প্রেরিত্‌ 7:42 - Chakma Bible

⁴² মাত্তর্ গোজেনে মুয়োন্ ফিরেল আর আগাজর্ চানানরে-বেলানরে-তারাগুনোরে পূজিবাত্তে তারারে ফেলেই রাগেল। এই একই কধাগান ভাববাদীগুনোর বোইবোত্ লেগা আঘে- ও ইস্রায়েলর মানুচ্চুন, ধূল্যেচর-চাগালাত্ সেই চল্লিশ বজর্ তুমি কি মঅ নাঙে কনঅ য়েমান বা অন্য কনঅ জিনিস্ উৎসর্ব গোজ্য?

প্রেরিত্‌ 7:42 ပူးပေါင်းရင်းမြစ်များ

২ রাজাবলী 17:16

তারা তারার্‌ গোজেন লগেপ্রভুর বেক্‌ উগুমানি ছাড়িনে নিজোত্তে ঢালাই গোজ্যে দ্বিবে গোরু ছঅ মূত্তি আর এক্কো আশেরা-খুদো বানেয়োন। তারা আগাজ তারাগুনোরে পূজো গুরিদাক্‌ আর বাল দেবেদা সেবা গুরিদাক্‌।

২ রাজাবলী 21:3

তা বাপ্পো হিষ্কিয় পূজোর্ যেদক্কানি অজল্‌ জাগা চোইদেল গোজ্যে সিয়েনি তে আরঅ বানেল। ইস্রায়েল রাজা আহাবে যেধোক্ক্যেন গোজ্যে সেধোক্ক্যেন তেয়ো বাল দেবেদা নাঙে কয়েক্কো ডালিপূজো আর এক্কো আশেরা-খুদো বানেল। তে আগাজর বেক্‌ তারাগুনোরে পূজো আর সেবা গুরিদো।

গীতসংহিতা 95:10

চোল্লিশ বজর ধুরি সে সময়ো মানুচ্চুনো উগুরে মুই লবাদোস্যেত্ এলুং; মুই কোইয়োঙে, এ মানুচ্চুনোর মনানি বজং পধেন্দি ঘুরের্; তারা মঅ পথ্‌তান হবর্ ন-পেলাক্।

যিশাইয় 43:23

পুজ্যে উৎসর্বত্তে তুই মইদু ভেড়া ন-আনচ্ আর তর্ কনঅ উৎসর্বলোই মরে সর্মান ন-দেগাজ্। মুই তঅ উগুরে শোজ্য-উৎসর্বর্ ভারান্ ন-দুয়োং; লোবান দিবাত্তে তরে বল্‌‌‌‍পোজ্যে ন-গরং।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

যিশাইয় 66:4

সেনত্তে মুইয়ো তারা উগুরে সাজার্ বেবস্থাগান্ বেঈ নেযেম্ আর তারা যিয়েনি দরান্ সিয়েনি তারা উগুরে আনিম, কিত্তে মুই ডাগিলে কনজনে জোব্ ন-দুয়োন, মুই কধা কলে কনজনে ন-শুনোন্। মঅ চোগেদি যিয়েনি ভান্ন্যেই সিয়েনি তারা গোজ্যন্, আর মরে যিগুনে অহুজি গরন সেনত্তে তারা বেঈ লোইয়োন।”

যিরমিয় 19:13

যিরূশালেমর বেক্ ঘরানি আর যিহূদার রাজাগুনোর ঘরানি, অত্তাৎ যেদক্কানি ঘরর্ ছাল উগুরে বেলান, চানান আর তারাগুনো নাঙে তারা আগর্‌বাট্টি জ্বালেদাক আরে দেব-দেবেদাগুনো নাঙে ঢালন-উৎসর্বর জিনিস ঢালি দিদাক্ সেই বেক ঘরানি তোফত ধোক্ক্যেন অসিজি অবঅ।’ ”

যিরমিয় 8:2

সে আড়ুন বেলান, চানান আর আগাজর বেক তারাগুনো মুজুঙোত্ পড়ি থেবাক্, কিত্তে তারা আগাজর সেই বেক্কুনোরে কোচ্‌পেদাক্ আর সেবা গুরিদাক আর সিগুনো পিজেদি যেদাক্ আর তারা লগে সল্লা গুরিদাক্ আর তারারে পূজো গুরিদাক্। সেই আড়ুনোরে তুবেইনে গোর্ দিয়্যে ন-অবঅ, বরং সিগুন গবর ধোক্ক্যেন মাদিত্ পড়ি থেবঅ।

যিহিষ্কেল 20:25

সেনত্তে যেদক্কানি সুদোম গম্ নয় আর যে রীদি-সুদোমর্ মাধ্যমে তারা জিংকানি ন-পেবাক্ সেই বেক্কুনো আদত্ মুই তারারে ইরি দিলুং।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

যিহিষ্কেল 8:16

সে পরেদি তে মরে লগেপ্রভুর ঘর ভিদিরে উদোনত্ নেযেল আর সিদু উবোসনা-ঘরত্ সোমেবার মুয়োনত্ বারান্দা আর পূজোর্ সংমোধ্যে পেরায়্ পোজোশ্‌জন মানুচ্ এলাক্। লগেপ্রভু ঘর ইন্দি পিজেদি ফিরিনে পূগেদি মু গুরি তারা বেলানরে জু জু জানাদন্।

হোশেয় 4:17

ইফ্রয়িমে মূত্তিগুনো লগে মিজেয়্যেগোই; তারে সিয়েনই গুরিবাত্তে দুয়ো।

যোহন 6:45

ভাববাদীগুনোর্ বোইবোত্ লেগা আঘে, ‘তারা বেক্কুনে গোজেনত্তুন্ শিক্ষ্যে পেবাক্।’ যে কেঅ বাবত্তুন্ শুনিনে শিক্ষ্যে পেইয়্যে তেয়ই মইধু এজে।

প্রেরিত্‌ 13:40

ইয়েনত্যে তুমি উজিয়ার্ অ, যেন ভাববাদীগুনোর্ কোইয়্যে ইয়েনি বেক্কানি তমা উগুরে ন-ঘদে:

প্রেরিত্‌ 7:36

এ মোশিই মিসর দেজত্তুন্ ইস্রায়েলীয়গুনোরে নিগিলেই আন্ন্যে আর মিসর দেজত্, লোহিত সাগরত্ আর চল্লিশ বজর্ সং ধূল্যেচর-চাগালাত্ ভালোক্কানি আমক্ অবার্ কাম্ গোজ্যে।

দ্বি’লম্বর বিররণ 17:3

তে অয়ত মর্‌ উগুমোর বিরুদ্ধে যেইনে দেব-দেবেদাগুনোরে সেবা গরের্‌ আর সেই বেক্‌ দেব-দেবেদা বা বেল্লো, চাঁনান্ বা আগাজ্‌ তারাগুনোরে পূজো গরের্‌।

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।

ইব্রীয় 3:9

তমা পূরোণি মানুচ্চুনে সিধু মরে যাচাই গোজ্জ্যন, আর চল্লিচ্ বজর্ ধুরি সেই সময়ো মানুচ্চুনে মঅ কামানি দেক্ক্যন্।

যিহোশূয় 24:20

তুমি যুনি লগেপ্রভুরে ছাড়িনে দেব-দেবেদারে সেবা গরঅ সালে তে তমা ইন্দিত্তুন্‌ ফিরিবো আর যুনিয়ো তে আগেন্দি তমারে ভালেদি গোজ্যে মাত্তর্‌ সেক্কে তমা উগুরে অমংগল আনিনে তমারে শেজ্‌ গুরি দিবো।”