প্রেরিত্‌ 6:12 - Chakma Bible

¹² এবাবোত্যেগুরি তারা মানুচ্চুনোরে, বুড়ো নেতাগুনোরে আর ধর্ম মাষ্টরুনোরে রাগ্ তুলি দিলাক্ আর স্তিফানরে ধুরিনে দাঙর্ তেম্মাঙ মুজুঙোত্ আনিলাক্।

প্রেরিত্‌ 6:12 ပူးပေါင်းရင်းမြစ်များ

গম্ উপদেজ্ 15:18

রাগী মান্‌জ্যে কোল্-কোজ্যে বাজান্, মাত্তর্ যে মান্‌জ্যে সহজে রাগ ন-গরে তে কোল্-কোজ্যে থামেই দে।

মথি লেখ্যে গম্ হবর্ 26:57

যিগুনে যীশুরে ধোজ্যন্ তারা তারে দাঙর্ ধর্মগুরু কাইয়াফা ইধু নেযেলাক্। সিদু ধর্ম-মাষ্টরুনে আর বুড়ো নেতাগুনে এক সমারে এগত্তর্ ওইয়োন্।

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

লূকে লেখ্যে গম্ হবর্ 20:1

একদিনোত্ যেক্কেনে যীশু উবোসনা-ঘরত্ মানুচ্চুনোরে শিক্ষ্যে দের্ আর গম্ হবর্ ফগদাং গরের্ । এমন্ সময়োত্ আজল্ ধর্মগুরুগুনে আর ধর্ম-মাষ্টরুনে বুড়ো নেতাগুনো সমারে এইনে যীশুরে কলাক্, “কন্ অধিকারে তুই ইয়েনি গরর্ আর কন্না তরে এই অধিকারান্ দিয়্যে, সিয়েন আমারে কঅ।”

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

প্রেরিত্‌ 17:13

থিষলনীকীর্ যিহূদীগুনে যেক্কে শুনিলাক্ পৌলে বিরয়াত্ গোজেনর্ কধা ফগদাং গরের্ সেক্কে তারা সিধুয়ো গেলাক্ আর মানুচ্চুনোরে উচ্চোমি তুলি দিইনে যাগুলুগ্ বাজেই দিলাক্।

প্রেরিত্‌ 18:12

গাল্লিয়ো যেক্কে আখায়া রেজ্যর্ শাসনগুরিয়্যে এলঅ সেক্কে যিহূদীগুনে বেক্কুনে মিলি পৌলরে ধুরিনে বিচেরত্যে কোদোত্ আনিলাক্।

প্রেরিত্‌ 21:27

সিজি অনার্ সেই সাত দিনো শেজত্ এশিয়া রেজ্যর্ কয়েক্কো যিহূদী পৌলরে উবোসনা-ঘরত্ দেগিলাক্। তারা সিধুগোর্ বেক্ মানুচ্চুনোরে ভেজেই দিলাক্ আর পৌলরে ধুরিলাক্।

প্রেরিত্‌ 5:18

তারা দিপাধেয়্যে প্রচারক্কুনোরে ধুরিনে সরকারী জেলোত্ দিলাক্।

প্রেরিত্‌ 5:27

দিপাধেয়্যে প্রচারক্কুনোরে আনিনে তারা দাঙর্ তেম্মাঙত্ আজির্ গুরিলাক্। সেক্কে দাঙর্ ধর্মগুরুবো দিপাধেয়্যে প্রচারক্কুনোরে কলঅ,

প্রেরিত্‌ 6:11

সেক্কে সেই যিহূদীগুনে ভিদিরে ভিদিরে কয়েক্কো মান্‌জ্যরে এ কধাগান কবাত্যে ভেজেই দিলাক্, “আমি স্তিফানরে মোশি আর গোজেন বিরুদ্ধে অগমান কধা কধে শুন্ন্যেই।”