প্রেরিত্‌ 7:49 - Chakma Bible

⁴⁹ প্রভু কয়, স্বর্গ মর্ সিংহাসন, পিত্‌‌থিমীগান মর্ টেং থবার্ জাগা; মত্তে কিবাবোত্যে ঘর্ তুমি বানেবা? মর্ জিরেবার জাগায়ান্ কুদু অবঅ?

প্রেরিত্‌ 7:49 ပူးပေါင်းရင်းမြစ်များ

১ রাজাবলী 22:19

মীখায় কুয়ো ধুরিলো, “সালে তুই লগেপ্রভুর কধা শুন্‌। মুই চেলুং, লগেপ্রভু তার্‌ সিংহাসনত্‌ বোই আঘে আর তা ডেনে আর বাঙেন্দি বেক্‌ স্বর্গদূত্তুনে আগন্‌।

১ রাজাবলী 8:27

মাত্তর্‌ হামাক্কাই কি গোজেনে পিত্‌‌থিমীত্‌ বজত্তি গুরিবো? দেবাবোত্‌, এন্‌ কি, দেবাবোর্‌ বেক্‌ জাগানিত্‌ যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরত্‌ কি জাগা অবঅ?

২ বংশধর 6:18

মাত্তর্‌ ঘেচ্চেকগুরি কি গোজেনে পিত্‌থিমীত্‌ মানুচ্চুনো লগে বজত্তি গুরিবো? দাঙর্‌ আগাজ্‌, এন্‌ কি, দাঙর্‌ আগাজর্‌ বেক্‌ জাগানি জুড়িনেয়ো যেক্কে তঅ জাগায়ান্‌ নকুলেয়্যে অয় সেক্কে মর্‌ বানেয়্যে এ ঘরানত্‌ কি তর জাগা অবঅ?

গীতসংহিতা 11:4

মাত্তর্ লগেপ্রভু স্বর্গত্ তা পবিত্র থেবার্ জাগানত্ আঘে; তা সিংহাসনান্ সিয়েনত্ আঘে। তে মান্‌‌জ্যরে খিয়েল্ গরে; তা চোগ্‌কুনে তারারে যগা চাই।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

যিরমিয় 23:24

কনজনে কি এমন গুমুরো জাগাত্ লুগেই পারে যিয়েনত্ মুই তারে ন-দেগং? মুই কি স্বর্গ আর পিত্‌‌‌‌থিমীর বেক্ জাগায়ানত্ ন-থাং‌?”

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 23:22

যে স্বর্গর্ নাঙে শমক্ খায় তে গোজেন সিংহাসন আর যিবে তা উগুরে বুয়োই আঘে তা নাঙে শমক্ খায়।

মথি লেখ্যে গম্ হবর্ 24:2

সেক্কে যীশু তারারে কলঅ, “তুমি দঅ ইয়েনি বেক্কানি দেগর্, মাত্তর্ মুই তমারে ঘেচ্চেকগুরি কঙর্, ইয়েনত্ এক্কো পাত্তর উগুরে আর এক্কো পাত্তর্ ন-থেবঅ; বেক্কুন্ ভাঙি ফেলা অবঅ।”

যোহন 4:21

যীশু তারে কলঅ, “শুন্, মঅ কধাগান্ বিশ্বেজ্ গর্, এমন্‌ সময় এজের্ যেক্কে বাবা গোজেনর্ উবোসনা তুমি এ মুড়োবোত্-অ ন-গুরিবা, যিরূশালেমত্-অ ন-গুরিবা।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।