প্রেরিত্‌ 7:25 - Chakma Bible

²⁵ মোশি মনে গোজ্জ্যেদে, তা নিজো মানুচ্চুনে বুঝিবাক্ গোজেনে তারে দিইনে তারারে উদ্ধোর্ গুরিবো, মাত্তর্ তারা সিয়েন বুঝি ন-পারিলাক্।

প্রেরিত্‌ 7:25 ပူးပေါင်းရင်းမြစ်များ

২ রাজাবলী 5:1

নামানে এলদে অরামর রাজার সৈন্যদলর সেনাপতি। তা গিরোজ্‌সোর্‌ চোগোত্‌ তে এলদে এক্কো দাঙর্‌ আর সর্মানিত মানুচ্‌, কিত্তে তারে দিইনে লগেপ্রভু অরামরে জিদেই দিয়্যে। তে এলদে এক্কো বীর যোদ্ধা, মাত্তর্‌ তা কিয়্যেত্‌ এলদে ফারাঙিরুগ্‌।

গীতসংহিতা 106:7

মিসরত্ থেবার সময় আমা পুরোণি মানুচ্চুনে তর্ আমক্ অবার কামানি দেগিনে কিচ্ছু ন-বুঝোন্; তারা তর্ শেজ্ ন-ওইয়্যে অমকদ কোচ্‌পানার কধায়ো মনত্ ন-রাগান্; তারা সাগর পারত্, লোহিত সাগর পারত্ উল্লোমি গোজ্যন্।

যাত্রা 2:12

তে ইন্দি উন্দি রিনি চেইনে কায়-কুরে কাররে ন-দেগিলো। সেক্কে তে সে মিসরীয়বোরে মারে ফেলেইনে কোরোলী যাবেই দি রাগেল।

মার্ক 9:32

মাত্তর্ শিচ্চ্যগুনে যীশু কধাগানর মানেগান্ বুঝি ন-পারিলাক্ আর তারে পুযোর্ গুরিবাত্তেয়ো তারার্ দর্ লাগিলো।

লূকে লেখ্যে গম্ হবর্ 18:34

মাত্তর্ শিচ্চ্যগুনে ইয়েনি পৌইদ্যেনে কিচ্চু ন-বুঝিলাক্‌। সে কধাগানর্ অত্তগান্ তারা ইধু গুমোরত্ রাগা ওইয়্যে বিলি যীশু যে কি কোইয়্যে সিয়েন্ তারা ন-বুঝিলাক্।

লূকে লেখ্যে গম্ হবর্ 9:45

মাত্তর্ শিচ্চ্যগুনে সে কধাগান্ বুঝি ন-পারিলাক্। গোজেনে তারাত্তুন্ সিয়েনি গুমুরোত্ রাগেয়্যে যেন তারা বুঝি ন-পারন্। ইয়েন্দোই কনঅ কধা যীশুরে পুযোর্ গুরিবাত্তেয়ো শিচ্চ্যগুনে দোরেলাক্।

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

প্রেরিত্‌ 15:4

যেক্কে পৌল আর বার্ণবা যিরূশালেমত্ এলাক্ সেক্কে মন্ডলীর মানুচ্চুনে, নেতাগুনে আর প্রচারক্কুনে আওজ্ গুরিনে তারারে মানি ললাক্। তারারে দিইনে গোজেনে যিয়েনি গোজ্জ্যে সিয়েনি বেক্কানি তারা বেক্কুনোরে কলাক্।

প্রেরিত্‌ 15:7

বোউত্ তেম্মাং গরানার্ পরেদি পিতরে উদিনে তারারে কলঅ, “ভেইলগ্, তুমি দঅ কোই পারঅ যে, ভালোক্ দিন আগে তমা ভিদিরেত্তুন্ গোজেনে মরে বেঈ লোইয়্যে যাতে অযিহূদীগুনে মঅ মুয়োত্তুন্ গম্ হবরর্ কধা শুনিনে বিশ্বেজ্ গরন্।

প্রেরিত্‌ 21:19

পৌলে তারারে ভালেদি জানেল আর তা প্রচারর্ মাধ্যমে গোজেনে কিবাবোত্যেগুরি অযিহূদীগুনো ইধু কাম্ গোজ্যে সিয়েনি এক্কান্ এক্কান্ গুরি কলঅ।

প্রেরিত্‌ 7:24

এক্কো মিসরীয়রে এক্কো ইস্রায়েলীয় উগুরে ভান্ন্যেই বেবহার গত্তে দেগিনে তে সেই ইস্রায়েলীয়বোরে বল্ দিবাত্যে গেলঅ আর সেই মিসরীয়বোরে মারে ফেলেইনে তা কেনাগান শুজিলো।

প্রেরিত্‌ 7:26

তার কেল্যে মোশি দ্বিজন ইস্রায়েলীয়রে মারামারি গত্তে দেগিলো। সেক্কে তে তারারে মিলেই দিবাত্যে কলঅ, ও, তুমি দঅ ভেই ভেই; সালে একজন আরেকজন সমারে কিত্ত্যে এবাবোত্যে বজং বেবহার গরর্?

রোমীয় 15:18

খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

কলসীয় 1:29

এই উদ্দেচ্চ্যগান্দোই গোজেনে যে দাঙর্ খেমতাগানে মঅ ভিদিরে কাম গোজ্জ্যে সেই খেমতা মজিম মুই জদবদে কাম্ গরঙর্।

বিচের গুরিয়্যেগুন 15:12

তারা তারে কলাক্‌, “আমি তরে বানিনে পলেষ্টীয়গুনোর আঢত্‌ তুলি দিবাত্তে এচ্ছ্যেই।” শিম্‌শোনে কলদে, “সালে তুমি মইদু শমক্‌ খেইনে কঅ, তুমি নিজে মরে মারে ন-ফেলেবা।”

১ শমূয়েল 14:45

মাত্তর্‌ মানুচ্চুনে শৌলরে কলাক্, “কি? যিবেত্যে ইস্রায়েলীয়গুনে এই দাঙর্ উদ্ধোরান্ পেইয়োন সেই যোনাথনত্তুন মরা পুরিবো? কনদিনঅ নয়; জেদা লগেপ্রভুর শমক্‌, তা এক্কান চুলঅ মাদিত্‌ ন-পুরিবো, কিত্যে তে এচ্চ্যে যিয়েনি গোজ্যে সিয়েনি গোজেন লগে থেইনেই গোজ্যে।” মানুচ্চুনে এধোক্ক্যেনগুরি যোনাথনরে রোক্ষে গুরিলাক্, তারে মারে ফেলা ন-অলঅ।

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”