প্রেরিত্‌ 3:8 - Chakma Bible

⁸ তে ফাল্ মারি উদিনে থিয়্যেল আর আঢা মারিলো। পরেদি তে আঢ্‌‌তে আঢ্‌‌তে, ফাল্ মাত্তে মাত্তে আর গোজেনরে বাঈনী গত্তে গত্তে তারা সমারে উবোসনা-ঘরত্ গেলঅ।

প্রেরিত্‌ 3:8 ပူးပေါင်းရင်းမြစ်များ

যিশাইয় 35:6

সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

লূকে লেখ্যে গম্ হবর্ 18:43

মানুচ্চো সেক্কে লগে লগে চোগেদি দেগিলো আর গোজেনরে বাঈনী গত্তে গত্তে যীশুর্ পিজে পিজে গেলঅ। ইয়েন দেগিনে বেক্ মানুচ্চুনে গোজেনরে নাঙ্ গিনিলাক্ ।

লূকে লেখ্যে গম্ হবর্ 6:23

সে সময়োত্ তুমি হুজি ওইয়ো আর হুজিয়ে নাজি উদো, কিয়া স্বর্গত্ তমাত্তে দাঙর্ বক্‌‌শিজ্ আঘে। সেই বেক্ মানুচ্চুনোর পূরোণি মানুচ্চুনে ভাববাদীগুনো উগুরে এবাবোত্যে গুরিদাক্।

যোহন 5:14

ইয়েন পরেদি যীশু সে মানুচ্চোরে উবোসনা-ঘরত্ দেগিনে কলঅ, “চাহ্, তুই গম্ ওইয়োচ্। পাপ জিংকানি আর ন-কাদেচ্, যেন তর্ আর ক্ষতি ন-অয়।”

প্রেরিত্‌ 19:16

যে মানুচ্চোরে ভান্ন্যেই আত্মায় পেইয়্যে তে সেক্কে সেই সাতজন্ উগুরে ফাল্ল্যেনে পড়িলো আর তারারে বেক্কুনোরে এমন্‌ গুরিনে আঘাত্ গুরিলো যে, তারা কিয়্যেত্ ঘা ঘা ওইনে লাংদা-বাংদা অবস্থায় সেই ঘরত্তুন্ ধেই গেলাক্।

প্রেরিত্‌ 3:7

পরেদি তে মানুচ্চোর্ ডেন্ আঢ্‌‌তান্ ধুরিনে তারে তুলিলো আর সেক্কেনে তা টেঙানি আর টেঙমূড়িগুন দর অলঅ।