প্রেরিত্‌ 7:60 - Chakma Bible

⁶⁰ পরেদি তে আঢু পাড়িনে রঅ ছাড়িনে কলঅ, “প্রভু, ইগুনোর্ এ পাপ্পানি ন-ধুরিচ্।” এ কধাগান কোইনে তে মুরি গেলঅ।

প্রেরিত্‌ 7:60 ပူးပေါင်းရင်းမြစ်များ

ইষ্রা 9:5

সে পরেদি সাজোন্যে অক্তত্ উৎসর্বর সময়োত্ মুই মন মরা ওয়্যে দুঘোত্তুন্ ফিরিলুং আর সেই ফাদি যেইয়্যে কাবড় সুমুত্তো আঢু পাদিনে মর্ গোজেন লগেপ্রভুর মুজুঙোত্ দ্বি আঢ্ বাবেই দিইনে এই তবনাগান গুরিলুং,

দানিয়েল 12:2

পিত্‌‌‌‌‌থিমীর মাদি ভিদিরে ঘুমেয়্যে গুণি ন-পুরেইয়্যে মানুচ্ সেক্কে জাগি উদিবাক্; কেউ কেউ উদিবাক্ উমর সং বাঁজি থেবাত্তে, আরঅ অন্যগুনে উদিবাক্ লাজে আরঅ উমরত্যে ঈচ্ গরা হেইয়্যে মান্‌‌‌‌‌জ্য ধোক্ক্যেন।

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

মথি লেখ্যে গম্ হবর্ 27:52

কয়েক্কো গোর্ খুলি গেলঅ আর গোজেনর্ যে মানুচ্চুনে মুরি যেইয়োন্ তারাত্তুন্ ভালোক্কুনোর্ কিয়্যেগানি জেদা ওই উদিলো।

মথি লেখ্যে গম্ হবর্ 5:44

মাত্তর্ মুই তমারে কঙর্, তমা শত্রুগুনোরেয়ো কোচ্‌পেয়ো। যিগুনে তমারে অত্যেচার্ গরন্ তারাত্তে তবনা গোজ্য,

লূকে লেখ্যে গম্ হবর্ 22:41

সে পরেদি যীশু শিচ্চ্যগুনোত্তুন্ এক্কেনা দূরোত্ যেইনে আদু পারিনে তবনা গরা ধল্ল,

লূকে লেখ্যে গম্ হবর্ 23:34

সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।” তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্।

লূকে লেখ্যে গম্ হবর্ 6:28

যিগুনে তমার্ ভালেদি চান্ তারার্ ভালেদি চেয়ো। যিগুনে তমা লগে বজং বেবহার গরন্ তারাত্তে তবনা গরঅ।

যোহন 11:11

এ বেক্‌ কধানি কবার্ পরেদি যীশু শিচ্চ্যগুনোরে কলঅ, “আমা সমাজ্যে লাসারে ঘুমোত্ পোজ্যে, মাত্তর্ মুই তারে জাগেবাত্যে যাঙর্।”

প্রেরিত্‌ 13:36

“দাযূদে সেক্কে মানুচ্চুনো ভিদিরে গোজেনর্ উদ্দেশ্যগান পূরেবার পরেদি মুরি গেলঅ। তা পূরোণি মানুচ্চুনো সমারে তারে গোর্ দিয়্যে অলে পরেদি তা কিয়্যেগান বর্‌‌বাদ ওই গেলঅ।

প্রেরিত্‌ 20:36

এ কধাগান্ কনার্ পরেদি পৌলে বেক্কুনো সমারে আদু পাড়িনে তবনা গুরিলো।

প্রেরিত্‌ 21:5

মাত্তর্ সেই দিনুন্ বিদি গেলে পরেদি আমি তারারে ফেলেইনে আমা পধ্‌থানদি লদ্ দিলোং। বেক্ শিচ্চ্যগুন আর তারা মোগ্‌কুন আহ্ ঝি-পুয়োগুনে আমা লগে লগে শঅর বারেদি এলাক্। যেরেদি সাগর পারত্ আমি আঢু পাড়িনে তবনা গুরিলোং।

প্রেরিত্‌ 9:40

সেক্কে পিতরে তারারে বেক্কুনোরে ঘরত্তুন্ নিগিলেই দিইনে আদু পারিনে তবনা গুরিলো। পরেদি সেই মরা মিলেবো ইন্দি ফিরিনে কলঅ, “টাবিথা, উঠ্।” সেক্কে দর্কা চোগ্‌কুন মেলিলো আর পিতররে দেগিনে উদিনে বলঅ।

১ করিন্হীয় 11:30

সেনত্তে তমা ভিদিরে ভালোকজনে বল্‌পোজ্যে আর অসুগ্ ওইয়োন, আরঅ ভালোকজনে মুরিয়ো যেইয়োন।

১ করিন্হীয় 15:18

সালে খ্রীষ্ট সমারে এগত্তর্ ওইনে যিগুনে মুরি যেইয়োন্ তারা দঅ ভস্ত ওইয়োন।

১ করিন্হীয় 15:20

মাত্তর্ খ্রীষ্টরে ঘেচ্চ্যেকগুরি মরণত্তুন্ জেদা গুরি তুলো ওইয়্যে। তে পত্তম ফল, অত্তাৎ মরণত্তুন্ যিগুনোরে জেদা গরা অবঅ তারা ভিদিরে তেয়ই পত্তমে জেদা ওইয়্যে।

১ করিন্হীয় 15:51

মুই তমারে এক্কান গুমুরো সত্যর্ কধা কঙর্, শুনো। আমি বেক্কুনে যে মুরি যেবং সিয়েন নয়, মাত্তর্ বুদুলি যেবং।

১ করিন্হীয় 15:6

ইয়েন্অ পরেদি তে একই সময়োত্ পাঁচশদত্তুন্-অ বেশ্ ভেইয়ুনোরে দেগা দিয়্যে। তারাত্তুন্ কেঅ কেঅ মুরি গেলেয়ো বেশ্ ভাগ মানুচ্‌ এজঅ বাঁজি আঘন্।

১ থিষলনীকীয় 5:10

খ্রীষ্ট আমাত্যে মোজ্জ্যে, যাতে আমি বাঁজিই বা মুরিই, আমি যেন তা সমারে জেদা থেই পারিই।

২ তীমথিয় 4:16

পত্তম্‌বার যেক্কে মর্ বিচের ওইয়্যে সেক্কে কেঅ মরে এজাল ন-দুয়োন্, বরং বেক্কুনে মরে ফেলেই যেইয়োন; মাত্তর্ ইয়েন যেন তারা বিরুদ্ধে ধরা ন-অয়।

২ পিতর 3:4

আর কবাক্, “তার্ এযানার্ যে এগেম্ এলঅ সিয়েনর কি অলঅ? পিত্‌থিমীগান সৃট্টির সময়ত্তুন্ ধুরি যেধোক্ক্যেন চলের্ ঠিগ্ সেধোক্ক্যেন আমার পূরোণি মানুচ্চুনোর্ মরণর পরেত্তুন্ ধুরি বেক্কানি সেবাবোত্যে গুরি চলের্।”