প্রেরিত্‌ 28:2 - Chakma Bible

² সেই দ্বীপোর্ মানুচ্চুনে আমা সমারে ভারী গম্ বেবহার গুরিলাক্। সেক্কে ঝড় পড়ের্ আর ঠান্ডা এলঅ বিলিনে তারা আগুন জ্বালেইনে আমারে বেক্কুনোরে ডাগিলাক্।

প্রেরিত্‌ 28:2 ပူးပေါင်းရင်းမြစ်များ

ইষ্রা 10:9

তিন দিনো ভিদিরে যিহূদা আর বিন্যামীন চাগালার্ বেক্ মানুচ্চুনে যিরূশালেমত্ এগত্তর্ অলাক্। নয় মাজত্ কুড়ি দিনোর্ দিন্নোত্ বেক মানুচ্চুনে গোজেনর্ ঘর মুজুঙো চক্করবোত্ বোইনে সে বেপারানত্যে আর অমকদ ঝড়ানত্যে গির্‌‌‌‌গিরাদন্।

লেবীয় 19:18

হেনা চুযোনা ন-চলিবো, বা কারঅ‌ বিপক্ষে মন ভিদিরে ইংসের্‌ মনভাব পুযি রাগানা ন-চলিবো। বেক্‌ মানুচ্চুনোরে নিজো ধোক্ক্যেন গুরি কোচ্‌পা-পুরিবো। মুই লগেপ্রভু।

লেবীয় 19:34

নিজো জাদর্‌ মানুচ্চুনো সমারে যেধোক্ক্যেন বেবহার্‌ গরা অয় তা সমারে সেধোক্ক্যেন বেবহার্‌ গরা পুরিবো। তারে নিজো ধোক্ক্যেন গুরি কোচ্‌পা পুরিবো, কিত্যে তুমিয়ো মিসরীয়গুনো ভিদিরে অন্য জাদর্‌ মানুচ্‌ এলা। মুই লগেপ্রভু তমার গোজেন।

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

যোহন 18:18

সেক্কে অমকদ জার্ পোজ্যে। সেনত্তে চাগরুনে আর কাম্‌গুরিয়্যেগুনে ধার্বো গাজ্‌চোই আগুন জ্বালেইনে সে জাগানত্ থিয়্যেইনে আগুন পুয়োদন্। পিতরেয়ো তারা সমারে থিয়্যেইনে আগুন পুয়োর্।

প্রেরিত্‌ 27:3

আমা জাহাজ্‌চান তার্ কেল্যে সীদোনত্ থামেল। যুলিয় পৌল সমারে ভারী গম্ বেবহার গুরিলো আর তারে তা সমাজ্যেগুনো ইধু যেবার অনুমতি দিলো যেন তা সমাজ্যেগুনে তারে দরকারি পযাপিরা দি পারন্।

প্রেরিত্‌ 28:3

পৌলে এক বনা শুগুনো দার্‌বো থুবেইনে আগুনোত্ দিবার্ অক্তত্ এক্কো বিষ্‌বলা সাপ আগুনো গরমে সেই বনাবোত্তুন্ নিগিলিনে পৌল আঢ্‌তানত্ কামেড়ে ধুরিলো।

প্রেরিত্‌ 28:4

সাপ্পোরে পৌল আঢত্ ঢুলদে দেগিনে সেই দ্বীপোর্ মানুচ্চুনে কুয়ো কি গরা ধুরিলাক্, “এ মানুচ্চো ঘেচ্চেকগুরি খুনী, কারন সাগর আঢত্তুন্ রোক্ষ্যে পেলেয়ো গম্ দেবেদাবো তারে বাঁজিবাত্তে ন-দিলো।”

রোমীয় 1:14

সভ্য-অসভ্য, শিক্ষিত-অশিক্ষিত, বেক্কুনো ইধু মুই বাধ্য।

রোমীয় 14:1

বিশ্বাজে যে মন্‌মরা তারে আপন গুরি নেয; তা কধাগান্দোই তা সমারে তর্কাতর্কি ন-গোজ্য।

রোমীয় 14:3

চোইদ্দ্যে হেইয়্যেবো যেন শাক্-পাত্ হেইয়্যেবোরে ঈচ্ ন-গরে আর শাক্-পাত্ হেইয়্যেবো যেন চোইদ্দ্যে হেইয়্যেবোরে দুষ্ ন-ধরে, কিয়া গোজেনে দঅ সেই দ্বিজনরে আপন গুরি লোইয়্যে।

রোমীয় 2:27

তঅ ইধু দঅ লেক্ক্যে রীতি-সুদোম আঘে আর তর্ চুনু মাঢাবো চামান কাবা ওইয়্যে। মাত্তর্ তুই যুনি রীদি-সুদোম ন-মানচ্ সালে যিবের্ চুনু মাঢাবো চামান কাবা ন-অয় অদচ রীদি-সুদোম পালন গরের্, তে কি আইন ন-মানিবাত্যে তরে দুষি ন-ধুরিবো?

১ করিন্হীয় 14:11

ইয়েনত্যে মুই যুনি কনঅ ভাষার্ অত্ত ন-বুঝোং সালে যে মানুচ্চো কধা কর্ তাইধু দঅ মুই অজানা বিদেশী ধোক্ক্যেন ওম্, আর তেয়ো মইধু সেধোক্ক্যেন্ অবঅ।

২ করিন্হীয় 11:27

খ্রীষ্টর্ সেবা গুরিবাত্যে যেইনে মুই দুঘোত্অ জদবদে কাম গোজ্জ্যং। মুই ভালোক্ রেত্ জাগি রোইয়োং, পেট পরায় আর পানি তিরেজে দুঘ্ পেইয়োং, উবোস্ থেইয়োং, জারে আর কাবর-চুগরর্ অভাবে দুঘ্ পেইয়োং।

কলসীয় 3:11

এ অবস্থায় অযিহূদী বা যিহূদী ভিদিরে, চুনু মাঢা কাপ্যে বা চুনু মাঢা-ন-কাপ্যে মান্‌জ্য ভিদিরে, ব-কলম, নিচুজাদ্, চাগর্ বা গিরোজ মোধ্যে কনঅ ফারগ্ নেই; সিয়েনত্ খ্রীষ্ট আজল্ আর তে পত্তিজন ভিদিরে আঘে।

ইব্রীয় 13:2

গর্বাগুনোরে আদর-যত্তন্ গত্তে পুরি ন-ফেলেয়ো; কেঅ কেঅ কোই ন-পারিনে এবাবোত্যেগুরি স্বর্গদূত্‌তুনোরে আদর-যত্তন্ গোজ্জ্যন্।