প্রেরিত্‌ 4:33 - Chakma Bible

³³ প্রচারক্কুনে দাঙর্ খেমতালোই সাক্ষি দিয়া ধুরিলাক্ যে, প্রভু যীশু মরণত্তুন্ জেদা ওই উঠ্যে। আর তারার্ বেক্কুনো উগুরে গোজেনর্ বোউত্ দোয়্যে এলঅ।

প্রেরিত্‌ 4:33 ပူးပေါင်းရင်းမြစ်များ

মার্ক 16:20

পরেদি শিচ্চ্যগুনে যেইনে বেক্ জাগাইধু ফগদাং গরা ধুরিলাক্। প্রভু তারার্ মাধ্যমে তারা সমারে কাম্ গরা ধুরিলো আর তারারে আমক্ কাম্ গুরিবার খেমতা দিইনে প্রমান্ গুরিলো যে, তারা যিয়েনি ফগদাং গত্তন্ সিয়েনি সত্য।

লূকে লেখ্যে গম্ হবর্ 2:52

যীশু জ্ঞানে, বয়জে আর গোজেনর আহ্ মান্‌জ্যর্ কোচ্‌পানায় দাঙর্ উয়ো ধুরিলো।

যোহন 1:16

আমি বেক্কুনে তার্ সেই পূরোণ অনাত্তুন্ দোইয়্যে উগুরে আরঅ দোয়্যে পেইয়্যেই।

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 2:47

তারা নিত্য গোজেনরে বাঈনী গুরিদাক্ আর বেক্‌ মানুচ্চুনে তারারে সর্মান গুরিদাক্। যিগুনে পাপত্তুন্ উদ্ধোর্ পাদন্ প্রভু বিশ্বেজি দল সমারে পত্তিদিন তারারে যোগ গরা ধোল্ল্য।

প্রেরিত্‌ 4:30

তঅ আঢ্‌তানি বাবেই দে যেন তর্ পবিত্র চাগর্ যীশুর নাঙে তারা মানুচ্চুনোরে গম্ গুরি পারন্ আর আমক্ অইদ্যে কাম্ আহ্ চিহ্নো-কাম গুরি পারন্।”

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।

ইব্রীয় 2:4

সে সমারে গোজেনেয়ো বোউত চিহ্নো আর আমক্ অবার কাম আর খেমতার কাম্‌বোই আর নিজোর্ আওজ্ মজিম পবিত্র আত্মার দিয়্যে দান্‌দোই সে পৌইদ্যেনে সাক্ষ্য দিয়্যে।