প্রেরিত্‌ 5:30 - Chakma Bible

³⁰ যিবেরে তুমি ক্রুশোত্ টাঙেইনে মারে ফেল্ল্য আমা পূরোণি মানুচ্চুনোর গোজেন সেই যীশুরে মরণত্তুন্ জেদা গুরি তুল্ল্যে।

প্রেরিত্‌ 5:30 ပူးပေါင်းရင်းမြစ်များ

১ বংশধর 12:17

দায়ূদে তারা সমারে দেগা গুরিবাত্তে নিগিলি এইনে কলঅ, “তুমি যুনি শান্তির্‌ মনভাব লোইনে মরে বল্‌ দিবাত্তে এই থাগঅ সালে মুই তমা লগে এগত্তর্‌ অবাত্তে যুক্কোল্‌ আগং, মাত্তর্‌ মুই কনঅ অন্যেয় ন-গুরিলেয়ো যুনি কুজুরোমি গুরিনে শত্রু আঢত্‌ মরে তুলি দিবাত্তে এই থাগঅ সালে আমা পূরোণি মানুচ্চুনোর্‌ গোজেনে যেনে সিয়েনি দেগে আর তমা বিচেরানি গরে।”

১ বংশধর 29:18

ও লগেপ্রভু, আমা পূরোণি মানুচ্‌ অব্রাহাম, ইসহাক আর ইস্রায়েল গোজেন, তঅ মানুচ্চুনো মনত্‌ এধোক্ক্যেন আওজ্ তুই জিংকানিবর্‌ রাগেচ্‌ আর তঅ উগুরে তারা মনানি বিশ্বেজ্ রাগেচ্‌।

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

লূকে লেখ্যে গম্ হবর্ 1:72

তে আমা পূরোণি মানুচ্চুনোরে দোয়্যে গুরিবাত্তে আর তার পবিত্র বেবস্থা, অত্তাৎ তা শমথতান্ পূরেবাত্তে আমারে রোক্ষ্যে গোজ্যে।

প্রেরিত্‌ 10:39

“যিহূদীগুনো দেজত্ আর যিরূশালেমত্ তে যিয়েনি গোজ্যে আমি সিয়েনির সাক্ষী। মানুচ্চুনে তারে ক্রুশোত্ টাঙেইনে মারে ফেল্ল্যন্।

প্রেরিত্‌ 13:33

সিয়েনি তে তারার্ বংশগুনোত্তে, অত্তাৎ আমাত্যে যীশুরে মরণত্তুন্ জেদা গুরিনে পূরোণ গোজ্যে। এ পৌইদ্যেনে গীতসংহিতার দ্বিলম্বর গীদোত্ এ কধাগান লেগা আঘে: তুই মর্ পুয়ো, এচ্চ্যে মুই তর্ বাব্ অলুং।

প্রেরিত্‌ 2:32

গোজেনে সেই যীশুরে জেদা গোজ্যে, আর আমি বেক্কুনে সিয়েনর সাক্ষী।

প্রেরিত্‌ 22:14

সেক্কে অননিয় কলঅ, আমা পূরোণি মানুচ্চুনোর গোজেনে তরে বেঈ লোইয়্যে যেন তুই তার্ আওজ্‌চানি জানি পারচ্, আর সেই ন্যায়বলা মানুচ্চোরে, অত্তাৎ যীশু খ্রীষ্টরে দেগচ্ আর তা মুয়ো কধানি শুনোচ্।

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।