প্রেরিত্‌ 7:27 - Chakma Bible

²⁷ মাত্তর্ যে মানুচ্চো বজং বেবহার গোজ্যে তে মোশিরে ঢাক্কা মারিনে সোরেই দিইনে কলঅ, আমা উগুরে কন্না তরে শাসনগুরিয়্যে আর বিচেরগুরিয়্যে বানেয়্যে?

প্রেরিত্‌ 7:27 ပူးပေါင်းရင်းမြစ်များ

পত্থম 19:19

চঅ, তমা এ চাগর্‌বো উগুরে তুমি হুজি ওইয়ো, আর মঅ পরাণান্‌ রোক্ষ্যে গুরিনে তুমি মত্তে যিয়েন্‌ গুরিবার্‌ তাত্তুনঅ বেশ্‌ গোজ্য। মাত্তর্‌ মুই মুড়ো উগুরে ধেই যেই ন-পারিম্‌। তা আগেদি অয়ত এ দজাগান্‌ মঅ উগুরে পুড়িদো আর মুই মুরি যেদুং।

যাত্রা 2:14

মানুচ্চো কলঅ, “কন্না তরে আমার্‌ নেতা আর শাজন্ গুরিয়্যে বানেয়্যে? সে মিসরীয়গুনো ধোক্ক্যেন মরেয়ো মারে ফেলেবাত্তে চাজ্‌ না কি?” এ কধাগান্‌ শুনিনে মোশি দোরেল। তে চিদে গুরিলো, হামাক্কায় বেপারান্‌ হবর্‌ পাহ্‌‌পি ওইয়্যে।

মথি লেখ্যে গম্ হবর্ 21:23

যীশু উবোসনা-ঘরত্ ফিরি গেলঅ। যেক্কে তে সিয়েনত্ শিক্ষ্যে দের্ সেক্কে আজল্ ধর্মগুরুগুনে আর যিহূদীগুনোর্ বুড়ো নেতাগুনে তাইধু এইনে পুযোর্ গুরিলাক্, “তুই কন্ অধিকারে ইয়েনি গরর্? কন্না তরে এই অধিকারান্ দিয়্যে?”

লূকে লেখ্যে গম্ হবর্ 12:14

যীশু তারে কলঅ, “বিচের্ গুরিবার্ বা তমা ভিদিরে সম্বোত্তি ভাগ্ গুরি দিবার্ অধিকার মরে কন্না দিয়্যে?”

প্রেরিত্‌ 4:7

তারা পিতর আর যোহনরে তারা সংমধ্যে থিয়্যেই রাগেইনে পুযোর্ গুরিলাক্, “তুমি কাহ্ বল্লোই বা কাহ্ নাঙে এ কামানি গোজ্য?”

প্রেরিত্‌ 5:33

এ কধাগান শুনিনে সেই নেতাগুনে রাগে আগুন ওই উদিলাক্ আর দিপাধেয়্যে প্রচারক্কুনোরে মারে ফেলেবাত্তে চেলাক্,

প্রেরিত্‌ 7:35

ইবে সেই একই মোশি যিবেরে ইস্রায়েলীয়গুনে ইয়েন কোইনে ফিরেই দুয়োন, কন্না তরে শাসনগুরিয়্যে আর বিচেরগুরিয়্যে বানেয়্যে? যে স্বর্গদূত্‌তো সেই ঝুবো ভিদিরেত্তুন্ মোশিরে দেগা দিয়্যে সেই স্বর্গদূত্‌তো মাধ্যমে গোজেনে নিজে এ মোশিরে ইস্রায়েলীয়গুনোর শাসনগুরিয়্যে আর উদ্ধোর গুরিয়্যে ইজেবে মিসরত্ পাধেয়্যে।

প্রেরিত্‌ 7:39

মাত্তর্ আমা পূরোণি মানুচ্চুনে মোশিরে মানি লবাত্তে ন-চেলাক্। সিয়েনর বদলে তারা মোশিরে এলাফেলা গুরিনে মিসর দেজ ইন্দি মন ফিরেইনে হারোণরে কলাক্, আমারে পধ দেগেই নেযেবাত্যে দেব-দেবেদা বানেই দে, কিয়া যে মোশি আমারে মিসর দেজত্তুন্ নিগিলেই আন্ন্যে তার কি ওইয়্যে আমি কোই ন-পারিই।

প্রেরিত্‌ 7:54

ইয়েনি বেক্‌ কধানি শুনিনে সেই নেতাগুনে রাগে আগুন্ ওই গেলাক্ আর স্তিফান বিরুদ্ধে দাত্ কামাড়া ধুরিলাক্।