প্রেরিত্‌ 4:19 - Chakma Bible

¹⁹ জোবত্ পিতর আর যোহনে কলাক্, “তমা উগুমানি পালেবং, না গোজেনর্ উগুম্ পালেবং? গোজেন চোগেদি কুবোন্ ঠিগ্, তুমি সিয়েন বিচের্ গুরি চঅ।

প্রেরিত্‌ 4:19 ပူးပေါင်းရင်းမြစ်များ

১ রাজাবলী 12:30

সেনত্তে মানুচ্চুনে পূজো গুরিবাত্তে দান সং যাহ্ ধুরিলাক্‌। এ বেপারান্‌ তারার্‌ পাপ ওইনে থেলঅ।

১ রাজাবলী 13:19

গোজেন মানুচ্চো সেক্কে তা সমারে ফিরি গেলঅ আর তা ঘরত্‌ হানা-দানা গুরিলো।

১ রাজাবলী 14:16

যারবিয়ামে নিজে যেদক্কানি পাপ গোজ্যে আর ইস্রায়েলর্‌ মানুচ্চুনোরে দিইনে গোজ্যে তাত্তেই লগেপ্রভু তারারে ছাড়ি যেবঅ।”

১ রাজাবলী 21:11

সেনত্তে নাবোতর্‌ শঅরত্‌ বজত্তিগুরিয়্যে বুড়ো নেতাগুনে আর মুরুব্বিগুনে ঈষেবলর চিদিগানিত্‌ লেখ্যে উঘুম্‌ মজিম্‌ কাম্‌ গুরিলাক্‌।

১ রাজাবলী 22:14

মাত্তর্‌ মীখায় কলঅ, “জেদা লগেপ্রভুর নাঙে কঙর্, লগেপ্রভু মরে যিয়েনি কবঅ মুই বানা সে কধানি কোম্‌।”

২ রাজাবলী 16:15

রাজা আহসে সে পরেন্দি ধর্মগুরু ঊরিয়রে এ উগুমানি দিলো, “সে দাঙর্‌ পূজোবো উগুরে বেন্যে অক্তত্‌ পূজ্যে-উৎসর্ব আর বেল্যে বেল্যে সোজ্য-উৎসর্ব অনুষ্ঠানান্‌ গুরিবে। ইয়েনিবাদে তা উগুরে রাজার পূজ্যে-উৎসর্ব আর সোজ্য-উৎসর্ব আর দেজ বেক্‌ মানুচ্চুনোর পূজ্যে-উৎসর্ব আর তারার্‌ সোজ্য-উৎসর্ব আর ঢালন-উৎসর্বর অনুষ্ঠানান্‌ গুরিবে। বেক্‌ পূজ্যে-উৎসর্বগুন আর অন্য য়েমান্‌-উৎসর্বর লো-গান্‌ তুই সে পূজোবো উগুরে ছিদি দিবে। মাত্তর্‌ গোজেন উগুম পেবাত্তে মুই সে পিদোল পূজোবো বেবহার গুরিম।”

২ রাজাবলী 16:16

ধর্মগুরু ঊরিয় রাজা আহসর উগুম্‌ মজিম্‌ বেক্‌ কামানি গুরিলো।

গীতসংহিতা 58:1

ও বিচেরক্কুন, তুমি যে অলর্ গুরি আঘ ইয়েন কি ন্যায়বিচের অর্? গমেডালে কি তুমি মানুচ্চুনোর বিচের গরর্?

যাত্রা 1:17

মাত্তর্‌ সেই ওঝাগুনে গোজেনরে দোরেইনে চুলিদাক্। সেনত্যে মিসর রাজাবোর উগুম মজিম কাম্‌ ন-গুরিনে তারা মরদ পূয়োগুনোরেয়ো বাঁজেই রাগেলাক্।

যিরমিয় 26:12

সেক্কে যিরমিয় বেক রাজকর্মচারীগুনোরে আর বেক মানুচ্চুনোরে কলঅ, “তুমি এ ঘরানি আর শঅরানি বিরুদ্ধে যিয়েন শুন্ন্য সে কধানি কবাত্তে লগেপ্রভু মরে পাদেয়্যে।

দানিয়েল 3:18

মাত্তর্ ও মহারাজ, তে যুনি সিয়েন নয়ো গরে তো আমি তর্ দেবেদাগুনোরে সেবা ন-গুরিবোং বা তর্ থিদেবর্ গোজ্যে সোনার মূত্তিবোরে জু জু ন-জানেবং।”

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

হোশেয় 5:11

ইফ্রয়িমে নিজোর্ আওজে বাজে জিনিজো পিজেদি যেইয়্যে বিলিনে তে অত্যেচারিত ওইয়্যে আর বিচেরত্ তারে টেঙ পাদালোই মাড়া ওইয়্যে।

আমোষ 7:16

সালে ইক্কিনে তুই লগেপ্রভুর কধা শুন্। তুই কত্তে, ‘ইস্রায়েল বিরুদ্ধে ভাববাদী ইজেবে কধা ন-কোচ্ আর ইস্‌হাকর বংশর বিরুদ্ধে ফগদাং ন-গুরিচ্।’

মীখা 6:16

তুমি অম্রির রীদি-সুদোমানি পালেয়ো আর আহাব বংশর বেক্ অভ্যেস্ মজিম্ চোল্য। তুমি তারার্ সল্লা মজিম্ চোল্য। সেনত্তে মুই ভস্তর্ আঢত্ আর ঠাট্টা-মশ্‌‌কারীগুরিয়্যে গুনোর আঢত্ তমারে তুলি দিম; মঅ মানুচ্ ইজেবে তমার্ অসর্মান ভুগো পুরিবো।”

মথি লেখ্যে গম্ হবর্ 22:21

তারা কলাক্, “রোম-সম্রাটর্।” যীশু তারারে কলঅ, “সালে যিবে সম্রাটর্ সিবে সম্রাটরে দুয়ো, আর যিবে গোজেনর্ সিবে গোজেনরে দুয়ো।”

যোহন 7:24

বারেদি চেঙারা দেগিনে বিচের্ ন-গুরিনে বরং গমেডালে বিচের্ গরঅ।”

প্রেরিত্‌ 4:13

পিতর আর যোহনর সাহচ্‌ দেগিনে আর তারা যে অশিক্ষিত আহ্ সাধারণ মানুচ্‌ সিয়েন হবর্ পেইনে সেই নেতাগুনে আমক্ ওই গেলাক্, আর তারা যে যীশুর সমাজ্যে এলাক্ সিয়েন্অ বুঝিলাক্।

প্রেরিত্‌ 5:28

“সে মানুচ্চো পৌইদ্যেনে শিক্ষ্যে ন-দিবাত্যে আমি তমারে কড়া উগুম দিয়্যেই, মাত্তর্ তুমি তমা শিক্ষ্যেলোই যিরূশালেমান্ পুরেইয়ো আর সে মানুচ্চোর্ মরণত্যে আমারে দায়ী গুরিবাত্তে চর্।”

প্রেরিত্‌ 5:29

সেক্কে পিতরে আর অন্য প্রচারক্কুনে জোব্ দিলাক্, “মান্‌জ্যর্ উগুম পালানাত্তুন্ বরং গোজেনর্ উগুম আমার পালানা উচিত্।

১ করিন্হীয় 10:15

তমারে বুদ্ধিবলা কোই পারিনে মুই এ বেক্ কধানি কঙর্। মুই যিয়েনি কং সিয়েনি তুমি নিজেই বিচের্ গুরি চঅ।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

ইফিষীয় 6:1

পুয়ো-ছা লগ্, প্রভু যেধোক্ক্যেন চায় সেধোক্ক্যেন গুরি তুমি মা-বাবর্ বাধ্য ওইনে চলঅ, কিয়া সিয়েনই অনা উজিত্।

১ তীমথিয় 2:3

আমার উদ্ধোর গুরিয়্যে গোজেনর চোগেদি সিয়েন গম্ আর ইয়েন্দোই তে হুজী অয়।

ইব্রীয় 11:23

মোশির জর্মর্ পরেদি তার মা-বাবে বিশ্বেজ্ গুরিনেই তিন মাস তারে লুগেই রাগেয়্যে, কিয়া তারা দেক্ক্যন্দে পুয়োবো দোল্ আর তারা রাজার উগুমানরে ন-দোরেলাক্।

যাকোব 2:4

সালে তুমি নিজো ভিদিরে কি চিগোন-দাঙর্ ভাবর্ সৃট্টি ন-গরর্ আর ভান্ন্যেই আজালোই কি বিচের্ ন-গরর্?