প্রেরিত্‌ 5:35 - Chakma Bible

³⁵ সে পরেদি তে দাঙর্ তেম্মাঙ মানুচ্চুনোরে কলঅ, “ইস্রায়েলীয়গুন, এ মানুচ্চুনো উগুরে তুমি যিয়েনি গুরিবাত্তে যর্ সে পৌইদ্যেনে উজিয়ার্ অ।

প্রেরিত্‌ 5:35 ပူးပေါင်းရင်းမြစ်များ

যিরমিয় 26:19

যিহূদার রাজা হিষ্কিয় বা যিহূদার অন্য কনজনে কি মীখারে মারে ফেলেয়োন? হিষ্কিয় কি লগেপ্রভুরে ভোক্তিগুরিনে ন-দরায় আর তার দোয়্যে ভিক্ষে ন-গরে? ইয়েনত্ লগেপ্রভু মানুচ্চুনো উগুরে যে দযাগান্ পাদেবার কধা কোইয়্যে সিয়েন আর ন-পাদায়। মাত্তর্ আমি দঅ নিজো উগুরে এক্কান দর্‌‌‌গরেপারা দযা ডাগি আন্ন্যেই‌।”

মথি লেখ্যে গম্ হবর্ 27:19

পীলাতে যেক্কে বিচের আসনত্ বুয়োই এলঅ সেক্কে তা মোক্কো তারে কোই পাধেল, “সেই নিদ্দুজি মানুচ্চোরে তুই কিচ্ছু ন-গুরিচ্, কিয়া এচ্চ্যে স্ববনত্ মুই তাত্তে বোউত্ দুঘ্ পেইয়োং।”

প্রেরিত্‌ 19:36

এ সত্য কধাগান্ যেক্কে অস্বীগের্ গরা ন-যায় সেক্কে বেদমা ধোক্ক্যেন্ কাম্ ন-গুরিনে তমার্ জুরো গুরি থানা উচিত।

প্রেরিত্‌ 22:26

এ কধাগান্ শুনিনে সেই শত উগুরে সেনাপতিবো আজল্ সেনাপতিবো ইধু সেই হবরান্ দিইনে কলঅ, “তুই কি গুরিবাত্যে যর্? এ মানুচ্চো দঅ রোমীয়।”

প্রেরিত্‌ 5:34

মাত্তর্ গমলীয়েল নাঙে ফরীশী দলর এক্কো মানুচ্‌ দাঙর্ তেম্মাঙত্ উদিনে থিয়্যেল। তে এক্কো ধর্ম মাষ্টর্ এলঅ আর বেক্কুনে তারে সর্মান গুরিদাক্। তে দিপাধেয়্যে প্রচারক্কুনোরে খানক্‌কনত্তে বারেদি থবাত্তে উগুম দিলো।

প্রেরিত্‌ 5:36

এইয়্যে দঅ কয়েক দিন আগেদি থুদা নাঙে এক্কো মানুচ্‌ এইনে নিজোরে কেঅ এক্কো বিলিনে দাবী গোজ্যে, আর কমেদি চেরশত্ মানুচ্‌ তা সমারে মিজেয়োন। তারে মারে ফেলা ওইয়্যে আর তার বেক্‌ সমাজ্যেগুন ছিদি পোজ্জ্যন্। ইয়েন্দোই তার বেক্কানি বিফল্ ওইয়্যে।