প্রেরিত্‌ 5:24 - Chakma Bible

²⁴ এ কধাগান শুনিনে উবোসনা-ঘরর্ আজল্ চাগর্‌বো আর আজল্ ধর্মগুরুগুনে বুদ্ধি-আরা ওইনে ভাবদন্ ইয়েনর ফল্ কি অবঅ।

প্রেরিত্‌ 5:24 ပူးပေါင်းရင်းမြစ်များ

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

লূকে লেখ্যে গম্ হবর্ 22:4

কিবাবোত্যেগুরি যীশুরে আঝল্ ধর্মগুরুগুনো ইধু আর উবোসনা-ঘরর্ কাম্ গুরিয়্যেগুনো আঢত্ ধুরি দিবো সে পৌইদ্যেনে তে যেইনে তারা সমারে তেম্মাং গুরিলো।

লূকে লেখ্যে গম্ হবর্ 22:52

পরেদি আঝল্ ধর্মগুরুগুনে আর উবোসনা-ঘরর্ চুগিদার নেতাগুনে আর বুড়ো নেতাগুনে যীশুরে ধুরিবাত্যে এচ্চ্যন্। যীশু তারারে কলঅ, “মুই কি ডাগেত্, তুমি ছুরি আর মুগোর্‌লোই মরে ধুরিবাত্তে এচ্চো?

যোহন 12:19

ইয়েন দেগিনে ফরীশীগুনে একজন আরেকজনরে কলাক্, “আমার কনঅ লাভ্ ন-অর্। চঅ, গোদা দুনিয়েগান্ তা দলত্ যেয়েগোই।”

প্রেরিত্‌ 2:12

তারা আমক্ আর বেদমা ওইনে একজন আরেক জনরে পুযোর্ গরা ধল্লাক্, “ইয়েনর মানেগান কি?”

প্রেরিত্‌ 4:1

পিতর আর যোহনে যেক্কে মানুচ্চুনো সমারে কধা কদন্ সেক্কে ধর্মগুরুগুনে, উবোসনা-ঘরর্ আজল্ কামগুরিয়্যেবো আর সদ্দূকীগুনে তারা ইধু এলাক্।

প্রেরিত্‌ 4:21

সেক্কে তারা পিতর আর যোহনরে আরঅ দর্‌বুক্ লাগেইনে ইরি দিলাক্। মানুচ্চুনো দরে তারা ঠিগ্ গুরি ন-পাত্তন্ কেধোক্ক্যেন্ গুরি তারারে সাজা দিয়্যে যায়, কিয়া যিয়েন ঘোট্যে সিয়েনত্যে বেক্‌ মানুচ্চুনে গোজেনরে বাঈনী গুরিলাক্।

প্রেরিত্‌ 5:23

সেক্কে তারা ফিরি যেইনে এ হবরান্ দিলাক্, “আমি দেগিলোং জেলো দোরানত্ দরমর গুরিনে তালা মাজ্জ্যে আঘে আর দোরোত্ চুগিদার থিয়্যেই আঘন্, মাত্তর্ দোরান্ খুলিনে কাররে ভিদিরে ন-দেগিলোং।”

প্রেরিত্‌ 5:25

সেক্কে এক্কো মানুচ্‌ এইনে কলঅ, “চঅ, যে মানুচ্চুনোরে তুমি জেলোত্ দুয়ো তারা উবোসনা-ঘরত্ থিয়্যেইনে মানুচ্চুনোরে শিক্ষ্যে দেদন্।”

প্রেরিত্‌ 5:26

সেক্কে চাগর নেতাবো তা তলেদি চাগরুনোরে নেযেইনে দিপাধেয়্যে প্রচারক্কুনোরে ধুরি আনিলো। মাত্তর্ মানুচ্চুনে সেই চাগরুনোরে পাত্তর্ মারি পারন্ সেই দরে তারা দিপাধেয়্যে প্রচারক্কুনো উগুরে কনঅ জোরাজোরি ন-গরন্।