প্রেরিত্‌ 5:34 - Chakma Bible

³⁴ মাত্তর্ গমলীয়েল নাঙে ফরীশী দলর এক্কো মানুচ্‌ দাঙর্ তেম্মাঙত্ উদিনে থিয়্যেল। তে এক্কো ধর্ম মাষ্টর্ এলঅ আর বেক্কুনে তারে সর্মান গুরিদাক্। তে দিপাধেয়্যে প্রচারক্কুনোরে খানক্‌কনত্তে বারেদি থবাত্তে উগুম দিলো।

প্রেরিত্‌ 5:34 ပူးပေါင်းရင်းမြစ်များ

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

যিরমিয় 26:16

সেক্কে রাজকর্মচারীগুনে আর বেক মানুচ্চুনে ধর্মগুরু আর ভাববাদীগুনোরে কলাক্, “এ মানুচ্চো মরণর সাজা পেবার যগাজ্যে নয়। তে আমার গোজেন লগেপ্রভুর নাঙে আমা ইধু কধা কোইয়্যে।”

যিরমিয় 26:17

ইয়েনর্ পরেদি দেজর্ বুড়ো নেতাগুনো ভিদিরে কয়েক্কো উজেই এইনে এগত্তর্ ওইয়্যে বেক মানুচ্চুনোরে কলদে,

যিরমিয় 36:25

ইল্‌নাথন, দলায় আর গমরিয় রাজারে সে বোইবো ন-পড়িবাত্তে কোজোলী গুরিলেয়ো রাজা তারা কধানি ন-শুনিলো।

লূকে লেখ্যে গম্ হবর্ 2:46

যেরেদি তিন দিন পরেদি তারা তারে উবোসনা-ঘরত্ পেলাক্। তে মাষ্টরুনো সংমোধ্যে বোইনে তারার্ কধানি শুনের্ আর তারারে নানান্ কধা পুযোর্ গরের্।

লূকে লেখ্যে গম্ হবর্ 5:17

একদিন্ন্যে যীশু যেক্কে শিক্ষ্যে দের্ সেক্কে ফরীশীগুনে আর ধর্ম-মাষ্টরুনে সিয়েনত্ বুয়োই এলাক্। গালীল রেজ্যর্ নানান্ আদামত্ আর যিহূদিয়া রেজ্যত্ আহ্ যিরূশালেম শঅরত্তুন্ ইগুনে এচ্চ্যন্। পীড়েল্যেগুনোরে গম্ গুরিবাত্তে প্রভুর খেমতাগান্ যীশু ভিদিরে এলঅ।

যোহন 3:10

সেক্কে যীশু তারে কলঅ, তুই ইস্রায়েলীগুনোর্ মাষ্টর্ ওইনেয়ো কি ইয়েনি ন-বুঝোচ্?

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

প্রেরিত্‌ 4:15

ইয়েনত্যে তারা দাঙর্ সভাত্তুন্ তারারে বারেদি যেবার্ উগুম দিলাক্। সে পরেদি তারা এক সমারে মিলিনে সল্লা গরা ধুরিলাক্।

প্রেরিত্‌ 5:21

তারা সেই কধা মজিম বেন্যে-পোত্যে উবোসনা-ঘরত্ সুমিনে মানুচ্চুনোরে শিক্ষ্যে দিয়্যে ধুরিলাক্। ইন্দি দাঙর্ ধর্মগুরু আর তা লগে সদ্দূকীগুনে বড়সভা ডাগিলাক্, অত্তাৎ ইস্রায়েলীয় বুড়ো নেতাগুনোর বেক্ দল্লোরে ডাগিলাক্। সে পরেদি তারা দিপাধেয়্যে প্রচারক্কুনোরে আনিবাত্যে কয়েক্কো চাগররে পাধেলাক্,

প্রেরিত্‌ 5:27

দিপাধেয়্যে প্রচারক্কুনোরে আনিনে তারা দাঙর্ তেম্মাঙত্ আজির্ গুরিলাক্। সেক্কে দাঙর্ ধর্মগুরুবো দিপাধেয়্যে প্রচারক্কুনোরে কলঅ,

প্রেরিত্‌ 5:35

সে পরেদি তে দাঙর্ তেম্মাঙ মানুচ্চুনোরে কলঅ, “ইস্রায়েলীয়গুন, এ মানুচ্চুনো উগুরে তুমি যিয়েনি গুরিবাত্তে যর্ সে পৌইদ্যেনে উজিয়ার্ অ।