প্রেরিত্‌ 4:27 - Chakma Bible

²⁷ “তর্ পবিত্র চাগর্ যীশু, যিবেরে তুই মশীহ ইজেবে বেঈ লোইয়োচ্, রাজা হেরোদ আর পন্তীয় পীলাতে এ শঅরত্ তা বিরুদ্ধে অযিহূদীগুনো সমারে আর ইস্রায়েলীগুনো সমারে ঘেচ্চ্যেক্ গুরি আঢ্ মিলেয়োন।

প্রেরিত্‌ 4:27 ပူးပေါင်းရင်းမြစ်များ

ইয়োব 14:4

অসিজিত্তুন্‌ কি কনজনে সিজি কিজু বানেই পারন্‌? কনজনে ন-পারন্‌।

ইয়োব 15:14

মানুচ্চুন কন্না, তে খাটি ওই পারে? মিলেগুনোর পেদত্তুন্‌ যে জোর্মেয়্যে তে কন্না, নিদ্দুযি ওই পারে?

ইয়োব 25:4

সালে গোজেন ইদু মানুচ্চুনে কি নিদ্দুযি ওই পারন্? মিলেগুনো পেদত্তুন্ যে জর্মেয়্যে তে কি সোলিড্ ওই পারে?

গীতসংহিতা 2:2

লগেপ্রভু আর তার্ মশীহর্ বিরুদ্ধে পিত্‌থিমীর রাজাগুনে একসমারে থিয়্যেদন্ আর শাজন্‌গুরিয়্যেগুনে গুমুরো তেম্মাং গত্তন্।

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

গীতসংহিতা 45:7

তুই ন্যায়ানরে কোচ্‌‌পাচ আর অন্যেয়রে ঘিনেচ্; সেনত্তে গোজেন, তর্ গোজেন, তর্ সমাজ্যেগুনোত্তুন্ বোউত্ হুজির্ তেল ধোক্ক্যেন্ গুরি তঅ উগুরে ঢালি দিয়্যে।

যিশাইয় 37:26

তুই কি ন-শুনোচ্, বোউত্ আগে মুই সিয়েনি ঠিগ্ গুরি রাগেয়োং, বোউত্ আগেদি মুই সিয়েনির পরিকল্পনা গোজ্যং? আর ইক্কিনে মুই সিয়েনি ঘোদেলুং। সেনত্তে দঅ তুই দেবাল্-ঘিজ্যে শঅরানি পাত্তরর কুর্ গুরি পাজ্যস্।

যিশাইয় 49:7

মান্‌জ্যে যি্বেরে ঈচ্ গত্তন আর ঘিনাইদে চোগেদি দেগদন্, যিবে শাজন্‌গুরিয়্যেগুনোর চাগর্, তারে ইস্রায়েলর সেই সুদ্ধো-সাংগ মানুচ্চো আর উদ্ধোর গুরিয়্যে লগেপ্রভু এ কধাগান কোইয়্যেদে, “রাজাগুনে তরে দেগিনে থিয়্যেবাক্, আর রাজ পুরুষ্‌চুনে তরে জু জু জানেবাক্, কিত্তে লগেপ্রভু তরে বেঈ লোইয়্যে; ইস্রায়েলর সেই সুদ্ধো-সাংগ মানুচ্চো বিশ্বেজি‌‍।”

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

যিশাইয় 61:1

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং;

মথি লেখ্যে গম্ হবর্ 14:1

সে সময়োত্ যীশু পৌইদ্যেনে শুনিনে গালীল রেজ্যর্ শাসনগুরিয়্যে হেরোদে তা কাম্ গুরিয়্যেগুনোরে কলঅ, “ইবেই বাপ্তিস্মদিয়্যে যোহন; যিবে মরণত্তুন্ জেই উঠ্যে। সেনত্তে তে এই বেক্ আমক্ কামানি গোজ্যে।”

মথি লেখ্যে গম্ হবর্ 14:3

হেরোদে নিজোর্ ভেই ফিলিপ মোক্কো হেরোদিয়ার কারনে যোহনরে বন্দী গুরিনে নেযেইনে জেল্‌খানাত্ রাগেল,

মথি লেখ্যে গম্ হবর্ 14:6

হেরোদ জর্মদিনোত্ হেরোদিয়ার ঝিবো তুবেয়্যে বেক্ মানুচ্চুনো মুজুঙোত্ নাজিনে হেরোদরে হুজি গুরিলো।

মথি লেখ্যে গম্ হবর্ 21:28

সে পরেদি যীশু কলঅ, “আচ্ছা, তুমি কি মনে গরঅ? ধোজ্জ্য, এক্কো মান্‌জ্যর্ দ্বিবে পুয়ো এলঅ। মানুচ্চো তার্ দাঙর্ পুয়োবো ইধু যেইনে কলঅ, ‘এইচ্চ্যে তুই আংগুর খেদত্ যেইনে কাম্ গর্।’

মথি লেখ্যে গম্ হবর্ 23:37

“যিরূশালেম! হায় যিরূশালেম! তুই ভাববাদীগুনোরে খুন্ গুরি থাচ্ আর তমা ইধু যিগুনোরে গোজেনর্ হবর্ কোইয়্যে দিপাদা অয় তারারে পাত্তর্ মারি থাচ্। কুরো শর্মা যেবাবোত্যেগুরি ছগুনোরে তা ডুয়োনিলোই এগত্তর্ গরে সেবাবোত্যেগুরি মুই তঅ মানুচ্চুনোরে কয়বার্ মইধু এগত্তর্ গুরিবাত্তে চেইয়োং, মাত্তর্ তুমি রাজী ন-অ।

মথি লেখ্যে গম্ হবর্ 27:2

তারা যীশুরে বানি নেযেইনে রোমীয় আজল্ শাসনগুরিয়্যে পীলাত আঢত্ দিলাক্।

মার্ক 10:33

“শুনো, তে তারারে কলঅ, আমি যিরূশালেমত্ যের্। সিধু মান্‌‌‍জ্য পুয়োবোরে আজল্ ধর্মগুরুগুনো ইধু আর ধর্ম-মাষ্টরুনো আঢত্ ধুরি দিয়্যে অবঅ। তারা তা বিচের্ গুরিনে তারে মরণর্ যগাজ্যে বিলি থির্ গুরিবাক্ আর অযিহূদীগুনো আঢত্ দিবাক্।

মার্ক 15:31

সেই অক্তত্ আজল্ ধর্মগুরুগুনে আর ধর্ম-মাষ্টরুনেয়ো যীশুরে ঈচ্ গরা ধুরিলাক্, একজন আরেক জনরে কুয়োকি গরা ধুরিলাক্, “তে অন্যগুনোরে রোক্ষ্যে গুরিদো, মাত্তর্ নিজোরেয়ো রোক্ষ্যে গুরি ন-পারে।

লূকে লেখ্যে গম্ হবর্ 1:35

স্বর্গদূত্তো কলঅ, “পবিত্র আত্মা তঅ উগুরে এবঅ আর দাঙর্ গোজেন ছাবা তঅ উগুরে পুড়িবো। ইয়েনত্তে যে পবিত্র পুয়োবো জোর্মেব তারে গোজেনর্ পুয়ো কুয়ো অবঅ।

লূকে লেখ্যে গম্ হবর্ 22:63

যিগুনে যীশুরে চুগি দেদন্ সিগুনে তারে ঠাট্টা গরানা আর পিদে ধুরিলাক্।

লূকে লেখ্যে গম্ হবর্ 23:1

সেক্কে সে মিটিঙোত্ বেক্কুনে উদিনে যীশুরে রোমীয় আঝল্ শাসনগুরিয়্যে পীলাত ইধু নেযেলাক্।

লূকে লেখ্যে গম্ হবর্ 4:18

“গোজেন আত্মাগান্ মঅ উগুরে আঘে, কিয়া তেয়ই মরে নেযেয়্যে যেন মুই নাঢা মানুচ্চুনো ইধু গম্ হবর্ ফগদাং গরং । তে মরে বন্দীগুনো ইধু স্বাধীনতার্ কধা, কান্ মানুচ্চুনো ইধু দেগিবার্ কধা ফগদাং গুরিবাত্তে পাধেয়্যে। যিগুনো উগুরে অত্যেচার্ অর্, তে মরে সিগুনোরে উদ্ধোর্ গুরিবাত্তে পাধেয়্যে।

লূকে লেখ্যে গম্ হবর্ 9:22

তে তারারে আরঅ কলঅ, মান্‌জ্য পুয়োবোত্তুন্ বোউত্ দুঘ্ ভুগো পড়িবো। বুড়ো নেতাগুন, আজল্ ধর্মগুরুগুন আর ধর্ম-মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিনোত্ তারে মরণত্তুন্ জেঈ উদো পড়িবো।

যোহন 1:11

তে নিজো দেজত্ এলঅ, মাত্তর্ তা নিজো মানুচ্চুনে তারে মানি ন-ললাক্।

যোহন 10:36

সালে বাবা নিজো নাঙে যিগুনোরে যুদো গুরিলো আর জগদত্ পাধেই দিলো সিবে মুই যেক্কে কলুং, ‘মুই গোজেনর্ পুয়ো,’ সেক্কে তুমি কেধোক্ক্যেন্ গুরি কলা, ‘তুই গোজেন বিরুদ্ধে অগমানর্ কধা কর্’?

যোহন 18:28

যিহূদী নেতাগুনে বেন্ন্যে মাদান্ যীশুরে কাইয়াফাত্তুন রোমীয় আজল্ শাসনগুরিয়্যে পীলাত ঘরত্ নেযেলাক্। মাত্তর্ তারা সে ঘরঅ ভিদিরে ন-সুমিলাক্ যেন সিজি থেইনে উদ্ধোর্ পরবর্ হানা হেই পারন্।

যোহন 18:29

সেক্কে পীলাতে বারেদি তারা ইধু এইনে কলঅ, “এ মানুচ্চোরে তুমি কি দুজে দুষী গরর্?”

যোহন 19:34

মাত্তর্ এক্কো সৈন্য তা বুগোদ্ শেল্লোই গুদো মারিলো, আর সেক্কেনে সিয়োত্তুন লো আর পানি নিগিলি এলঅ।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 2:27

কিত্যে তুই মরে মরণর্ জাগাত্ ফেলেই ন-থবে, তর্ ভক্তর্ কিয়্যেগানরে তুই বর্‌‌বাদ্ অবাত্তে ন-দিবে।

প্রেরিত্‌ 4:30

তঅ আঢ্‌তানি বাবেই দে যেন তর্ পবিত্র চাগর্ যীশুর নাঙে তারা মানুচ্চুনোরে গম্ গুরি পারন্ আর আমক্ অইদ্যে কাম্ আহ্ চিহ্নো-কাম গুরি পারন্।”

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।