প্রেরিত্‌ 4:20 - Chakma Bible

²⁰ আমি যিয়েন দেক্ক্যেই আর শুন্ন্যেই সিয়েন ন-কোইনে দঅ থেই ন-পারির্।”

প্রেরিত্‌ 4:20 ပူးပေါင်းရင်းမြစ်များ

২ শমূয়েল 23:2

লগেপ্রভুর আত্মাগানে মঅ ভিদিরেন্দি কধা কর্‌, মঅ মুয়োনত্‌ আঘে তা কধাগান।

যিরমিয় 1:7

মাত্তর্ লগেপ্রভু মরে কলদে, “তুই চিগোন গুরো ধোক্ক্যেন এ কধাগান ন-কোচ্। মুই যিগুনো ইধু তরে পাদেম্ তারার পত্তি জন ইধু তুই যেবে আর মুই যিয়েন কবাত্তে উগুম্ গুরিম সিয়েনই কবে।

যিরমিয় 20:9

মাত্তর্ যুনি মুই কং, “মুই তা কধাগান কোই ন-দিম বা তা নাঙান ধুরিনে আর কিচ্চু ন-কোম্,” মাত্তর্ তা কধাগান মঅ মনত্ যেন জোল্‌‌জোল্যে আগুন ওইনে আড় ভিদিরে বন্ধ ওই থায়। মুই সিয়েন ভিদিরে রাগাদে রাগাদে বল্‌‌পোজ্যে ওই পড়ং; ঘেচ্চেকগুরি মুই আর সিয়েনি ভিদিরে রাগেই ন-পারং।‍‍‍

যিরমিয় 4:19

হায়, মর্ মনান, মর্ মনান্! মুই যন্ত্রনালোই মজরা হাঙর্। হায়, মর্ মনান! মঅ ভিদিরে মঅ মনান ধুক্ ধুক্ গরের্। মুই জুরো গুরি থেই ন-পারঙর্, কিত্তে মুই শিঙের রঅ শুন্যং, মুই যুদ্ধোর্ ডাগ শুন্যং।

যিরমিয় 6:11

মাত্তর্ মুই লগেপ্রভুর রাগে গুল্ ওইয়োং; মুই আর সিয়েন মঅ ইধু ধুরি রাগেই ন-পারঙর্। লগেপ্রভু জোবত্ কোইয়্যেদে, তুই সিয়েন পধত্ ঝি-পুয়োগুনো উগুরে আর এক সমারে এগত্তর্ ওইয়্যে গাবুজ্যেগুনো উগুরে ঢালি দে। নেগে-মোগে সিয়েন ভিদিরে ধরা পড়িবাক্, আর বুড়োগুনে আর অমকদ লুঙুর্ বুড়োগুনে রেহাই ন-পেবাক্।

যিহিষ্কেল 3:11

তুই ইক্কিনে বন্দীদজাত্ থেইয়্যে তঅ দেজর্ মানুচ্চুনো ইধু যেইনে কধা কঅ। তারা শুনোদোক্ বা ন-শুনোদোক্, তুই তারা ইধু প্রভু লগেপ্রভুর কধা কবে।”

আমোষ 3:8

সিংহবো গুজুরিলে কন্না ন-দোরেব? প্রভু লগেপ্রভু কবাত্তে কলে কন্না ভাববাদী ইজেবে কধা ন-কোই পারিবো?

মীখা 3:8

মাত্তর্ মুই যাকোবরে তার্ অন্যেয়, ইস্রায়েলরে তার পাপ পৌইদ্যেনে জানেবাত্তে লগেপ্রভুর আত্মার্ দিয়্যে বল্লোই, ন্যায়বিচেরে আর সাহসে ভর্‌‌পুনং ওইয়্যেই।

গণাণা 22:38

জোবত্‌ বিলিয়মে কলঅ, “মুই ইক্কিনে তইদু এচ্চ্যং। মাত্তর্‌ মর্‌ নিজোর্‌ কনঅ কধা কবার্‌ সাধ্য নেই। গোজেনে যে কধাগান্‌ মর্‌ মুয়োন্দি যোগেই দিবো মত্তুন বানা সিয়েনোই কুয়ো পুরিবো।”

গণাণা 23:20

মুই আশিদ্‌বাদ গুরিবাত্তে উগুম্‌ পেইয়োং। তে ইস্রায়েলরে আশিদ্‌বাদ গোজ্যে, মুই সিয়ান্‌ বুদুলি ন-পারং।

প্রেরিত্‌ 1:8

মাত্তর্ পবিত্র আত্মা তমা উগুরে এলে পরেদি তুমি বল্ পেবা, আর যিরূশালেম, গোদা যিহূদীয়া আর শমরিয়া রেজ্যত্ আর পিত্‌থিমীর থুম দুযি সং তুমি মর্ সাক্ষী অবা।”

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

প্রেরিত্‌ 2:32

গোজেনে সেই যীশুরে জেদা গোজ্যে, আর আমি বেক্কুনে সিয়েনর সাক্ষী।

প্রেরিত্‌ 2:4

সেক্কে তারা বেক্কুনে পবিত্র আত্মালোই ভর্‌‌‌পুনোং অলাক্ আর সেই আত্মাগানে যিবেরে যেধোক্ক্যেন কধা কবার্ খেমতা দিলো সে ধগে তারা নানান্ ভাষায় কধা কুয়ো ধুরিলাক্।

প্রেরিত্‌ 22:15

তুই তার্ সাক্ষী অবে আর যিয়েন্ দেক্ক্যচ্ আর শুন্ন্যচ্ বেক্কানি মান্‌জ্য ইধু কবে।

প্রেরিত্‌ 3:15

যিবে জিংকানি দিয়্যে তারে তুমি মারে ফেল্ল্য, মাত্তর্ গোজেনে মরণত্তুন্ তারে জেদা গুরি তুল্ল্যে; আর আমি সিয়েনর্ সাক্ষী।

প্রেরিত্‌ 5:32

আমি ইয়েনি বেক্কানির সাক্ষী আর যিগুনে গোজেনর্ বাধ্য অন্, গোজেনে তারারে যে পবিত্র আত্মা দিয়্যে সেই পবিত্র আত্মাগান্অ সিয়েনর্ সাক্ষী।”