প্রেরিত্‌ 6:11 - Chakma Bible

¹¹ সেক্কে সেই যিহূদীগুনে ভিদিরে ভিদিরে কয়েক্কো মান্‌জ্যরে এ কধাগান কবাত্যে ভেজেই দিলাক্, “আমি স্তিফানরে মোশি আর গোজেন বিরুদ্ধে অগমান কধা কধে শুন্ন্যেই।”

প্রেরিত্‌ 6:11 ပူးပေါင်းရင်းမြစ်များ

যাত্রা 23:1

মিজে কধানি ন-বাড়েবা। সিয়েনি গুরিনে অন্যেয়র্ পক্ষ ওইনে পাজি মান্‌জ্যরে এজাল্ ন-দিবা।

যিরমিয় 26:11

সেক্কে ধর্মগুরু আর ভাববাদীগুনে সেই রাজকর্মচারীগুনোরে আর বেক মানুচ্চুনোরে কলাক্, “এ মানুচ্চো মরণর সাজা পেবার যোগ্য, কিত্তে তে এ শঅরান বিরুদ্ধে আগাম কধা কোইয়্যে; আর তুমি নিজো কানে সিয়েন শুন্ন্য।”

যিরমিয় 37:13

মাত্তর্ যেক্কে তে বিন্যামীন-গেদোত্ লুমিলো সেক্কে যিরিয় নাঙে চুগিদারুনোর্ সেনাপতিবো তারে ধুরিনে কলঅ, “তুই বাবিলীয়গুনোর্ তপ্পে যর্।” এ যিরিয় অলদে শেলিমিয়র পুয়ো, শেলিমিয় হনানিয়র পুয়ো।

লেবীয় 24:16

ভান্ন্যেই নাঙে যে লগেপ্রভুর নাঙ্‌ নিবো তারে মারে ফেলা অবঅ। ইস্রায়েলীয়গুনে তারে পাত্তর মেলা দিইনে মারে ফেলেবাক্। ইস্রায়েলীয় ওক্‌ বা তারা ভিদিরে বজত্তি গোজ্যে অন্য জাদর মানুজোই ওক্‌, যে কনজনে ভান্ন্যেই নাঙে লগেপ্রভুর নাঙান্‌ নিবাক্‌ তারে মারে ফেলা অবঅ।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

যোহন 16:3

তারা ইয়েনি বেক্কানি গুরিবাক্ কিয়া তারা বাবারেয়ো ন-চিনোন্, মরেয়ো ন-চিনোন্।

যোহন 9:29

আমি কোই পারিই গোজেনে মোশি সমারে কধা কোইয়্যে, মাত্তর্ সে মানুচ্চো কুত্তুন্ এচ্চ্যে সিয়েন্ আমি কোই ন-পারিই।”

প্রেরিত্‌ 15:21

এই উগুমানি তারারে দেনা গম্, কিয়া মোশি যিয়েন কোইয়্যে সিয়েন পত্তি শঅরত্ ভালোক্ দিন আগেত্তুন্ ধুরি ফগদাং গরা অর্ আর তে যিয়েন লিগি যেয়্যে সিয়েন পত্তি জিরেবার দিনোত্ সমাজ-ঘরানিত্ পড়া অর্।”

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

প্রেরিত্‌ 21:28

যেরেদি তারা রঅ ছাড়িনে কুয়ো ধুরিলাক্, ইস্রায়েলীয়গুন, উজেই এজঅ। গোদা পিত্‌থিমীর্ মানুচ্চুনো ইধু আমা জাদ্‌ আর আমা রীতি-সুদোম আহ্ উবোসনা-ঘর বিরুদ্ধে যে মানুচ্চো শিক্ষ্যে দিইনে বেড়ায়, ইবে সেই মানুচ্চো। ইয়েন বাদে তে উবোসনা-ঘরত্ গ্রীক্‌কুনোরে আনিনে এই পবিত্র জাগায়ান্ অপবিত্র গোজ্জ্যে।

প্রেরিত্‌ 25:3

তারা ফীষ্টরে ভারী গুরি কোজোলি গুরিলাক্ যেন তে তারা উগুরে দোয়্যে গুরিনে পৌলরে যিরূশালেমত্ পাধায়। ইয়েনর্ কারণান্ ইয়েন, তারা পধত্ লুগি থেইনে পৌলরে খুন্ গুরিবার কুজুরোমি গোজ্জ্যন্।

প্রেরিত্‌ 25:7

যে যিহূদীগুনে যিরূশালেমত্তুন্ এচ্চ্যন্ পৌলে সিধু লুমিলে পরেদি তারা তা চেরোকিত্ত্যেদি থিয়্যেইনে তা বিরুদ্ধে নানান্ বাবোত্যে বজং দুষ্ দিলাক্, মাত্তর্ সিয়েনির কনঅ প্রমাণ দি ন-পারিলাক্।

প্রেরিত্‌ 26:11

তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

প্রেরিত্‌ 6:10

তারা স্তিফান সমারে তর্কাতর্কি গরা ধল্লাক্, মাত্তর্ স্তিফান পবিত্র আত্মালোই জ্ঞান দিইনে কধা কোইয়্যে। সেনত্তে তারা তা বিরুদ্ধে থিয়্যেই ন-পারিলাক্।

প্রেরিত্‌ 6:12

এবাবোত্যেগুরি তারা মানুচ্চুনোরে, বুড়ো নেতাগুনোরে আর ধর্ম মাষ্টরুনোরে রাগ্ তুলি দিলাক্ আর স্তিফানরে ধুরিনে দাঙর্ তেম্মাঙ মুজুঙোত্ আনিলাক্।

প্রেরিত্‌ 6:13

তারা কয়েক্কো মিজে সাক্ষী আনিলাক্। এ মিজে সাক্ষীগুনে কলাক্, “এ মানুচ্চো নিত্য উবোসনা-ঘর বিরুদ্ধে আর মোশির আইন-কানুনো বিরুদ্ধে কধা কয়।

রোমীয় 3:8

গম্ ওইয়্যে, সালে কি আমি এ কধাগান্ কবং, “যেই, আমি ভান্ন্যেই কাম্ গুরিই যাতে সেই ভান্ন্যেয়র্ মাধ্যমে গম্ জিনিস্‌‌‌‌চান এই পারে”? কনঅ কনঅ মান্‌জ্যে আমারে বদ্‌‌নাঙ্ গুরিনে কন্, আমি এ বাবোত্যে কধা কোই থেই। তারার্ পাওনা সাজা তারা পেবাক্।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।