প্রেরিত্‌ 28:17 - Chakma Bible

¹⁷ তিন দিন পরেদি পৌল সিধুগো যিহূদী নেতাগুনোরে ডাগিনে একসমারে এগত্তর্ গুরিলো। তারা এগত্তর্ অনার্ পরেদি পৌল তারারে কলঅ, “মঅ ভেইয়ুন, যুনিয়ো মুই আমা জাদর্ বিরুদ্ধে বা পূরোণি মানুচ্চুনোর সুদোম বিরুদ্ধে কিচ্চু ন-গরং, তো যিরূশালেমত্ মরে ধরা ওইয়্যে আর রোমীয়গুনো আঢত্ দিয়্যে ওইয়্যে।

প্রেরিত্‌ 28:17 ပူးပေါင်းရင်းမြစ်များ

পত্থম 40:15

ঘেচ্চেকগুরি কদ চেলে, ইব্রীয়গুনো দেজত্তুন্‌ মরে জোর্‌ গুরি ধুরি আনা ওইয়্যে, আর এ দেজত্‌ এইনেয়ো মুই এমন্ কিজু ন-গরং যিয়েনত্তে মরে এ গাদ্‌‌‌তোত্‌ আক্‌‌‌সো রাগা যায়।”

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 22:5

এ কধাগান্ যে সত্য, সিয়েনর্ সাক্ষী দাঙর্ ধর্মগুরু আর দাঙর্ তেম্মাঙর্ বেক্কুন্ । এমন্‌ কি, মুই তারাত্তুন্ দামেস্ক শঅরর্ ধর্ম নেতাগুনোরে দিবাত্যে চিধি নেযেয়োং আর সেবাবোত্যে মানুচ্চুনোরে বন্দী ইজেবে যিরূশালেমত্ আনিনে সাজা দিবাত্যে সিধু যাঙর্।

প্রেরিত্‌ 23:33

ঘোড়াবলা সৈন্যগুনে কৈসরিয়াত্ লুমিনে চিধিগান্ আর পৌলরে আজল্ শাসন গুরিয়্যেবোর্ আঢত্ দিলাক্।

প্রেরিত্‌ 25:10

সেক্কে পৌলে কলঅ, “মুই ইক্কিনে রোমীয় বিচের-সভার্ মুজুঙোত্ থিয়্যেই আঘং আর রোমীয় সরকার ইধু মর্ বিচের্ অনা উচিত্। তুই নিজে দঅ গমেদালে হবর্ পাচ্, মুই যিহূদীগুনো উগুরে কনঅ অন্যেয় ন-গরং।

প্রেরিত্‌ 25:2

সেক্কে আজল্ ধর্মগুরুগুনে আর যিহূদী নেতাগুনে তাইধু যেইনে পৌল বিরুদ্ধে আবিত্তি জানেলাক্।

প্রেরিত্‌ 25:8

সেক্কে পৌলে নিজোর্ পক্ষেদি এ কধাগান্ কলঅ, “মুই যিহূদীগুনোর্ রীতি-সুদোম বা উবোসনা-ঘর বা রোম-সম্রাটর্ বিরুদ্ধে কনঅ অন্যেয় ন-গরং।”

প্রেরিত্‌ 6:14

আমি তারে এ কধাগান কধে শুন্ন্যেই, সেই নাসরত্ আদামর যীশু এ উবোসনা-ঘরান ভাঙি ফেলেব আর মোশি যে চলেদে সুদোমানি আমারে দি যেয়্যে সিয়েনিয়ো বুদুলি ফেলেব।”