প্রেরিত্‌ 5:20 - Chakma Bible

²⁰ “যঅ, উবোসনা-ঘরত্ থিয়্যেইনে মানুচ্চুনো ইধু উমর জিংকানি পৌইদ্যেনে বেক্‌ কধানি কঅ।”

প্রেরিত্‌ 5:20 ပူးပေါင်းရင်းမြစ်များ

যাত্রা 24:3

মোশি যেক্কে ফিরি যেইনে মানুচ্চুনো ইদু লগেপ্রভুর্‌ বেক্‌ কধানি কলগোই আর তাঁর্‌ বেক্‌ সুদোমানি ফগদাং গুরিলো সেক্কে মানুচ্চুনে এক সমারে কলাক্‌, “লগেপ্রভু যিয়েনি যিয়েনি কোইয়্যে আমি সিয়েনি বেক্কানি গুরিবোং।”

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

যিরমিয় 26:2

“মুই লগেপ্রভু কঙর্, তুই মর্ ঘর উদোনত্ যেইনে থিয়্যে আর যিহূদার শঅরানিত্তুন যিদুক্কুন মানুচ্ উবোসনাত্তে মঅ ঘরত্ এজন্ তারারে বেক্কুনোরে মুই তরে যেদক্কানি কধা কবাত্তে উগুম দুয়োং সিয়েনি বেক কধানি কঅ, এক্কান কধায়ো বাদ ন-দিচ্।

যিরমিয় 36:10

সেক্কে লগেপ্রভুর ঘর নূয়ো গেট্টো ইধু উগুরে উদোনত্ শাফনর পুয়ো গমরিয় লিগিয়্যেবোর ঘুদিবোত্ থিয়্যেইনে বারূকে সে বোইবোত্তুন্ যিরমিয়র কধানি বেক মানুচ্চুনো মুজুঙোত্ পড়িলো।

যিহিষ্কেল 33:7

ও মান্‌‌‌‌‌‌‌‌‌‌জ্যর পুয়োবো, ইস্রায়েল জাদত্তে মুই তরে চুগিদার নেযেয়োং; সেনত্তে মুই যিয়েনি কঙর্ সিয়েনি শুন্ আর মর্ ওইনে তারারে উজিয়ার গর্।

মথি লেখ্যে গম্ হবর্ 10:27

মুই তমা ইধু যিয়েনি আন্ধারত্ কঙর্ সিয়েনি তুমি পহ্‌রত্ কোয়ো। তুমি যিয়েনি কানে কানে শুনোর্ সিয়েনি ছাল উগুরেত্তুন্ ফগদাং গোজ্য।‍

মথি লেখ্যে গম্ হবর্ 21:23

যীশু উবোসনা-ঘরত্ ফিরি গেলঅ। যেক্কে তে সিয়েনত্ শিক্ষ্যে দের্ সেক্কে আজল্ ধর্মগুরুগুনে আর যিহূদীগুনোর্ বুড়ো নেতাগুনে তাইধু এইনে পুযোর্ গুরিলাক্, “তুই কন্ অধিকারে ইয়েনি গরর্? কন্না তরে এই অধিকারান্ দিয়্যে?”

যোহন 12:50

মুই কোই পারং তা উগুমানই উমর্‌অ জিংকানি। ইয়েনত্যে মুই যেদক্কানি কধা কং সিয়েনি মঅ বাবার্ উগুম্ মজিম্ কং।”

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 18:20

যীশু জোবত্ কলঅ, “মুই মানুচ্চুনো ইধু খুলোমেলা গুরি কধা কোইয়োং। যিয়েনত্ যিহূদীগুনে বেক্কুনে একসমারে এগত্তর্ অন্ সেই বেক্ সমাজ-ঘরানিত্ আর উবোসনা-ঘরত্ মুই নিত্য শিক্ষ্যে দুয়োং। মুই দঅ গুমুরো কধা কিচ্চু ন-কং;

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

যোহন 6:68

শিমোন-পিতর যীশুরে কলঅ, “প্রভু, আমি কা ইধু যেবং? উমর জিংকানির্ কধা দঅ তইধু আঘে।

প্রেরিত্‌ 11:14

তে তঅ ইধু যে কধাগান্ কবঅ সেই কধাগান্দোই তুই আর তঅ পরিবারর্ বেক্‌ মানুচ্চুন্ পাপত্তুন্ উদ্ধোর্ পেবাক্।

প্রেরিত্‌ 13:26

ভেইলগ্, অব্রাহাম গুট্টিগুন্ আর গোজেনভক্ত অযিহূদীগুন, পাপত্তুন্ উদ্ধোরর্ এই যে হবরান্ সিয়েন আমা ইধু দিপাদা ওইয়্যে।