প্রেরিত্‌ 28:5 - Chakma Bible

⁵ মাত্তর্ পৌলে যেক্কে আঢ্‌তান্ ঝাড়িনে সাপ্পো আগুনোত্ ফেলেই দিলো সেক্কে তার্ কনঅ ক্ষতি ন-অলঅ।

প্রেরিত্‌ 28:5 ပူးပေါင်းရင်းမြစ်များ

গীতসংহিতা 91:13

তুই সিংহ আর আজাব সাব উগুরেন্দি আঢি যেবে, দামারা সিংহ আর সাপ্‌পোরে টেঙোই দুলি পারিবে।

মার্ক 16:18

তারা আঢ উগুরে সাপ তুলি ধুরিবাক্, যুনি তারা অমকদ বিষাক্ত কিজু খান্ সালে তারার্ কনঅ ক্ষতি ন-অবঅ, আর তারা পীড়েল্যেগুনো কিয়্যেত্ আঢ্ দিলে পীড়েল্যেগুনে গম্ অবাক্।”

লূকে লেখ্যে গম্ হবর্ 10:19

চঅ, মুই তমারে সাপ আর বিছে উগুরে আঢি যেবার্ খেমতা দুয়োং আর তমা শত্রু শদানর্ বেক্ বলান উগুরেয়ো খেমতা দুয়োং। কনঅ কিজুয়ে তমারে ক্ষোতি ন-গুরিবো।

প্রেরিত্‌ 28:6

মানুচ্চুনে মনে গোজ্জ্যন্ তা কিয়্যেগান ফুলি উদিবো বা অদাঢত্ তে মুরি যেবঅ। মাত্তর্ ভালক্কন্ বাজ্জ্যেই থেইনেয়ো তার্ কিচ্চু ন-অলঅ দেগিনে তারা মনান্ বুদুলিনে কুয়ো ধুরিলাক্, “তে দেবেদা।”

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।