প্রেরিত্‌ 7:16 - Chakma Bible

¹⁶ তারার কিয়্যেগানি শিখিমোত্ আনিনে গোর্ দিয়্যে অলঅ। এ গোর জাগায়ান অব্রাহামে শিখিম শঅরর্ হমোর পুয়োগুনোত্তুন্ রুবো দিইনে আগেদি কিন্ন্যে।

প্রেরিত্‌ 7:16 ပူးပေါင်းရင်းမြစ်များ

পত্থম 23:16

ইফ্রোণ কধাগান শুনিনে অব্রাহামে বেবসায়ীগুনোর্ মাপ ঢগে চেরশ কট্টা রূবো তারে মাবি দিলো। ইফ্রোণে হিত্তীয়গুনো মুজুঙোত্‌ এ চেরশ কট্টা রূবোর্ কধা কোইয়্যে।

পত্থম 23:4

“মুই অন্য দেজত্তুন্‌ এইনে বিদেশী ইজেবে তমা সমারে বজত্তি গরঙর্‌। সেনত্তে দোয়্যে গুরি গোর জাগা গুরিবাত্তে মরে তমা ভিদিরেত্তুন্‌ এক্কেনা জাগা ছাড়ি দুয়ো যেনে সিয়েনত্‌ মুই মর্‌ মোজ্যেদে মোক্কোরে গোর্ দি পারং।”

পত্থম 35:19

রাহেলে মুরি যানার পরেদি ইফ্রাথত্‌, অত্তাৎ বৈৎলেহমত্‌ যেবার পদথ্‌ তারে গোর্ দিয়্যে অলঅ।

পত্থম 47:30

কিত্তে মুই মর্‌ পুরোণি মানুচ্চুনো সমারে থেদুং চাং। তুই মর্‌ মরাকিয়্যেগান্‌ মিসর্‌ দেজত্তুন্‌ নিগিলে নিইনে মর্‌ পূরোণিমানুচ্চুনে যিয়েনত্‌ গোর্ পেইয়োন্‌ সিয়েনত্ মরে গোর্ দুয়ো।”

পত্থম 50:12

ইস্রায়েল তা পুয়োগুনোরে যিয়েনি গুরিবাত্তে কোইয়্যে সিয়েনি তারা গুরিলাক্।

পত্থম 50:13

তারা তা কিয়্যেগান্‌ কনান দেজত্‌ নেযেলাক্ আর মম্রি ইধু মক্‌পেলার্‌ ভূইয়ো গাত্তোত্‌ তারে গোর্ দিলাক্। গোর জাগা বানেবাত্তে ভুইয়ান্‌ সমুত্ত এ গাত্তো অব্রাহামে হিত্তীয় ইফ্রোণত্তুন্‌ কিনি নেযেল।

যাত্রা 13:19

মোশি যোষেফ আড়ুন্ লগেগুরি নেযেল, কিত্তে এ পৌইদ্যেনে যোষেফে ইস্রায়েলীয়গুনোরে শমক্‌ খাবেয়্যে। তে কোইয়্যেদে, “গোজেনে হামাক্কায়্‌ তমারে দেগাশুনো গুরিবো। ইয়োত্তুন্‌ যেবার্‌ সময়োত্‌ তুমি মর্‌ আড়ুন্‌ তুলিনে লগে গুরি নেযেয়ো।”

যিহোশূয় 24:32

যোষেফর আড়ুন, যিগুন ইস্রায়েলীয়গুনে মিসর দেজত্তুন্‌ লোই এচ্ছো্‌ন্‌, সিগুন্‌ তারা শিখিমোত্‌ গোর্ দিইনে রাগেয়োন্‌। যাকোবে এ জাগায়ান শিখিমর বাপ হমোরর পূঅগুনোত্তুন্‌ একশঅ্‌ কসীতা দিইনে কিনি লোইয়্যে। এ জাগায়ান যোষেফর বংশধরুনোর সোম্বোত্তি ভিদিরে পোজ্যে।