প্রেরিত্‌ 9:18 - Chakma Bible

^18-19 সেক্কে শৌল চোগ্‌কুনোত্তুন্ আঁশ ধোক্ক্যেন কিজু এক্কান পড়ি গেলঅ আহ্ তে আরঅ দেগিলো। ইয়েন পরেদি তে উদিনে পানিত্ বাপ্তিষ্ম ললঅ আর হানা-দানা গুরিনে বলান্ ফিরি পেলঅ।

প্রেরিত্‌ 9:18 ပူးပေါင်းရင်းမြစ်များ

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 22:13

তে মঅ কায়কুরে এইনে থিয়্যেইনে কলঅ, ভেই শৌল, তর্ রিনি চেবার্ খেমতাগান্ ফিরি এজোক্। আর সেক্কেনে মুই তারে দেগিলুং।

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

প্রেরিত্‌ 9:17

সেক্কে অননিয় যেইনে সেই ঘর ভিদিরে সুমিলো আর শৌল কিয়্যেগানত্ আঢ্ দিইনে কলঅ, “ভেই শৌল, ইধু এবার্ পধত্ যে তরে দেগা দিয়্যে তে প্রভু যীশু। তেয়ই মরে পাধেয়্যে যেন তুই তর্ দেগিবার খেমতাগান্ ফিরি পাজ্ আর পবিত্র আত্মায় পরিপুরোণ অচ্।”

প্রেরিত্‌ 9:8

যেরেদি শৌলে মাদিত্তুন্ উদিলো, মাত্তর্ চোগ্‌‌‌কুন মেলিলে পরেদি কিচ্চু ন-দেগিলো। সেক্কে তা সমাজ্জ্যেগুনে আঢ্‌‌‌তানি ধুরিনে তারে দামেস্কত্ নেযেলাক্।

২ করিন্হীয় 3:14

মাত্তর্ সেই মানুচ্চুনোর্ মনানি দরঅ ওইয়্যে। সেনত্যে এজঅ যেক্কে সেই পুরোণি বেবস্থার্ কধা পড়া অয় সেক্কে তারার্ রিবেঙ উগুরে সেই একই বাবোত্যে পদ্দা থেই যায়, কিয়া বানা খ্রীষ্ট সমারে এগত্তর্ ওইনে সেই পদ্দাগান্ সুরি যায়।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।