প্রেরিত্‌ 5:26 - Chakma Bible

²⁶ সেক্কে চাগর নেতাবো তা তলেদি চাগরুনোরে নেযেইনে দিপাধেয়্যে প্রচারক্কুনোরে ধুরি আনিলো। মাত্তর্ মানুচ্চুনে সেই চাগরুনোরে পাত্তর্ মারি পারন্ সেই দরে তারা দিপাধেয়্যে প্রচারক্কুনো উগুরে কনঅ জোরাজোরি ন-গরন্।

প্রেরিত্‌ 5:26 ပူးပေါင်းရင်းမြစ်များ

মথি লেখ্যে গম্ হবর্ 14:5

হেরোদ যোহনরে মারে ফেলেবাত্তে চেইয়্যে, মাত্তর্ তে ইহূদী মানুচ্চুনোরে দোরেদ কিয়া মান্‌জ্যে যোহনরে ভাববাদী বিলি মানিদাক্।

মথি লেখ্যে গম্ হবর্ 21:26

মাত্তর্ যুনি কোই, ‘মান্‌জ্যত্তুন্,’ সালে মানুচ্চুনোত্তুন্ আমার দর্ আঘে কক্কে কি গরন্, কিত্তে যোহনরে বেক্কুনে ভাববাদী বিলি মনে গুরিদাক্।”

মথি লেখ্যে গম্ হবর্ 26:5

মাত্তর্ তারা কলাক্, “পরবর্ সময়োত্ নয়; সেক্কে মানুচ্চুনো ইধু অয়ত কোল্-কোজ্যে আরাম্ভ অবঅ।”

মথি লেখ্যে গম্ হবর্ 26:58

পিতরে দূরোত্তুন্ যীশুর পিজে পিজে দাঙর্ ধর্মগুরুবোর্ উদোনান সং গেলঅ আর যেরেদি কি অয় সিয়েন্ চেবাত্তে ভিদিরে সোমেইনে চুগিদারুনো লগে বজিলো।

লূকে লেখ্যে গম্ হবর্ 20:19

ধর্ম-মাষ্টরুনে আর আজল্ ধর্মগুরুগুনে যীশুরে সেই জাগানত্ ধুরিবাত্তে চেলাক্, কিয়া তারা বুঝিলাক্ যে, সেই কধাগান্ যীশু তারা বিরুদ্ধে কোইয়্যে; মাত্তর্ তারা মানুচ্চুনোরে দোরেলাক্।

লূকে লেখ্যে গম্ হবর্ 20:6

মাত্তর্ যুনি কোই, ‘মান্‌‌‌‌জ্যত্তুন্,’ সালে মানুচ্চুনে আমারে পাত্তর্ মারিবাক্, কিয়া তারা যোহনরে ভাববাদী বিলি বিশ্বেজ্ গুরিদাক্।”

লূকে লেখ্যে গম্ হবর্ 22:2

আঝল্ ধর্মগুরুগুনে আর ধর্ম-মাষ্টরুনে মানুচ্চুনোরে দোরেদাক্, আর তারা যীশুরে ভিদিরে ভিদিরে মারে ফেলেবাত্যে পধ্ তগাদন্।

লূকে লেখ্যে গম্ হবর্ 22:4

কিবাবোত্যেগুরি যীশুরে আঝল্ ধর্মগুরুগুনো ইধু আর উবোসনা-ঘরর্ কাম্ গুরিয়্যেগুনো আঢত্ ধুরি দিবো সে পৌইদ্যেনে তে যেইনে তারা সমারে তেম্মাং গুরিলো।

প্রেরিত্‌ 4:21

সেক্কে তারা পিতর আর যোহনরে আরঅ দর্‌বুক্ লাগেইনে ইরি দিলাক্। মানুচ্চুনো দরে তারা ঠিগ্ গুরি ন-পাত্তন্ কেধোক্ক্যেন্ গুরি তারারে সাজা দিয়্যে যায়, কিয়া যিয়েন ঘোট্যে সিয়েনত্যে বেক্‌ মানুচ্চুনে গোজেনরে বাঈনী গুরিলাক্।

প্রেরিত্‌ 5:13

যুনিয়ো মানুচ্চুনে তারারে অমকদ সর্মান গুরিদাক্ তো আর কনজনে তারা সমারে মিজেবাত্তে সাহচ্‌ ন-গুরিলাক্।

প্রেরিত্‌ 5:22

মাত্তর্ সেই চাগরুনে জেলখানাত্ যেইনে সিয়েনত্ তারারে ন-পেলাক্।

প্রেরিত্‌ 5:24

এ কধাগান শুনিনে উবোসনা-ঘরর্ আজল্ চাগর্‌বো আর আজল্ ধর্মগুরুগুনে বুদ্ধি-আরা ওইনে ভাবদন্ ইয়েনর ফল্ কি অবঅ।

প্রেরিত্‌ 5:25

সেক্কে এক্কো মানুচ্‌ এইনে কলঅ, “চঅ, যে মানুচ্চুনোরে তুমি জেলোত্ দুয়ো তারা উবোসনা-ঘরত্ থিয়্যেইনে মানুচ্চুনোরে শিক্ষ্যে দেদন্।”