প্রেরিত্‌ 4:32 - Chakma Bible

³² খ্রীষ্ট বিশ্বেজিগুন বেক্কুনে মনে-পরাণে এক্ এলাক্। কনঅ কিজু তারা নিজোর বিলিনে দাবি ন-গুরিদাক্ বরং বেক্কানি যার্ যার্ দরকার্ মজিম্ বেবহার গুরিদাক্।

প্রেরিত্‌ 4:32 ပူးပေါင်းရင်းမြစ်များ

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

প্রেরিত্‌ 1:14

তারা বেক্কুনে বিশ্বেজি মিলেগুনো সমারে আর যীশুর মা মরিয়ম আহ্ তার ভেইউনো সমারে নিত্য এগামনে তবনা গত্তাক্।

প্রেরিত্‌ 2:1

ইয়েনর কয়েক দিন পরে পঞ্চাশত্তমী-পরবর্ দিনোত্ শিচ্চ্যগুনে এক্কান জাগাত্ থুবেলাক্।

প্রেরিত্‌ 5:12

প্রচারক্কুনে মানুচ্চুনো ইধু বোউত্ আমক্ অবার কাম আর চিহ্নো-কাম গুরিদাক্; আর বিশ্বেজিগুনে বেক্কুনে উবোসনা-ঘরর্ শলোমন বারান্দাত্ একসমারে এগত্তর্ অদাক্।

রোমীয় 12:5

ঠিগ্ সেবাবোত্যেগুরি আমি জনেদি ভালোক্কুন্ অলেয়ো খ্রীষ্ট সমারে মিজেইনে এক্কান্ কিয়্যে ওইয়্যেই। আমা বেক্কুনোর্ একজন আরেকজন সমারে মিল্ আঘে।

১ করিন্হীয় 1:10

ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

২ করিন্হীয় 13:11

ভেইলগ্, এবেরা বিদেয়। তুমি তমার বেক্কানি ঠিগ্ গুরিনে খাটি অ। মঅ কধানি মনযোগ্ দুয়ো, তমার এক্কুই মনভাব ওক্‌, আর তুমি সুগে-শান্দিয়্যে থাগঅ। সালে কোচ্‌পেইয়্যে আর শান্তির্ গোজেনে তমা লগে থেবঅ।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।