প্রেরিত্‌ 5:41 - Chakma Bible

⁴¹ ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

প্রেরিত্‌ 5:41 ပူးပေါင်းရင်းမြစ်များ

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিশাইয় 65:14

মনত্ হুজি আঘে বিলিনে মঅ চাগরুনে গিদ্ গেবাক্, মাত্তর্ তুমি মনত্ দুঘে কানিবা আর মনানি ভাঙিনে অবিলেচ্ গুরিবা।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

লূকে লেখ্যে গম্ হবর্ 6:22

বর্‌‌পেইয়্যে তুমি, যেক্কে যীশুর কারনে মান্‌‌জ্যে তমারে ঈচ্ গরন্, সমাজত্তুন্ নিগিলেই দুয়োন্ আর নিন্দে গরন্ আহ্ তমা নাঙান্ শুনিলে সেফ্ ফেলেবাক্।

যোহন 15:21

তারা মত্যে তমা উগুরে ইয়েনি বেক্কানি গুরিবাক্, কিয়া যে মরে দিপাধেয়্যে তারা তারে ন-চিনোন্।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

প্রেরিত্‌ 5:21

তারা সেই কধা মজিম বেন্যে-পোত্যে উবোসনা-ঘরত্ সুমিনে মানুচ্চুনোরে শিক্ষ্যে দিয়্যে ধুরিলাক্। ইন্দি দাঙর্ ধর্মগুরু আর তা লগে সদ্দূকীগুনে বড়সভা ডাগিলাক্, অত্তাৎ ইস্রায়েলীয় বুড়ো নেতাগুনোর বেক্ দল্লোরে ডাগিলাক্। সে পরেদি তারা দিপাধেয়্যে প্রচারক্কুনোরে আনিবাত্যে কয়েক্কো চাগররে পাধেলাক্,

রোমীয় 5:3

বানা সিয়েন্ নয়, দুঘ্-কষ্ট পেলেয়ো আমি হুজী ওর্, কিয়া আমি কোই পারিই দুঘ্-কষ্টর্ ফল ধৈয্য,

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

ফিলিপীয় 1:29

তমারে দোয়্যে গরা ওইয়্যেদে যেন তুমি যে বানা খ্রীষ্ট উগুরে বিশ্বেজ্ গুরি পারঅ এমন নয়, সিয়েনত্যে দুঘ্‌‌অ ভুগি পারঅ।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

যাকোব 1:2

মঅ ভেইয়ুন্, তুমি যেক্কে নানান্ বাবোত্ত্যে পোরোক্ষ্যেত্ পড় সেক্কে সিয়েন ভারী হুজীর বেপার বিলি মনে গোজ্জ্য,

৩ যোহন 1:7

তারা খ্রীষ্টত্যে নিগিল্ল্যন্ আর অবিশ্বেজিগুনোত্তুন্ কনঅ কিচ্চু ন-লন্।