প্রেরিত্‌ 3:24 - Chakma Bible

²⁴ “ইয়েন বাদে শমূয়েলত্তুন্ ধুরি আরাম্ভ গুরিনে যিদুক্কুন ভাববাদী কন কিজু কোই যেইয়োন তারায়ো এ সময়বোর কধা আগেদি কোই যেইয়োন,

প্রেরিত্‌ 3:24 ပူးပေါင်းရင်းမြစ်များ

গীতসংহিতা 99:6

তা ধর্মগুরুগুনোর্ ভিদিরে অলাক্ মোশি আর হারোণ; যিগুনে তাইদু তবনা গুরিদাক্ তারার ভিদিরে এলদে শমূয়েল। মোশি, হারোণ আর শমূয়েলে লগেপ্রভুরে ডাগিদাক্ আর তে তারারে জোব্ দিদো।

যিরমিয় 15:1

সেক্কে লগেপ্রভু মরে কলঅ, “মোশি আর শমূয়েলেয়ো যুনি মঅ মুজুঙোত্ এইনে থিয়্যেই তো মঅ মনান এ মানুচ্চুনোত্তে নরম ন-অবঅ। মঅ মুজুঙোত্তুন তুই ইগুনোরে বিদেয় গর্; তারা যাদোক্কোই।

লূকে লেখ্যে গম্ হবর্ 24:27

ইয়েন পরেদি তে মোশির আর বেক্‌ ভাববাদীগুনোর্ লেগাত্তুন্ আরাম্ব গুরিনে গোদা পবিত্র বোইবো ভিদিরে তা নিজো পৌইদ্যেনে যিয়েনি যিয়েনি লেগা আঘে সিয়েনি বেক্কানি তারারে বুঝেই কলঅ।

প্রেরিত্‌ 13:20

এ বেক্‌ ঘটনানি ঘদ্‌তে প্রায় চেরশ পঞ্চাশ বজর্ লাক্ক্যে। ইয়েনর্ পরেদি ভাববাদী শমূয়েলর সময় সং গোজেনে কয়েক্কো শাসনগুরিয়্যে দিয়্যে।

প্রেরিত্‌ 17:3

তে মানুচ্চুনোরে বুঝেল আর প্রমাণ গুরিলো, মশীহর্ দুঘ্ ভুগোনার আর মরণত্তুন্ জেদা ওই উদিবার্ দরকার্ এলঅ। তে কলঅ, “যে যীশুর্ কধানি মুই তমা ইধু ফগদাং গরঙর্ সেই যীশুই অলঅ মশীহ।”

প্রেরিত্‌ 26:23

সেই কধাগান্ অলঅ ইয়েন্, মশীহত্তুন্ দুঘ্ ভুগো পড়িবো আর তার্ মরণত্তুন্ পত্তমে জেদা ওই উদিনে তার্ নিজো জাদর্ মানুচ্চুনো ইধু আর অযিহূদীগুনো ইধু পহ্‌র রেজ্যর্ পৌইদ্যেনে ফগদাং গরা পড়িবো।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

প্রেরিত্‌ 3:21

গোজেনে বেক্কানি যে আরঅ আগ অবস্থায় ফিরেই আনিবো সিয়েন ভালোক্ দিন আগে পবিত্র ভাববাদীগুনোর মাধ্যমে কোইয়্যে। তে যেদ্ক্ দিন সং তার সে কধাগান্ ন-পুরোই সেদক্ দিন সং যীশুত্তুন্ স্বর্গত্ থাহ্ পরিবো।

রোমীয় 3:21

গোজেনে মান্‌জ্যরে ইক্কিনে রীদি-সুদোম বাদে কেধোক্ক্যেন্ গুরি নিদ্দুজি বিলি মানি লোইয়্যে সিয়েন ফগদাং ওইয়্যে। মোশির রীদি-সুদোম আর ভাববাদীগুনে সে পৌইদ্যেনে সাক্ষ্য দি যেইয়োন।

১ শমূয়েল 2:18

মাত্তর্‌ চিগোন চিঝি শমূয়েল মসীনা সুদোলোই এফোদ উরিনে লগেপ্রভুর সেবা কাম্‌ গরা ধুরিলো।

১ শমূয়েল 3:1

চিগোন চিঝি শমূয়েলে এলির অধীনোত্তুন্ লগেপ্রভুরে সেবা-কাম গরা ধুরিলো। সেই অক্তত্‌ লগেপ্রভুর কধানি খুব কম শুনো যেদঅ

১ শমূয়েল 3:20

সেক্কে দান চাগালাত্তুন বের্‌-শেবা সং বেক্‌ ইস্রায়েলীয়গুনে জানি পারিলাক্, শমূয়েলে লগেপ্রভুর ভাববাদী ইজেবে ফগদাং ওইয়্যে।