প্রেরিত্‌ 5:13 - Chakma Bible

¹³ যুনিয়ো মানুচ্চুনে তারারে অমকদ সর্মান গুরিদাক্ তো আর কনজনে তারা সমারে মিজেবাত্তে সাহচ্‌ ন-গুরিলাক্।

প্রেরিত্‌ 5:13 ပူးပေါင်းရင်းမြစ်များ

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

যিশাইয় 33:14

সিয়োনর পাপী মানুচ্চুনে অমকদ দোরেয়োন্; গোজেন উগুরে ভোক্তিনেইয়্যে মানুচ্চুনোর গির্‌গিরেনি ধোজ্যে। তারা কদন্, “আমা ভিদিরেত্তুন্ কন্না পুড়ি ফেলেয়্যে আগুনো সমারে থেই পারে? কন্না জনম্ ভরা জোল্যে আগুনো সমারে বজত্তি গুরি পারে?” ‌‌

লূকে লেখ্যে গম্ হবর্ 19:48

মাত্তর্ কিবাবোত্যেগুরি সিয়েন গুরিবাক্ সিয়েনর্ কনঅ পথ তারা তোগেই ন-পেলাক্, কিয়া মানুচ্চুনে মন্ দিইনে তার বেক্ কধানি শুনিদাক্।

যোহন 12:42

তো নেতাগুনোত্তুন্ ভালোক্‌জনে যীশু উগুরে বিশ্বেজ্ গুরিলাক্, মাত্তর্ ফরীশীগুনে সমাজত্তুন্ তারারে নিগিলেই দিবাক্ সেই দরে তারা সিয়েন্ স্বীগের্ ন-গুরিলাক্।

যোহন 19:38

এ বেক্‌ ঘটনাগানির্ পরেদি অরিমাথিয়া আদামর্ যোষেফে যীশুর কিয়্যেগান্ নেযেবাত্যে পীলাত ইধু অনুমতি চেলঅ। যোষেফে এলঅ যীশুর্ গুমুরো শিচ্চ্য, কিয়া তে যিহূদী নেতাগুনোরে দোরেদ। পীলাতে অনুমতি দেনার্ পরেদি তে এইনে যীশুর্ কিয়্যেগান্ নেযেল।

যোহন 9:22

তা মা-বাবে যিহূদী নেতাগুনো দরে এই বেক্‌ কধানি কলাক্, কিয়া যিহূদী নেতাগুনে আগে ঠিগ্ গোজ্যন্, কনজনে যুনি যীশুরে মশীহ বিলিনে স্বীগের্ গরন্ সালে তারে সমাজত্তুন্ নিগিলেই দিয়া অবঅ।

প্রেরিত্‌ 19:17

এ হবরান্ যেক্কে ইফিষত্ বজত্তি গুরিয়্যে যিহূদী আর গ্রীক্‌‌কুনে জানি পারিলাক্ সেক্কে তারা বেক্কুনে অমকদ দোরেলাক্, আর প্রভু যীশু নাঙানর্ জদবদে বাঈনী অলঅ।

প্রেরিত্‌ 2:47

তারা নিত্য গোজেনরে বাঈনী গুরিদাক্ আর বেক্‌ মানুচ্চুনে তারারে সর্মান গুরিদাক্। যিগুনে পাপত্তুন্ উদ্ধোর্ পাদন্ প্রভু বিশ্বেজি দল সমারে পত্তিদিন তারারে যোগ গরা ধোল্ল্য।

প্রেরিত্‌ 4:21

সেক্কে তারা পিতর আর যোহনরে আরঅ দর্‌বুক্ লাগেইনে ইরি দিলাক্। মানুচ্চুনো দরে তারা ঠিগ্ গুরি ন-পাত্তন্ কেধোক্ক্যেন্ গুরি তারারে সাজা দিয়্যে যায়, কিয়া যিয়েন ঘোট্যে সিয়েনত্যে বেক্‌ মানুচ্চুনে গোজেনরে বাঈনী গুরিলাক্।

প্রেরিত্‌ 5:26

সেক্কে চাগর নেতাবো তা তলেদি চাগরুনোরে নেযেইনে দিপাধেয়্যে প্রচারক্কুনোরে ধুরি আনিলো। মাত্তর্ মানুচ্চুনে সেই চাগরুনোরে পাত্তর্ মারি পারন্ সেই দরে তারা দিপাধেয়্যে প্রচারক্কুনো উগুরে কনঅ জোরাজোরি ন-গরন্।

প্রেরিত্‌ 5:5

এ কধাগান শুনোনার্ লগে লগে অননিয় মাদিত্ পড়িনে মুরি গেলঅ। এ ঘটনাগান কধা যিগুনে শুনিলাক্ তারা বেক্কুনে অমকদ দোরেলাক্।

২ করিন্হীয় 10:15

সিয়েনবাদে অন্যগুনোর্ কামানিলোইয়ো আমি দেমাগ্ ন-গুরির্-যুনি গুরিদোং সালে সিয়েন দুযির্ বারেদি যেদঅ। আমি এ আজাগান্ গুরির্ যে, তমার্ বিশ্বেজ্ বাড়ানার্ লগে লগে আমি তমা ভিদিরে আরঅ বোউত্ কাম্ গুরি পারিবোং।