প্রেরিত্‌ 8:20 - Chakma Bible

²⁰ সেক্কে পিতরে তারে কলঅ, “তঅ টেঙাগুন্ তঅ সমারে ভস্ত ওক্‌, কিয়া তুই মনে গোজ্জ্যস্ গোজেনর দান টেঙালোই কিনে যায়।

প্রেরিত্‌ 8:20 ပူးပေါင်းရင်းမြစ်များ

গম্ উপদেজ্ 15:26

লগেপ্রভু বেক্ কুজুরোমিগানি ঘিনায়, মাত্তর্ ভালেদির কধাবাত্তানি তা চোগেদি দোল্।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

দানিয়েল 5:17

সেক্কে দানিয়েলে জোবত্ রাজারে কলঅ, তঅ বক্‌‌‌শিজ্‌‌‌চান তর্ থোক্ বা সিয়েনি তুই অন্য কাররে দিচ। মাত্তর্ মুই মহারাজ ইধু লেগাগান পড়িম আর সিয়েনর ভেদ্‌তান্ তারে কোম্।

সখরিয় 5:4

বেগত্তুন্ খেমতাবলা লগেপ্রভু কত্তে, ‘মুই সেই অভিশাব্‌পান্ পাদেম্ আর তা চুরুনো ঘরত্ আহ্ মঅ নাঙে মিজে শমক্ হেইয়্যেগুনোর্ ঘরত্ যেইনে সুমিবাক্ আর তারা ঘরত্ থেইনে তক্তা আর পাত্তর্ সুদ্ধো ভস্ত গুরি ফেলেবাক্।’ ”

মথি লেখ্যে গম্ হবর্ 10:8

ইয়েন বাদেয়ো অসুখ্যেগুনোরে গম্ গরঅ, মরাগুনোরে জিংকানি দুয়ো, ফারাঙি বলাগুনোরে গম্ গরঅ আর ভান্ন্যেই আত্মাগানিরে ধাবেই দুয়ো। তুমি মাগানা পেইয়ো, মাগানা দুয়ো।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

প্রেরিত্‌ 1:18

ভান্ন্যেই কাম্বোই যিহূদা যে টেঙাগুন্ পেয়্যে সিগুনদোই তে এক্কেনা ভুই কিনিলো আর সিয়েনত্ পড়িনে তা পেট্‌তো ফাদি গেলঅ আর আদুড়ি নিগিলি গেলঅ।

প্রেরিত্‌ 10:45

যে যিহূদী বিশ্বেজিগুনে পিতর সমারে এচ্চ্যন্ তারা অযিহূদীগুনো উগুরেয়ো পবিত্র আত্মাগানরে দান ইজেবে ঢালি দিয়্যে অলঅ দেগিনে আমক্ ওই গেলাক্।

প্রেরিত্‌ 11:17

সালে প্রভু যীশু খ্রীষ্ট উগুরে বিশ্বেজ্ গরানার পরেদি গোজেনে আমারে যে দান দিয়্যে সেই একই দান যেক্কে তে তারারেয়ো দিলো সেক্কে মুই কন্না যে, গোজেনরে মানা গুরি পারং?”

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 8:19

“মরেয়ো এ খেমতাগান দুয়ো যেন মুইয়ো কার উগুরে আঢ্‌‌‌তানি রাগেলে তে পবিত্র আত্মাগান পায়।”

প্রেরিত্‌ 8:22

এ ভান্ন্যেয়ত্তুন্ তুই তর্ মনান্ ফিরে আর প্রভু ইধু তবনা গর্; সালে তঅ মনর্ এই ভান্ন্যেই চিন্তেগান অয়ত তে খেমায়ো গুরি পারে।

দ্বি’লম্বর বিররণ 15:9

উজিয়ার, তমার মনত্‌ এই ভান্ন্যেই চিদেগান আমল ন দুয়ো, সাত বজরত্‌, অত্তাৎ কজ্জ মাপ্‌ গরেদে বজরবো প্রায় লুম্মেগি। এই চিদেগান গুরিনে তমার সেই নাঢা ভেইবো উগুরে উল্লোমি মনভাব্‌পোই তারে সুুদো আঢে বিদেয় ন গোজ্য। যুনি সিয়েন্‌ গরঅ সালে সিয়েন্দোই তে তমা বিরুদ্ধে লগেপ্রভুর ইদু কোজোলী গুরিনে বিচের চেবঅ আর তুমি অন্যেয়ত্তে দুষি অবা।

দ্বি’লম্বর বিররণ 7:26

কনঅ ঘিনাইদে জিনিস তমা ঘরত্‌ ন-আনিবা। সিয়েনি তুমি মনে-পরাণে ঘিনেবা আর ঈচ্ গুরিবা, কিত্যে সিগুনো উগুরে আগেদে ভস্ত অবার্‌ অভিশাব। সিয়েনি যুনি তুমি ঘরত্‌ আনঅ সালে তমা উগুরেয়ো ভস্তর্‌ অভিশাব লামি এবঅ।

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।

যাকোব 5:3

তমা সনা আর রূবোনিত্ জাঙারে ধোজ্জ্যে, আর সেই জাঙারানিয়ে তমা বিরুদ্ধে সাক্ষি দিবো আর আগুনো ধোক্ক্যেন গুরি তমা য়েরানি হেই ফেলেব। এই শেজ্ দিনুনোত্ তুমি ধন-সোম্বোত্তি থুবেইয়ো।

ফগদাং পেইয়্যে 18:15

যিগুনে এ জিনিস্‌চানির বেবসা গুরিনে থাগোইয়্যে ওইয়োন সেই বেবসায়ীগুনে তার্ যন্ত্রণাগান দেগিনে দরে দূরোত্ থিয়্যেই থেবাক্।