই গোজেনর্ পুয়ো, তুয়ই ইস্রায়েলীয়গুনোর্ রাজা।”

যোহন 19:7

যিহূদী নেতাগুনে পীলাতরে কলাক্, “আমার্ এক্কো আইন আঘে, সেই আইন মজিম্ তার্ মরণ অনা উচিত, কিয়া তে নিজোরে গোজেনর্ পুয়ো কোইয়্যে।”

যোহন 20:28

সেক্কে থোমা কলঅ, “ও মঅ গিরোজ্, ও মঅ গোজেন।”

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

প্রেরিত্‌ 13:14

যেরেদি তারা পর্গাত্তুন্ পিষিদিয়া রেজ্যর্ আন্তিয়খিয়া শঅরত্ গেলাক্ আর জিরেবার দিন্নোত্ সমাজ-ঘরত যেইনে বলাক্।

প্রেরিত্‌ 13:33

সিয়েনি তে তারার্ বংশগুনোত্তে, অত্তাৎ আমাত্যে যীশুরে মরণত্তুন্ জেদা গুরিনে পূরোণ গোজ্যে। এ পৌইদ্যেনে গীতসংহিতার দ্বিলম্বর গীদোত্ এ কধাগান লেগা আঘে: তুই মর্ পুয়ো, এচ্চ্যে মুই তর্ বাব্ অলুং।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 13:5

সালামীত্ লুমিনে তারা যিহূদীগুনোর সমাজ-ঘরত্ গোজেনর্ কধা ফগদাং গুরিলাক্। সেক্কে সাহায্যগুরিয়্যে ইজেবে যোহনে তারা সমারে এলঅ।

প্রেরিত্‌ 14:1

ইকনিয় শঅরত্ পৌল আর বার্ণবা তারার্ সুদোম মজিম যিহূদীগুনোর সমাজ-ঘরত্ গেলাক্। সিধু তারা এমন্‌ গুরি কধা কলাক্ যে, যিহূদী আর অযিহূদী ভালোক্ জনে বিশ্বেজ্ গুরিলাক্।

প্রেরিত্‌ 16:13

আমি জিরেবার্ দিনোত্ শঅরর্ গেদো বারেদি গাঙান ইধু গেলং; মনে গুরিলোং সিধু যিহূদীগুনোর তবনা গুরিবার জাগা আঘে। সিধু যে মিলেগুনে এগত্তর্ ওইয়োন আমি তারা ইধু বৈইনে কধা কুয়ো ধল্লং।

প্রেরিত্‌ 17:10

রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

প্রেরিত্‌ 17:17

তে সমাজ-ঘর ভিদিরে যিহূদীগুনো সমারে আর গোজেন-ভক্ত গ্রীক্‌‌কুনো সমারে তেম্মাং গরা ধুরিলো। ইগুন বাদে যিগুনে বাজারত্ এদাক্ তারা সমারেয়ো তে দিনোর্ পর্ দিন তেম্মাং গরা ধুরিলো।

প্রেরিত্‌ 17:2

পৌল তার্ সুদোম্ মজিম সেই সমাজ-ঘরত্ গেলঅ আর পর পর তিন পল্লা জিরেবার্ দিনোত্ মানুচ্চুনো সমারে পবিত্র বোইবোত্তুন্ কলঅ।

প্রেরিত্‌ 18:19

ইফিষ শঅরত্ লুমিনে তে প্রিষ্কিল্লা আর আকিলারে ইরি দিলো। যেরেদি তে নিজে সমাজ-ঘরত্ যেইনে যিহূদীগুনো সমারে যীশু পৌইদ্যেনে কধাবাত্তা কুয়ো ধুরিলো।

প্রেরিত্‌ 18:4

পত্তি জিরেবার্ দিনোত্ পৌলে সমাজ-ঘরত্ যেইনে যীশু পৌইদ্যেনে কধা কদঅ আর গ্রীক আহ্ যিহূদীগুনোরে যীশুর্ পধত্ আনিবার্ চেষ্টা গত্ত।

প্রেরিত্‌ 19:8

ইয়েনর্ পরেদি পৌলে সমাজ-ঘরত্ গেলঅ আর তিন মাস সং জদবদে সাহচ্‌ গুরিনে কধা কলঅ। গোজেন রেজ্য পৌইদ্যেনে তে যুক্তি-তর্কলোই মানুচ্চুনোরে বিশ্বেজ্ গুরিবার চেষ্টা গরা ধুরিলো।

প্রেরিত্‌ 8:36

পধেদি যাদে যাদে তারা এমন্‌ এক্কান জাগাত্ এলাক্ যিয়েনত্ পানি এলঅ। সেক্কে সেই চাগর্‌বো কলঅ, “এইয়্যে চঅ, ইয়েনত্ পানি আঘে; মর্ বাপ্তিষ্ম লবার্ মানা আঘে নাহি?”

প্রেরিত্‌ 9:22

মাত্তর্ শৌলে আরঅ খেমতাবলা ওই উদিলো আর যীশুই যে মশীহ সিয়েন প্রমাণ গুরিলো। ইয়েন্দোই দামেস্কর্ যিহূদীগুনে বেদমা ধোক্ক্যেন ওই গেলাক্।

গালাতীয় 1:16

মুই যেন অযিহূদীগুনো ইধু খ্রীষ্ট পৌইদ্যেনে গম হবর্ প্রচার গরং, ইয়েনত্যে গোজেনে যেক্কে তার্ আওজ্ মজিম তা পুয়োবোরে মইধু ফগদাং গুরিলো সেক্কে মুই কনঅ মান্‌জ্য লগে সল্লা ন-গরং।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

ফগদাং পেইয়্যে 2:18

থুয়াতীরা শঅরর্ মন্ডলী দূত্‌তো ইধু এ কধাগান লেগ- গোজেনর্ পুয়ো, যিবের্ চোগ্‌‌কুন আগুনো জিলো ধোক্ক্যেন আর টেঙানি ভারী চক্‌চোক্ক্যে পিদোল ধোক্ক্যেন তে এ কধাগান কর্: