প্রেরিত্‌ 27:39 - Chakma Bible

³⁹ বেন্ন্যে মাদান্ তারা জাগায়ান্ চিনি ন-পারিলাক্, মাত্তর্ এমন্‌ এক্কান চিগোন সাগর্ দেগিলাক্ যিয়েনর কুলোচরান্ বালুলোই ভরা এলঅ। সেক্কে তারা ঠিগ্ গুরিলাক্, সম্ভব অলে জাহাজ্‌‌চান সেই পারত্ তুলি দিবাক্।

প্রেরিত্‌ 27:39 ပူးပေါင်းရင်းမြစ်များ

মথি লেখ্যে গম্ হবর্ 1:19

মরিয়ম নেক্কো যোষেফে গম্ মানুচ্ এলঅ, মাত্তর্ তে মান্‌জ্য মুজুঙোত্ মরিয়মরে লাজত্ ফেলেবাত্তে ন-চেলঅ; ইয়েনত্তে তে ভিদিরে ভিদিরে তারে ন-লবঅ বিলি ঠিগ্ গুরিলো।

প্রেরিত্‌ 27:40

ইয়েনত্যে তারা জাহাজর্ নোংগরানি কাবিনে সাগরত্ ফেলেই দিলাক্ আর পাঙেই বানিবার্ দুড়িগানি খুলি দিলাক্। ইয়েনর্ পরেদি তারা বৈয়্যের মুয়োত্ মুজুঙেদি পাল্ তুলি দিলাক্ আর পার ইন্দি উজেই যেইনে চরত্ আক্‌‌সো গেলাক্।

প্রেরিত্‌ 28:1

আমি গমেডালে কুলোত্ লুমিনে কোই পারিলোং দ্বীপ্পোর্ নাঙান্ মাল্টা।