প্রেরিত্‌ 7:34 - Chakma Bible

³⁴ মিসর দেজত্ মঅ মানুচ্চুনো উগুরে যে অত্যেচার্ অর্ সিয়েন মুই দেক্ক্যং। মুই তারার্ কোজোলি গরানাগানি শুন্ন্যং আর তারারে উদ্ধোর্ গুরিবাত্যে লামি এচ্চ্যং। ইক্কিনে মুই তরে মিসর দেজত্ ফেরৎ পাধেম্।”

প্রেরিত্‌ 7:34 ပူးပေါင်းရင်းမြစ်များ

পত্থম 11:5

মানুচ্চুনে যে শঅরান আর অজল ঘরান বানেয়োন সিয়েন্‌ চেবাত্তে লগেপ্রভু লামি এলঅ।

পত্থম 11:7

সেনত্তে এজঅ, আমি তলে লামিনে তারা কধানিত্‌ যাগুলুক্‌ বাজেই দিই যেনে তারা একজন কধা আরেকজনে বুঝি ন-পারন।”

পত্থম 18:21

সেনত্তে মুই ইক্কিনে তলেদি যেইনে চেবাত্তে চাং, তারা যিয়েনি গোজ্যন্‌ বিলি শুন্যং সিয়েনি হামাক্কায় এদক্‌ ভান্ন্যেই নাকি। আর যুদি সিয়েনি ন অয়্‌ সিয়েনঅ মুই জানি পারিম্‌।”

নহিমিয় 9:9

মিসর দেজত্‌ আমা পূরোণিমানুচ্চুনোর্‌ দুখ্‌কানি তুই দেখ্যস্‌; লোহিত সাগরর্‌ পারত্‌ তারার্‌ কানানিগানি তুই শুন্যস্‌।

গীতসংহিতা 105:26

তে তার চাগর্ মোশিরে আর তার বেঈ লোইয়্যে হারোণরে পাধেই দিলো;

গীতসংহিতা 106:44

তো তে তারার কানানিগানি শুনিনে তারান্দি ফিরি চেলঅ।

গীতসংহিতা 144:5

ও লগেপ্রভু, তঅ আগাজ্‌চান্ লোঙেইনে তুই লামি আয়; তুই মুড়ো-মুড়িগুন ধর্ যেনে সিগুনোত্তুন্ ধূমো নিগিলে।

যাত্রা 3:14

গোজেনে মোশিরে কলঅ, যিবে মুই আগং মুয়ই তে। তুই ইস্রায়েলীয়গুনোরে কবেদে, মুই আগং তমাইধু তারে পাদেইয়্যে।

যাত্রা 4:31

সেক্কে মানুচ্চুনে বিশ্বেজ্ গুরিলাক্। তারা যেক্কে শুনিলাক্, লগেপ্রভু ইস্রায়েলীয়গুনোর্‌ দুখ্‌কানি দেক্ক্যে আর তারা কধানি চিদে গোজ্যে সেক্কে তারা মাদিত্‌ মাঢা নিগিরিনে লগেপ্রভুরে তারার্‌ মনর্ ভোক্তি জানেলাক্।

যিশাইয় 64:1

আহ্, তুই যুনি আগাজ্‌‌চান ফাদিনে লামি এদে! যুনি মুড়ো-মুড়িগুন তঅ মুজুঙোত্ গির্‌‌গিরেদাক!

হোশেয় 12:13

মিসরত্তুন্ ইস্রায়েলরে আনিবাত্তে লগেপ্রভু এক্কো ভাববাদীরে বেবহার গোজ্যে; তারে দিইনে তে তার্ দেগাশুনো গোজ্যে।

মীখা 6:4

মুই মিসর দেজত্তুন্ তমারে নিগিলেই আন্যং, চাগর অবস্থাত্তুন্ তমারে উদ্ধোর্ গোজ্যং। তমারে বল্ দিবাত্তে মোশি, হারোণ আর মরিয়মরে পাদেয়োং।

গণাণা 11:17

মুই সিয়েনত্‌ লামি এইনে তঅ সমারে কধা কোম্‌। তঅ উগুরে যে আত্মাগান্‌ আঘে মুই সিয়েনরে তারা উগুরেয়ো দিম্‌। মানুচ্চুনোর্‌ ভারান্‌ বুয়োই নিবাত্তে তারা তরে সাহায্য গুরিবাক। সেক্কে তত্তুন্‌ আর গায়্‌ গায়্‌ দায়িত্বোগান বুয়োই নেযা ন-পুরিবো।

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 6:38

কিয়া মুই মঅ মনেমন্‌জক্কাগুরি কাম্ গুরিবাত্যে ন-এজং, বরং যে মরে দিপাধেয়্যে তার আওজ্ মজিম্ কাম্ গুরিবাত্যে স্বর্গত্তুন্ লামি এচ্চ্যং।

বিচের গুরিয়্যেগুন 2:18

লগেপ্রভু যেক্কে তারাত্তেই কনঅ শাজন্ গুরিয়্যে থিক্‌ গুরিদো সেক্কে তে তা সমারে থেদঅ। সে শাজন্ গুরিয়্যেবো যেদকদিন বাঁজি থেদঅ‌ সেদকদিন সং লগেপ্রভু শত্রুগুনোর আঢত্তুন্‌ ইস্রায়েলীয়গুনোরে রোক্ষ্যে গুরিদো। অত্যেচারীগুনোর আঢত্‌ যন্ত্রণা আর দুখ্‌ পেইনে তারা যেক্কে কানাকুদি গুরিদাক্‌ সেক্কে তারা উগুরে লগেপ্রভুর মেইয়্যে অদঅ‌।