প্রেরিত্‌ 28:15 - Chakma Bible

¹⁵ সিধুগোর্ বিশ্বেজি ভেইয়ুনে আমার্ এজানার্ হবরান্ শুন্ন্যন্। পধত্ আমা সমাজ্জ্যে অবাত্তে তারাত্তুন্ কেঅ কেঅ আপ্পিয়েরহাট, কেঅ কেঅ তিন-সরাই আদাম সং এচ্চ্যন্। এ মানুচ্চুনোরে দেগিনে পৌল গোজেনরে ভালেদি জানেল আর তে নিজে উচ্চোমি পেলঅ।

প্রেরিত্‌ 28:15 ပူးပေါင်းရင်းမြစ်များ

ইব্রীয় 13:3

যিগুনে জেলোত্ আঘন্ তারা সমারে যেন তুমিয়ো বন্দী ওইয়ো, আর যিগুনে অত্যেচারিত্ অদন্ তারা সমারে যেন তুমিয়ো অত্যেচারিত অর্, এবাবোত্যে গুরি তারা কধানি ইদোত্ তুলো।

রোমীয় 15:24

সেনত্তে ইক্কিনে স্পেইন দেজত্ যেবার্ পধত্ মুই তমা ইধু যেবাত্তে চাঙর্। মুই আজা গরং, সেই পধেদি যেবার্ অক্তত্ তমা ইধু যেই পারিম্ আর তমা সমারে খানক্‌কন্ হুজীয়ে কাদানার্ পরেদি তুমি মরে স্পেইন দেজত্ যেবার্ বেবস্থা গুরি দিবা।

গালাতীয় 4:14

মর্ অসুগ্‌কানে যুনিয়ো তমারে দুঘ্ দিয়্যে তো তুমি মরে তুচ্চো বা ঈচ্ ন-গরঅ, বরং গোজেনর্ দূত্‌তোরে বা খ্রীষ্ট যীশুরে যেধোক্ক্যেন গুরি মানি লদা সেধোক্ক্যেন গুরি তুমি মরে মানি লোইয়ো।

প্রেরিত্‌ 21:5

মাত্তর্ সেই দিনুন্ বিদি গেলে পরেদি আমি তারারে ফেলেইনে আমা পধ্‌থানদি লদ্ দিলোং। বেক্ শিচ্চ্যগুন আর তারা মোগ্‌কুন আহ্ ঝি-পুয়োগুনে আমা লগে লগে শঅর বারেদি এলাক্। যেরেদি সাগর পারত্ আমি আঢু পাড়িনে তবনা গুরিলোং।

প্রেরিত্‌ 10:25

পিতরে যেক্কে ঘরত্ সোমেল সেক্কে কর্ণীলিয় তা ইধু যেইনে তা ঠেংঅ উগুরে মাঢা নিগুরিনে গোজেনর্ সর্মান দিইনে তারে সালাম গুরিলো।

যোহন 12:13

সেক্কে তারা খাজোর্ পাদালোই তারে আগ্ বারেই আনিবাত্যে গেলাক্ আর রঅ ছাড়িনে কুয়ো ধুরিলাক্, “হোশান্না, যে প্রভুর নাঙে এজের্ তার্ বাঈনী ওক্‌। তেয়ই ইস্রায়েলর্ রাজা।”

গীতসংহিতা 27:14

তুমি লগেপ্রভুর উগুরে আজা রাগেয়ো; মনবল্ আন আর বুগোত্ সাহস বান আর লগেপ্রভু উগুরে আজা রাগ।

১ শমূয়েল 30:6

সেক্কে দায়ূদে দাঙর্ দজাত্‌ পোজ্যে, কিত্যে ঝি-পূঅগুনোত্তে তার মানুচ্চুনোর্‌ মনান্‌ দায়ূদো উগুরে এন্‌ তিদে ওই উঠ্যে, তারা দায়ূদোরে পাত্তর্‌ মারিবার্‌ কধানি কুয়োকি গত্তন্‌। মাত্তর্‌ দায়ূদে তার্‌ গোজেন লগেপ্রভুর উগুরে নির্ভর গুরিনে মনত্‌ বল্‌ পেলঅ।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

যাত্রা 4:14

এ কধাগান শুনিনে লগেপ্রভু মোশি উগুরে রাগে জুলি উদিলো। তে কলঅ, “তর্‌ ভেই লেবীয় হারোণে কি নেই? মুই হবর্‌ পাং তে অমহদ গমেডালে কধা কোই জানে। তে তঅ লগে দেগা গুরিবাত্তে এজের্‌। তরে দেগিলে তে অমহদ হুজি অবঅ।

১ থিষলনীকীয় 3:7

ইয়েনত্যে ভেইলগ্, তীমথিয়র মুয়োদি তমার্ বিশ্বেজর্ কধানি শুনিনে আমার বেক্‌ যন্ত্রণাগানি আর দুঘোত্অ আমি সান্তনা পেইয়্যেই।

২ করিন্হীয় 2:14

গোজেনরে ভালেদি জানেই যে, আমি খ্রীষ্ট সমারে মিজেয়্যেই বিলিনে গোজেনে তার্-জিদেনার পদথ্ নিত্য আমারে চালেই নেযার্। খ্রীষ্টরে জানানা এক্কান তুম্বাজ ধোক্ক্যেন। গোজেনে তার্ জিদেনার্ পদথ্ সেই তুম্বাজ্‌চান আমা মাধ্যমে বেক্‌ জাগাইধু ছিদিই দে।

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

প্রেরিত্‌ 10:23

সেক্কে পিতরে ঘরঅ ভিদিরে সেই মানুচ্চুনোরে ডাগি আনিলো আর তারার্ থেবার্ আহ্ হানা-দানার্ বেবস্থা গুরিলো।

প্রেরিত্‌ 11:1

অযিহূদীগুনেয়ো যে গোজেনর্ কধা বিশ্বেজ্ গোজ্জ্যন্ সে কধাগান্ প্রচারক্কুনে আর গোদা যিহূদীয়ার্ বিশ্বেজি ভেইয়ুনে শুনিলাক্।

প্রেরিত্‌ 11:12

সেক্কে পবিত্র আত্মাগানে মরে কনঅ সন্দেহ ন-গুরিনে তারা সমারে যেবাত্তে কলঅ। এ ছঅজন ভেইয়ো মঅ সমারে যেয়োন্। পরেদি আমি সে মানুচ্চো ঘরত্ সোমেলং যিবে মরে ডাগিনে পাধেয়্যে।

প্রেরিত্‌ 12:17

পিতরে তারারে জুরো অবাত্যে আঢ্‌তোই ইজিরে দিলো আর জেলখানাত্তুন্ প্রভু তারে কেধোক্ক্যেন্ গুরি নিগিলেই আন্ন্যে সিয়েন জানেল। যেরেদি তে কলঅ, “এ হবরান্ যাকোব আর অন্য ভেইয়ুনোরেয়ো দুয়ো।” এ কধাগান কোইনে তে নিগিলিনে অন্য জাগাত্ গেলগোই।

প্রেরিত্‌ 28:14

আমি সিধু কয়েক্কো বিশ্বেজি ভেইয়োর্ দেগা পেলং। তারা সমারে সাপ্তামুলো কাদেবাত্যে তারা আমারে কোজোলি গুরিলাক্। এবাবোত্যেগুরি আমি রোমত্ এলং।