প্রেরিত্‌ 7:15 - Chakma Bible

¹⁵ যাকোবে মিসরত্ গেলঅ, আহ্ সিধু তে আর আমা পূরোণি মানুচ্চুনে মুরি গেলাক্।

প্রেরিত্‌ 7:15 ပူးပေါင်းရင်းမြစ်များ

পত্থম 46:1

ইস্রায়েলে তার্‌ বেক্কানি লোইনে নিগিলিলো। বের্‌-শেবাত্ এইনে তে তার্ বাপ ইস্‌হাকর্ গোজেন নাঙে কয়েক্কো উৎসর্বর অনুষ্টান গুরিলো।

পত্থম 47:30

কিত্তে মুই মর্‌ পুরোণি মানুচ্চুনো সমারে থেদুং চাং। তুই মর্‌ মরাকিয়্যেগান্‌ মিসর্‌ দেজত্তুন্‌ নিগিলে নিইনে মর্‌ পূরোণিমানুচ্চুনে যিয়েনত্‌ গোর্ পেইয়োন্‌ সিয়েনত্ মরে গোর্ দুয়ো।”

পত্থম 49:33

যাকোবে তা পুয়োগুনোরে উগুম্‌ দেনার পরেদি বিচ্ছোনান উগুরে তা টেঙানি তুলিনে ঘুমোত্‌ পুড়িলো। সে পরেদি শেজ্ নিযেস্‌ ফেলেইনে তা পুরোণি মানুচ্চুনো ইধু গেলগোই।

গীতসংহিতা 105:23

সে পরেন্দি ইস্রায়েলে মিসরত্ গেলঅ; হাম-বংশীয়গুনোর দেজত্ যাকোবে কয়েক বজর্ বজত্তি গুরিলো।

যাত্রা 1:6

পরেদি যোষেফ, তা ভেইয়ুন্‌ আর তারার্ সময়োত্‌ বেক্কুনে মুরি গেলাক্।

যাত্রা 13:19

মোশি যোষেফ আড়ুন্ লগেগুরি নেযেল, কিত্তে এ পৌইদ্যেনে যোষেফে ইস্রায়েলীয়গুনোরে শমক্‌ খাবেয়্যে। তে কোইয়্যেদে, “গোজেনে হামাক্কায়্‌ তমারে দেগাশুনো গুরিবো। ইয়োত্তুন্‌ যেবার্‌ সময়োত্‌ তুমি মর্‌ আড়ুন্‌ তুলিনে লগে গুরি নেযেয়ো।”

গণাণা 20:15

আমা পুরোণি মানুচ্চুনে মিসর দেজত্‌ যেইয়োন্‌ আর আমি বোউত্‌ বজর্‌ সিয়েনত্‌ বজতি গোজ্যেই। মিসরীয়গুনে আমার্‌ আর আমা পুরোণি মানুচ্চুনো উগুরে ভান্ন্যেই বেবহার্‌ গরানায় আমি লগেপ্রভু ইদু কানাকুদি গোজ্যেই। তে আমা কানাকুদি শুনিনে তার্‌ দূত পাদেইনে মিসরত্তুন্‌ আমারে নিগিলেই আন্যে।

দ্বি’লম্বর বিররণ 10:22

তমার্‌ যে পুরোণি মানুচ্চুনে মিসরত্‌ যেইয়োন তারা সোংখ্যেন্দি এলাক্কে বানা সত্তুরজন আর ইক্কিনে তমার গোজেন লগেপ্রভু তমারে জনেদি গুরি দিয়্যে আগাজর্‌ তারাগুনো ধোক্ক্যেন গুণি ন-পুড়েইয়্যে।

দ্বি’লম্বর বিররণ 26:5

সে পরেন্দি তুমি বেক্কুনে তমার গোজেন লগেপ্রভুর মুজুঙোত্‌ কবাদে, আমার পুরোণি মানুচ্চো এলঅ এক্কো অরামীয় বেড়াজ্যে। তে বানা কয়েক্কো মানুচ্‌ নেযেইনে মিসর দেজত্‌ যেয়েগোই আর সিয়েনত্ বজত্তি গুরিবার অক্তত তা মাধ্যমে এক্কো দাঙর্‌ আর বোলী জাদর জর্ম ওইয়্যে যিবের মান্‌জ্যর সোংখ্যে এলাক ভালোক্কুন।

যিহোশূয় 24:32

যোষেফর আড়ুন, যিগুন ইস্রায়েলীয়গুনে মিসর দেজত্তুন্‌ লোই এচ্ছো্‌ন্‌, সিগুন্‌ তারা শিখিমোত্‌ গোর্ দিইনে রাগেয়োন্‌। যাকোবে এ জাগায়ান শিখিমর বাপ হমোরর পূঅগুনোত্তুন্‌ একশঅ্‌ কসীতা দিইনে কিনি লোইয়্যে। এ জাগায়ান যোষেফর বংশধরুনোর সোম্বোত্তি ভিদিরে পোজ্যে।

যিহোশূয় 24:4

আর ইস্‌হাকরে দান গুরিলুং যাকোবরে আর এষৌরে। সেয়ীরর মুড়ো-মুড়ি চাগালাগান মুই এষৌরে সোম্বোত্তি ইজেবে দিলুং, মাত্তর্‌ যাকোব আর তার্‌ পুঅগুনে গেলাক্‌ মিসর দেজত্‌।