প্রেরিত্‌ 8:23 - Chakma Bible

²³ মুই দেগঙর্, তঅ মনান্ লুভে ভরা আর তুই পাপ ইধু বন্দী ওই আঘচ্।”

প্রেরিত্‌ 8:23 ပူးပေါင်းရင်းမြစ်များ

ইয়োব 20:14

তো সেই হানাগান্‌ তা পেদত্‌ যেইনে হর ওই যেবঅ; তা ভিদিরে সিয়েন্‌ সাপ বিষো ধোক্ক্যেন্ অবঅ।

গীতসংহিতা 116:16

ও লগেপ্রভু, ঘেচ্চেক্‌গুরি মুই তঅ চাগর্, তর্ চাগর, তঅ চাগরানিবোর পুয়ো; তুয়ই মর্ বান্যেগান খুলি দুয়োচ্।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

যিশাইয় 28:22

সেনত্তে ইক্কিনে তমার্ ঠাট্টা-মশ্‌কারীগানি থাম, সিয়েন ন-গুরিলে তমার্ বান্যেগানি আরঅ দরমর অবঅ; কিত্তে বেগত্তুন্ খেমতাবলা প্রভু লগেপ্রভুর্ মুয়োদি মুই পুরো দেজ্‌‌‌ছানত্তে ঠিগ গোজ্যে ভস্তর্ কধা শুন্যং।‌

যিশাইয় 58:6

আজলে মুই এবাবোত্যে উবোস্ থানাগান্ চাং: তুমি অবিচারর শিগোল্ আর জুঙোল দুড়িগান খুলি দুয়ো, অত্যেচারিত গুনোরে মুক্তি দুয়ো আর পত্তি জুঙোল্ ভাঙি ফেলঅ,

যিরমিয় 4:18

তর্ আচার-বেবহার আর তর্ বেক্ কামানিত্তে ইয়েনি তঅ উগুরে এচ্চ্যে। ইয়েন তর্ পাজি কাম্ গরানার সাজা। ইয়েন অমকদ তিদে; ইয়েন তর্ মনানরে সেল্ মাজ্যে।”

যিরমিয় 9:15

সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু এ কধাগান কঙর্, ‘চঅ, মুই এ মানুচ্চুনোরে তিদে হানা আর বিষবলা পানি হেবাত্তে বাধ্য গুরিম।

আবিলেচ্ 3:19

মর্ দুঘ্‌‌কান আর ঘুরি বেড়েবার কধানি ইদোত্ তুল্; তিদে আর বিষে ভরা জিংকানিগানর কধানি ইদোত্ তুল্।

আবিলেচ্ 3:5

তে মনত্ দুঘ্ আর কষ্টলোই মরে আক্‌‌‌সোনে ঘিরি রাগেয়্যে।

যোহন 8:34

যীশু তারারে ইয়েন্ কলঅ, “মুই ঘেচ্চ্যেক্‌গুরি তমারে কঙর্, যিগুনে পাপত্ পরি থান্ সিগুনে বেক্কুনে পাপর চাগর্।

ইফিষীয় 4:31

নানান্ বাবোত্যে কাঙেলেত্যে ফগদাং, মেজাজ দেগানা, রাগ, জোগার্ পারিনে কোজ্জ্যে গরানা, গেইল্ দেদি আর নানান্ বাবোত্যে ইংসে তমাত্তুন্ দূর্ গরঅ।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

২ পিতর 2:19

সেই ফক্কর্ মাষ্টরুনে সেই মানুচ্চুনোর্ স্বাধীনতা দেনার এগেম্ গরন সত্য, মাত্তর্ নিজে জঘন্য কামর চাগর্ ওইনে থান; কিয়া কেঅ যুনি কনঅ কিজু ইধু ন-জিদোন সালে তে তার চাগর্ অয়।

২ পিতর 2:4

স্বর্গদূত্‌তুনে যেক্কে পাপ গোজ্জ্যন সেক্কে গোজেনে তারারে ইরি নঅ-দে বরং নরগর্ আন্ধার গাঢত্ ফেলে দিইনে বিচারত্যে থোই দিয়্যে।