প্রেরিত্‌ 4:3 - Chakma Bible

³ তারা পিতর আর যোহনরে ধুরিলাক্ আর সাজোন্যে ওই যেয়্যে বিলি তার্ কেল্ল্যে সং আজদত্ থলাক্।

প্রেরিত্‌ 4:3 ပူးပေါင်းရင်းမြစ်များ

মথি লেখ্যে গম্ হবর্ 4:12

পরেদি যীশু শুনিলো যোহনরে জেলখানাত্ বন্দী গুরি রাগা ওইয়্যে। সেক্কে তে গালীলোত্ গেলগোই আর নাসরত্ আদামান্ ফেলেইনে সবূলূন আর নপ্তালি চাগালা ভিদিরে সাগর পারর্ কফরনাহূম শঅরত্ যেইনে রলঅ।

লূকে লেখ্যে গম্ হবর্ 22:52

পরেদি আঝল্ ধর্মগুরুগুনে আর উবোসনা-ঘরর্ চুগিদার নেতাগুনে আর বুড়ো নেতাগুনে যীশুরে ধুরিবাত্যে এচ্চ্যন্। যীশু তারারে কলঅ, “মুই কি ডাগেত্, তুমি ছুরি আর মুগোর্‌লোই মরে ধুরিবাত্তে এচ্চো?

লূকে লেখ্যে গম্ হবর্ 22:54

সেক্কে তারা যীশুরে ধুরিনে আঝল্ ধর্মগুরুবো ঘরত্ নেযেলাক্। পিতরে দূরোত্তুন্ পিজে পিজে যার্।

যোহন 18:12

সেক্কে সেই সৈন্যগুনে আর সেনাপতি আহ্ যিহূদী নেতাগুনোর্ চাগরুনে যীশুরে ধুরিনে বানিলাক্।

প্রেরিত্‌ 5:18

তারা দিপাধেয়্যে প্রচারক্কুনোরে ধুরিনে সরকারী জেলোত্ দিলাক্।

প্রেরিত্‌ 6:12

এবাবোত্যেগুরি তারা মানুচ্চুনোরে, বুড়ো নেতাগুনোরে আর ধর্ম মাষ্টরুনোরে রাগ্ তুলি দিলাক্ আর স্তিফানরে ধুরিনে দাঙর্ তেম্মাঙ মুজুঙোত্ আনিলাক্।

প্রেরিত্‌ 8:3

মাত্তর্ শৌলে সেই মন্ডলীবোরে ভস্ত গুরিবাত্তে ঘরে ঘরে যেইনে সেই মন্ডলীর মরদ্ আর মিলেগুনোরে টানি আনিনে জেলোত্ দিয়্যে ধল্ল।