প্রেরিত্‌ 7:9 - Chakma Bible

^9-10 সেই গুট্টির বাব্‌পুনে ইংসে গুরিনে যোষেফরে চাগর্ ইজেবে মিসর দেজত্ বেজি দুয়োন। মাত্তর্ গোজেনে যোষেফ লগে থেইনে বেক্‌ দুঘোত্তুন্ আর দজাত্তুন্ তারে রোক্ষ্যে গুরিলো। ইয়েন বাদে গোজেনে যোষেফরে জ্ঞান দান গুরিলো আর মিসরর্ রাজা ফরৌণ সুনজরত্ আনিলো। সেনত্তে ফরৌণে তারে মিসর শাসনগুরিয়্যে আর নিজো ঘরর্ সদ্দার্ বানেল।

প্রেরিত্‌ 7:9 ပူးပေါင်းရင်းမြစ်များ

পত্থম 39:2

লগেপ্রভু যোষেফ লগে লগে এলঅ। সেনত্তে তে বেগ্‌ কামানি গমে-ডালে গুরি পাজ্যে। তারে তা মিসরীয় গিরোজ ঘরত্‌ রাগা ওইয়্যে।

পত্থম 39:5

যোষেফরে এ বেক্‌ খেমতাগান্‌ দেনার্‌ পরেদি যোষেফত্তে লগেপ্রভু সে মিসরীয় গিরোজ্‌সোরে বেক্কানিদ্‌ বর্ দিলো। পোটীফর ঘর-দোর্‌ আর ক্ষেত-ক্ষেত্তি বেক্কানিদ্‌ লগেপ্রভু বর্ দিলো

পত্থম 45:4

সেক্কে যোষেফে তা ভেইয়ুনোরে কলঅ, “তুমি মইধু এজঅ।” তারা কায়-কুরে এজানার্‌ পরেদি তে কলঅ, মুই তমার সেই ভেইবো যোষেফ; যিগুনে মিসরত্‌ যাদন্‌ তারা ইধু তুমি মরে বিজি দুয়ো।

গীতসংহিতা 105:17

সেক্কে তে এক্কো মান্‌জ্যরে তারার আগেন্দি পাধেই দিলো- যোষেফরে পাধেই দিলো; চাগর্ ইজেবে তারে বিজি দিয়্যে অলঅ।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

হগয় 2:4

সে পরেদি তুই তারারে কবে, লগেপ্রভু কোইয়্যেদে, ও সরুব্বাবিল, তুই সাহস গর্; ও দাঙর্ ধর্মগুরু যিহোশূয়, সাহস গর্; ও দেজর্ বেক মানুচ্চুন্, তুমি সাহস গরঅ আর কাম্ গরঅ; কিত্যে মুই বেগত্তুন্ খেমতাবলা লগেপ্রভু তমা লগে লগে আগং।

মথি লেখ্যে গম্ হবর্ 27:18

পীলাতে গমেডালে হবর্ পেদঅ যে ইহূদী নেতাগুনে ইংসে গুরিনে যীশুরে তা আঢত্ তুলি দুয়োন্।

১ করিন্হীয় 13:4

কোচ্‌পানা নিত্য ধৈজ্জ্য ধরে, দোয়্যে গরে, ইংসে ন-গরে, দেমাগ্ ন-গরে, বার্‌‌বো ন-গরে,