প্রেরিত্‌ 3:6 - Chakma Bible

⁶ সেক্কে পিতরে কলঅ, “মঅ ইধু সোনা-রূবো কিচ্চু নেই, মাত্তর্ যিয়েন আঘে সিয়েনই তরে দোঙর্। নাসরতর যীশু খ্রীষ্টর নাঙে উদিনে থিয়্যে আর আঢি বেড়া।”

প্রেরিত্‌ 3:6 ပူးပေါင်းရင်းမြစ်များ

মথি লেখ্যে গম্ হবর্ 10:9

তমার্ কমরত্ গুরি তুমি সনা, রূবো বা তামা পোইজ্যেয়ো ন-নেযেয়ো।

মথি লেখ্যে গম্ হবর্ 7:22

সেদিন্যে ভালোক্ জনে মরে কবাক্, প্রভু, প্রভু, তঅ নাঙে কি আমি ভাববাদী ইজেবে কধা ন-কোই? তঅ নাঙে কি ভান্ন্যেই আত্মা ন-ধাবেই? তঅ নাঙে কি বোউত্ আমক্ অবার্ কাম ন-গুরিই?

মার্ক 14:8

তে যিয়েন্ পাজ্যে সিয়েন্ গোজ্যে। মরে কবরত্তে যুক্কোল্ গত্তে আর আগেবাগে মঅ কিয়্যেগান উগুরে তুম্বাজ্ তেল্ ঢালি দিয়্যে।

মার্ক 16:17

যিগুনে বিশ্বেজ্ গরন্ তারা ইধু এ চিহ্নোগান্ দেগা যেবঅ-মঅ নাঙে তারা ভুদ্ ধাবেবাক্, তারা নুয়ো নুয়ো ভাষায় কধা কবাক্,

যোহন 19:19

পীলাতে এক্কান্ দুষ্ গোজ্যে বিলি চিদি লিগিনে যীশুর ত্রুুশো উগুরে লাগেই দিলো। সিয়েনত্ লেগা এলঅ, “নাসরতর্ যীশু, যিহূদীগুনোর্ রাজা।”

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 16:18

তে ভালোক্ দিন সং এবাবোত্যে গুরিলো। যেরেদি পৌলে এদ্ক্ তোচ্চ্যে পেলঅ যে, তে পিজেদি ফিরিনে সেই ভান্ন্যেই আত্মাবোরে কলঅ, “যীশু খ্রীষ্টর্ নাঙে মুই তরে উগুম দুয়োঙর্, এ মিলেবো ভিদিরেত্তুন্ নিগিলি যাহ্।” আর সেক্কে সেই আত্মাবো নিগিলি গেলঅ।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 2:36

“ইয়েনত্যে গোদা ইস্রায়েল জাদ্‌‌তো এ কধাগান ঘেচ্চ্যেকগুরি জানদোক্ যে, যিবেরে তুমি ক্রুশোত্ দুয়ো গোজেনে সেই যীশুরে প্রভু আর মশীহ এ দ্বিয়েন পোজিশনত্ নেযেয়্যে।”

প্রেরিত্‌ 3:16

এই যে মানুচ্চোরে তুমি দেগর্ আর যিবেরে তুমি চিনো, যীশু উগুরে বিশ্বেজর্ কারনে, যীশু নাঙর্ গুণে সে খেমতাগান পেইয়্যে। যীশুর মাধ্যমে যে বিশ্বেজ্‌চান এজে সেই বিশ্বেজ্‌চানই তমা বেক্কুনো মুজুঙোত্ তারে পুরোপুরি গুরি গম্ গুরি তুল্ল্যে।

প্রেরিত্‌ 3:5

সেক্কে সে মানুচ্চো তারাত্তুন্ কিজু পেবার্ আজায় তারা ইন্দি রিনি চেলঅ।

প্রেরিত্‌ 3:7

পরেদি তে মানুচ্চোর্ ডেন্ আঢ্‌‌তান্ ধুরিনে তারে তুলিলো আর সেক্কেনে তা টেঙানি আর টেঙমূড়িগুন দর অলঅ।

প্রেরিত্‌ 4:10

সালে তুমি আর বেক্‌ ইস্রায়েলীগুন এ কধাগান ইদোত্ রাগঅ, নাসরতর সেই যীশু খ্রীষ্ট, যিবেরে তুমি ক্রুশোত্ দুয়ো আর যিবেরে গোজেনে মরণত্তুন্ জেদা গুরি তুল্ল্যে, তা বল্লোই এ মানুচ্চো পুরোপুরি গম্ ওইনে তমা মুজুঙোত্ থিয়্যেই আঘে।

প্রেরিত্‌ 4:7

তারা পিতর আর যোহনরে তারা সংমধ্যে থিয়্যেই রাগেইনে পুযোর্ গুরিলাক্, “তুমি কাহ্ বল্লোই বা কাহ্ নাঙে এ কামানি গোজ্য?”

প্রেরিত্‌ 9:34

পিতরে তারে দেগিনে কলঅ, “ঐনিয়, যীশু খ্রীষ্ট তরে গম্ গুরিলো। উঠ্, তঅ বিচ্চোনান্ তুলি নেযা।” আর সেক্কে ঐনিয় উদিনে থিয়্যেল।

১ করিন্হীয় 4:11

ইক্কিনিয়ো আমি পেট পড়ায় আর পানি তিরেজে দুঘ্ পেইর্। আমার্ কাবড়র অভাব আঘে, আমা লগে চিৎ নপুজ্যে বেবহার গরা অর্, আমার ঘর-বাড়ী নেই।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

২ করিন্হীয় 8:12

যুনি কার্‌‌অ দিবার্ আওজ্ থায় সালে তার্ যিয়েন আঘে সেই ইজেবে তার্ দানুন্ গোজেনে মানি লয়, তাত্তুন্ যিয়েন নেই সেই ইজেবে নয়।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ পিতর 4:10

গোজেনর্ নানান্ বাবোত্যে দোয়্যে পেইনে যে মানুচ্চো বিশ্বেজ্ গুরিনে সিয়েন কামত্ লাগেয়্যে, সেবাবোত্যে মানুচ্ ইজেবে তুমি গোজেনত্তুন্ যেধোক্ক্যেন দান পেইয়ো সিয়েন একজন আরেকজনর্ সেবা গুরিবাত্যে বেবহার গরঅ।