প্রেরিত্‌ 3:17 - Chakma Bible

¹⁷ ইক্কুনি ভেইলগ্, মুই কোই পারং তমা নেতাগুনো ধোক্ক্যেন্ তুমিয়ো ন-বুঝিনে যীশুরে ক্রুশোত্ দুয়ো।

প্রেরিত্‌ 3:17 ပူးပေါင်းရင်းမြစ်များ

পত্থম 21:26

জোবত্‌ অবীমেলকে কলঅ, “এ কামান্‌ কন্না গোজ্যে সিয়েন্‌ দঅ মুই হবর্‌ ন-পাং। আগেদি দঅ তুই এ কধাগান মরে ন-কচ্‌। এচ্চ্যে মুই এ কধাগান শুনিলুং।”

পত্থম 39:8

মাত্তর্‌ যোষেফে সেক্কে রাজী ন-অলঅ। তে কলঅ, “চাহ্, মুই এ ঘরত্‌ আগং বিলি মর্‌ গিরোজ্‌সো কনঅ কিজুত্তে চিদে-চজ্জা ন-গরে। বেক্ কাম ভারান তে মঅ উগুরে গোজেই দিয়্যে।

পত্থম 44:15

সেক্কে যোষেফে তারারে কলঅ, “তুমি ইয়েন্‌ কি গোজ্য? মঅ ধোক্ক্যেন মান্‌জ্যে যে ঘেচ্চেক্‌গুরি বেক্কানি গুণিনে নিগিলেই পারে সিয়েন কি তুমি হবর্ নঅ-পেদা?”

যাত্রা 32:1

মুড়োবোত্তুন লামি এত্তে মোশির্‌ দেরি অর্‌ দেগিনে মানুচ্চুনে হারোণর্‌ চেরোকিত্তে এগত্তর্‌ ওইনে কলাক্‌, “পথ্‌ দেগেইনে নেযেবাত্তে তুই‌ আমারে ভুত্‌-দেবেদা বানেই দে কিত্তে সেই মোশি, যে আমারে মিসর দেজত্তুন্‌ নিগিলেই আন্যে, তার্‌ কি ওইয়্যে আমি হবর্‌ ন-পেই।”

গণাণা 22:6

এই মানুচ্চুনে মত্তুন্‌ বেশ্‌ বোলী; সেনত্তে তুই এইনে এই মানুচ্চুনোরে অভিশাব দেগি। সালে অয়ত মুই তারারে অদেই দিইনে দেজত্তুন্‌ দাবেই দি পারিম্‌। মুই এই কধাগান্‌ হবর্ পাং, তুই যারারে আশিদ্‌বাদ গরছ্‌ তারা হামাক্কায়্‌ আশিদ্‌বাদ পান্‌ আর যিগুনোরে অভিশাব দুয়োচ্‌ তারা উগুরে অভিশাব্ পড়ে।”

লূকে লেখ্যে গম্ হবর্ 23:13

পীলাতে সেক্কে আঝল্ ধর্মগুরুগুনোরে, নেতাগুনোরে আর সাধারণ মানুচ্চুনোরে ডাগিনে এগত্তর্ গুরি কলঅ,

লূকে লেখ্যে গম্ হবর্ 23:34

সেক্কেনে যীশু কলঅ, “বাহ্, ইগুনোরে ক্ষেমা গর্, কিয়া ইগুনে কি গত্তন্ সিয়েন কোই ন-পারন্।” তারা চাম্বা চেইনে যীশুর লাম্বা সিলুম্মো নিজো ভিদিরে ভাগাভাগি গুরি নিলাক্।

যোহন 15:21

তারা মত্যে তমা উগুরে ইয়েনি বেক্কানি গুরিবাক্, কিয়া যে মরে দিপাধেয়্যে তারা তারে ন-চিনোন্।

যোহন 16:3

তারা ইয়েনি বেক্কানি গুরিবাক্ কিয়া তারা বাবারেয়ো ন-চিনোন্, মরেয়ো ন-চিনোন্।

যোহন 7:52

ফরীশীগুনে নীকদীমরে জোব্ দিলাক্, “তুইয়ো কি গালীলো মানুচ্‌? পবিত্র বোইবোত্ তোগেই চাহ্, গালীলোত্ কনঅ ভাববাদীর জোর্মেবার্ কধা নেই।”

প্রেরিত্‌ 13:27

যিরূশালেম মানুচ্চুন আর তারার্ নেতাগুনে যীশুরে ন-চিনোন্। ইয়েন বাদেয়ো ভাববাদীগুনোর্ যে কধানি পত্তি জিরেবার্ দিনোত্ পড়া অয় সেই কধানি তারা ন-বুঝোন্; সেনত্তে তারা যীশুরে দুষী গুরিনে সেই কধাগান পূরোণ্ গোজ্জ্যন্।

প্রেরিত্‌ 22:5

এ কধাগান্ যে সত্য, সিয়েনর্ সাক্ষী দাঙর্ ধর্মগুরু আর দাঙর্ তেম্মাঙর্ বেক্কুন্ । এমন্‌ কি, মুই তারাত্তুন্ দামেস্ক শঅরর্ ধর্ম নেতাগুনোরে দিবাত্যে চিধি নেযেয়োং আর সেবাবোত্যে মানুচ্চুনোরে বন্দী ইজেবে যিরূশালেমত্ আনিনে সাজা দিবাত্যে সিধু যাঙর্।

প্রেরিত্‌ 26:9

মুই নিজে বিশ্বেজ্ গত্তুং, নাসরত যীশুর্ বিরুদ্ধে যিয়েনি গরা যায় সিয়েনি বেক্কানি মর্ গরানা উচিত্,

প্রেরিত্‌ 28:21

সেক্কে যিহূদী নেতাগুনে কলাক্, “তঅ পৌইদ্যেনে যিহূদিয়াত্তুন্ আমি কনঅ চিধি ন-পেই। যে ভেইয়ুনে সিত্তুন্ এচ্চ্যন্ তারায়ো কেঅ তঅ পৌইদ্যেনে কিচ্চু ন-কন্ বা কনঅ বজং কধা ন-কন্।

রোমীয় 11:2

গোজেনে তার্ যে মানুচ্চুনোরে আগেত্তুন্ ধুরি বেঈ লোইয়্যে তারারে এলাফেলা ন-গরে। ভাববাদী এলিয় পৌইদ্যেনে পবিত্র বোইবো কি কয় সিয়েন্ কি তুমি কোই ন-পারঅ? তে ইস্রায়েলীয়গুনো বিরুদ্ধে গোজেন ইধু কোইয়্যেদে,

১ করিন্হীয় 2:8

এ যুগোর্ নেতাগুনো ভিদিরে কনজনে সিয়েন ন-বুঝোন্; যুনি সিয়েন বুঝিদাক্ সালে সেই মহিমাবলা প্রভুরে ক্রুশোত্ ন-দিদাক্।

২ করিন্হীয় 3:14

মাত্তর্ সেই মানুচ্চুনোর্ মনানি দরঅ ওইয়্যে। সেনত্যে এজঅ যেক্কে সেই পুরোণি বেবস্থার্ কধা পড়া অয় সেক্কে তারার্ রিবেঙ উগুরে সেই একই বাবোত্যে পদ্দা থেই যায়, কিয়া বানা খ্রীষ্ট সমারে এগত্তর্ ওইনে সেই পদ্দাগান্ সুরি যায়।

ইফিষীয় 4:18

তারার্ মনানি আন্ধারত্ পড়ি আঘে। মনানি দরঅ বিলিনে তারা গোজেন পৌইদ্যেনে কিচ্চু কোই ন-পারন্, আর সেনত্যে গোজেনর্ দিয়্যে জিংকানিত্তুন্ তারা বোউত্ দূরোত্ আঘন।

ফিলিপীয় 1:22

মাত্তর্ যুনি মুই বাঁজি থাং সালে সিয়েন মত্তে এমন এক্কান কামর্ জু গুরি দিবো যেনে যদেষ্ট ফল অয়। কুবোন্ মুই বেঈ লোম সিয়েন কোই ন-পারং।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।