প্রেরিত্‌ 3:19 - Chakma Bible

¹⁹ ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

প্রেরিত্‌ 3:19 ပူးပေါင်းရင်းမြစ်များ

গীতসংহিতা 103:12

পোজিমেত্তুন্ ধুরি পূগেন্দি যেত্তমান্ দূরোত্, আমা বেক পাপ্পানি তে সেত্তমান্ দূরোত্ সোরেই দিয়্যে।

গীতসংহিতা 51:13

সালে মুই তর্ পথ্‌তান পৌইদ্যেনে উল্লোমিগুনোরে শিক্ষ্যে দি পারিম, আর পাপিগুনে ঘুরিনে তন্দি ফিরিবাক্।

গীতসংহিতা 51:9

তুই মর্ পাপ্পানির ইন্দি ন-চেজ্; মর্ বেক্ অন্যেয়ানি তুই খেমা গর্।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 44:22

মেঘ ধোক্ক্যেন গুরি তর্ বেক অন্যেয়ানি আর বেন্যে মাঢান্ কুয়ো ধোক্ক্যেন গুরি তর্ বেক পাব্‌‍পানি মুই দূর্ গুরি দুয়োং। তুই মইদু ফিরি আয়, কিত্তে মুয়ই তরে উদ্ধোর্ গোজ্যং।” ‍‍

যিশাইয় 51:11

লগেপ্রভুর্ রোক্ষ্যে গুরিয়্যে মানুচ্চুনে ফিরি এবাক্ আর গীদ্ গাদে গাদে সিয়োনত্ চোমেবাক্। উমরত্তে হুজি অবঅ তারার মাঢাবোর মুকুট্‌তো। তারা অমকদ হুজি অবাক্ আর দুঘ্ আহ্ বঅ নিজেস্ ফেলানাগান্ ধেই যেবঅ।

যিশাইয় 6:10

সে পরেদি তে মরে আরঅ কলঅ, “তুই এ মানুচ্চুনোর্ মনানি বাজে বাবোত্যে গুরি দে, তারার্ কানানি নাঢি দে, আর তারার চোগ্‌‌‌‌‌কুনো নাঢি দে। সিয়েন ন-গুরিলে তারা চোগেদি দেগিবাক্, কানেদি শুনিবাক্, মনেদি বুঝিবাক্ আর পাপত্তুন্ মনানি ফিরেইনে গম্ অবাক্। ”

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

যিশাইয় 61:9

জাদ্‌‍‌‍তুনো ভিদিরে তারার বংশধরুনে আর মানুচ্চুনো ভিদিরে পুয়ো-ছাগুন নাঙ্ গোজ্যে অবাক্। যিগুনে তারারে দেগিবাক্ তারা বেক্কুনে বুঝি পারিবাক্, ইগুনে সেই জাদ্ যিগুনোরে লগেপ্রভু বর্ দিয়্যে।”

যিরমিয় 36:3

যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

যিরমিয় 50:20

সে অক্তত্ ইস্রায়েলর ভান্ন্যেয়র কামানি তগা অবঅ মাত্তর্ এক্কান ন-থেবঅ, যিহূদার পাব্‌‌‌‌‌পানি তগা অবঅ মাত্তর্ মাত্তর্ এক্কান্‌অ পাহ্ ন-যেবঅ, কিত্তে মুই যিগুনোরে বাঁজেই রাগেম্ তারারে মুই খেমা গুরিম।

আবিলেচ্ 3:40

এজঅ, আমি আমার জিংকানির্-পথ্‌‌‌তানি পোরোক্ষে গুরিই আর যাচাই গুরিই আর লগেপ্রভু ইধু ফিরি যেই।

আবিলেচ্ 5:21

ও লগেপ্রভু, যুনি তুই আমারে এক্কুবারে এলাফেলা ন-গুরি থাচ্, যুনি তুই আমা উগুরে অমকদ বেজার্ ন-ওই থাচ্, সালে তইদু আমারে ফিরেই নেযা যেনে আমি ফিরি এই পারিই; আমা পুরোণি অবস্থাগান্ ফিরেই দে।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

দানিয়েল 9:13

মোশির সুদোমত্ যেবাবোত্যে লেগা আঘে সেবাবোত্যেগুরি এই বেক্ দযানি আমা উগুরে এইচ্চ্যে, তো আমি আমা পাপত্তুন্ ফিরিনে আমা গোজেন লগেপ্রভুর দোয়্যে পেবার চেট্ট্যা ন-গরন্; তর্ সত্য উগুরে আমি মনযোগী ন-ওই।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

যোয়েল 2:13

তমা পোজাক্কানি ন-ফাদিনেই মনান্ ফাদি ফেলঅ। তমা গোজেন লগেপ্রভু ইধু ফিরি এজঅ, কিত্যে তে দোয়্যেবলা আর মেয়্যেলোই ভরা; তে সহজে বেজার্ ন-অয়, তার অমকদ কোচ্‌‌পানার দুযি নেই আর তে মনান্ বুদুলিনে আর্ সাজা ন-দে।

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

মথি লেখ্যে গম্ হবর্ 18:3

মুই তমারে ঘেচ্চেক্‌গুরি কঙর্, যুনি তুমি মনানি ফিরেইনে চিগোন্ গুরোগুনো ধোক্ক্যেন্ ন-অ সালে কনবাবদে স্বর্গ-রেজ্যত্ সোমেই ন-পারিবা।

লূকে লেখ্যে গম্ হবর্ 1:16

ইস্রায়েলীয়গুনোত্তুন্ ভালোক্কুনোরে তে তারার্ প্রভু গোজেন ইধু ফিরেই আনিবো।

লূকে লেখ্যে গম্ হবর্ 22:57

পিতর অস্বীগের্ গুরিনে কলঅ, “মুই তারে ন-চিনোং।”

প্রেরিত্‌ 1:6

যেরেদি শিচ্চ্যগুনে এগত্তর্ ওইনে যীশুরে পুযোর্ গুরিলাক্, “প্রভু, এ সময়োত্ কি তুই ইস্রায়েলীয়গুনো আঢত্ রেজ্যগান ফিরেই দিবে?”

প্রেরিত্‌ 11:18

এ কধাগান্ শুনিনে যিহূদিয়ার বিশ্বেজিগুনে আর্ আবিত্তি ন-গুরিনে গোজেনরে বাঈনী গুরিনে কলাক্, “সালে গোজেনে অযিহূদীগুনোরেয়ো জিংকানি পেবাত্যে পাপত্তুন্ মনানি ফিরেবার সুযোগ্ দিলো।”

প্রেরিত্‌ 11:21

গোজেনর্ খেমতা তারা উগুরে এলঅ বিলি বোউত্ মানুচ্ প্রভু উগুরে বিশ্বেজ্ গুরিনে তা ইধু ফিরিলাক্।

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 28:27

এ বাবোত্যে মানুচ্চুনোর্ মনানি বাজে আর কানানি নাঢা যেইয়্যে, আর তারা তারার্ চোগ্‌‌কুন্অ নাঢি রাগেয়োন, যেন তারা চোগেদি ন-দেগন্, কানেদি ন-শুনোন্ আর মনানদি ন-বুঝোন্, আহ্ গম্ অবাত্তে মইধু ফিরি ন-এজন।

প্রেরিত্‌ 3:20

আর ইয়োত্ যেন গোজেনর সেই মশীহরে, অত্তাৎ যীশুরে পাধেই দিইনে তমারে তাজা গুরি তুলি পারে। তমাত্তে তারেই বেঈ নেযা ওইয়্যে।

প্রেরিত্‌ 3:21

গোজেনে বেক্কানি যে আরঅ আগ অবস্থায় ফিরেই আনিবো সিয়েন ভালোক্ দিন আগে পবিত্র ভাববাদীগুনোর মাধ্যমে কোইয়্যে। তে যেদ্ক্ দিন সং তার সে কধাগান্ ন-পুরোই সেদক্ দিন সং যীশুত্তুন্ স্বর্গত্ থাহ্ পরিবো।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

২ তীমথিয় 2:25

যিগুনে তা বিরুদ্ধে থিয়্যেন তারারে তাত্তুন্ চিদে ওইনে শিক্ষ্যে দিয়্যে পরিবো। সেই শিক্ষ্যেগান যেন তে এ আজায় দে, গোজেনে তারারে মনানি ফিরেবার জু দিবো যেন গোজেনর্ সত্যগানরে তারা মূড়োত্ পুরিনে বুঝি পারন।

ইব্রীয় 4:1

গোজেনর দিয়্যে জিরেবার জাগানত্ যেবার যে এগেমান্ এলঅ সেই এগেমান্ আমাত্যেয়ো খাদে। সেনত্যে আমার উজিয়ার উয়ো পরিবো, যেন কেঅ সেই এগেম্ গোজ্জ্যে বর্ পানার্ যোগ্য নয় বিলি দেগা ন-যায়।

১ পিতর 2:25

ভুল পধত্ যেইয়্যে ভেড়া ধোক্ক্যেন তুমিয়ো ভুল পধেদি যর্, মাত্তর্ যে পালক তমা মন ভিদিরে দেগাশুনো গরে তুমি তা ইধু ফিরি এচ্চ্য।

২ পিতর 3:8

মাত্তর্ ভেইলগ্, এই কধাগান ভুলি ন-যেইয়ো, প্রভু ইধু এক দিন সমান এক আজার্ বজর আর এক আজার্ বজর্ এক দিনোর্ সমান।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”