প্রেরিত্‌ 28:14 - Chakma Bible

¹⁴ আমি সিধু কয়েক্কো বিশ্বেজি ভেইয়োর্ দেগা পেলং। তারা সমারে সাপ্তামুলো কাদেবাত্যে তারা আমারে কোজোলি গুরিলাক্। এবাবোত্যেগুরি আমি রোমত্ এলং।

প্রেরিত্‌ 28:14 ပူးပေါင်းရင်းမြစ်များ

পত্থম 7:4

মুই আর সাত দিন পরেদি পিত্‌থিমীগান উগুরে ঝড় ফেলেবার বেবস্থা গুরিম্‌। সেক্কে চোল্লিশ দিন আর চোল্লিশ রেত্‌ সং ঝড় পড়িবো। মুই মাদি উগুরে যিদুক্কুন পরান্‌‌বলা ‌বানেয়োং তারারে বেক্কুনোরে পিত্‌থিমীগান উগুরেত্তুন্ তুলি দিম।”

গীতসংহিতা 119:63

যিগুনে তরে ভোক্তিগুরি দরান আর তর্ সুদোমানি পালান্ মুই তারার বেক্কুনোর সমাজ্যে।

মথি লেখ্যে গম্ হবর্ 10:11

তুমি যে কনঅ শঅরত্ বা আদামত্ যেবা সিদু এক্কো যগাজ্যে মানুচ্ তোগেই নেযঅ আর অন্য কনঅ মিক্ক্যে ন-যানা সং তা ঘরানত্ থেয়ো।

যোহন 21:23

ইয়েনত্যে ভেইউনো ভিদিরে এ কধাগান্ ছিদি গেলঅ যে, সেই শিচ্চ্যবো ন-মুরিবো। মাত্তর্ যীশু পিতররে ন-কয় সেই শিচ্চ্যবো ন-মুরিবো। তে বরং কোইয়্যেদে, “মুই যুনি চাং তে মর্ ফিরি ন-এজানা সং থায়, সালে তর্ কি?”

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

প্রেরিত্‌ 19:1

আপল্লো যেক্কে করিন্থত্ এলঅ সেক্কে পৌলে এশিয়া রেজ্যর্ সংমধ্যেন্দি ইফিষত্ লুমিলো। সিধু তে কয়েক্কো শিচ্চ্যরে দেগা পেইনে তারারে পুযোর্ গুরিলো “তুমি যেক্কে প্রভু যীশু উগুরে বিশ্বেজ্ গোজ্জ্য সেক্কে কি পবিত্র আত্মাগান্ পেইয়ো?” তারা তারে কলাক্, “পবিত্র আত্মাগান্ যে আঘে সে কধাগান্ আমি ন-শুনিই?”

প্রেরিত্‌ 20:6

সদানেইয়্যে রুটি পরবর্ পরেদি আমি পানি পধেদি ফিলিপীত্তুন্ লদ্ দিলোং আর পাচ্ দিন পরেদি ত্রোয়াত তারা সমারে মিজেলং। ত্রোয়াত আমি সাত দিন সং এলং।

প্রেরিত্‌ 21:4

সিধুগোর্ শিচ্চ্যগুনোরে তোগেই পেইনে আমি তারা সমারে সাত দিন সং থেলং। সেই শিচ্চ্যগুনে পবিত্র আত্মালোই পৌলরে কোজোলি গুরিলাক্ যেন তে যিরূশালেমত্ ন-যায়।

প্রেরিত্‌ 28:13

সিয়েনত্তুন্ লদ্ দিইনে আমি রীগিয়ত্ লুমিলোং। তার্ কেল্যে দৌগিণো বৈইয়্যের্ বেলঅ আর সে পরেদি আমি পূতিয়লীত্ লুমিলোং।

প্রেরিত্‌ 28:15

সিধুগোর্ বিশ্বেজি ভেইয়ুনে আমার্ এজানার্ হবরান্ শুন্ন্যন্। পধত্ আমা সমাজ্জ্যে অবাত্তে তারাত্তুন্ কেঅ কেঅ আপ্পিয়েরহাট, কেঅ কেঅ তিন-সরাই আদাম সং এচ্চ্যন্। এ মানুচ্চুনোরে দেগিনে পৌল গোজেনরে ভালেদি জানেল আর তে নিজে উচ্চোমি পেলঅ।

প্রেরিত্‌ 28:21

সেক্কে যিহূদী নেতাগুনে কলাক্, “তঅ পৌইদ্যেনে যিহূদিয়াত্তুন্ আমি কনঅ চিধি ন-পেই। যে ভেইয়ুনে সিত্তুন্ এচ্চ্যন্ তারায়ো কেঅ তঅ পৌইদ্যেনে কিচ্চু ন-কন্ বা কনঅ বজং কধা ন-কন্।

প্রেরিত্‌ 6:3

ভেইলগ, তমা ভিদিরেত্তুন্ এমন্‌ সাতজন্ মান্‌জ্যরে তুমি বেঈ লঅ যিগুনোরে বেক্কুনে সর্মান গরন্ আর যিগুনে পবিত্র আত্মালোই আর জ্ঞানে পরিপূরোন। আমি তারা উগুরে এ সেবা কামর ভারান্ দিইনে নিজে তবনা আর গোজেনর্ কধা ফগদাঙত্ মনান্ দিবোং।”

প্রেরিত্‌ 9:30

বিশ্বেজি ভেইয়ুনে এ কধাগান শুনিনে তারে কৈসরিয়া শঅরত্ নেযেলাক্ আর যেরেদি তারে তার্ষ শঅরত্ পাধেই দিলাক্।

রোমীয় 1:13

ভেইলগ্, এ কধাগান্ হবর্ পেইয়ো, মুই ভালোক্ বার্ তমা ইধু যেবাত্তে চেইনেয়ো এজঅ সং মানা গরদন্। অন্য জাগাত্ অযিহূদীগুনো ইধু প্রচার গুরিনে যেবাবোত্যে ফল পেয়োং, ঠিগ্ সেবাবোত্যেগুরি তমাত্তুন্অ কিজু ফল দেগিবার আজায় মুই তমা ইধু যেবাত্তে চেইয়োং।