প্রেরিত্‌ 27:35 - Chakma Bible

³⁵ এ কধাগান্ কোইনে পৌলে রুটি লোইনে তারা বেক্কুনো মুজুঙোত্ গোজেনরে ভালেদি জানেল আর সিয়েন ভাঙিনে হা ধুরিলো।

প্রেরিত্‌ 27:35 ပူးပေါင်းရင်းမြစ်များ

গীতসংহিতা 119:46

তুই যেদক্কানি কধা কোইয়োচ্ সিয়েনি মুই রাজাগুনো মুজুঙোত্ কোম; মুই ন-লাজেম্।

মার্ক 8:6

তে মানুচ্চুনোরে মাদিত্ বুজিবাত্তে উগুম্ দিলো। যেরেদি সেই সাত্তান্ রুটি লোইনে তে গোজেনরে ভালেদি জানেইনে ভাঙিলো আর মানুচ্চুনোরে দিবাত্তে শিচ্চ্যগুনো আঢত্ দিলো আর শিচ্চ্যগুনে সিয়েনি মানুচ্চুনো আঢত্ দিলাক্।

লূকে লেখ্যে গম্ হবর্ 24:30

যেক্কে তে তারা সমারে হেবাত্যে বুজিলো সেক্কে রুটি লোইনে গোজেনরে ভালেদি জানেল আর সিয়েন্ কট্টা গুরিনে তারারে দিলো।

যোহন 6:11

ইয়েন পরেদি যীশু সেই রুটি কয়েক্কান লোইনে গোজেনরে ভালেদি জানেল আর যিগুনে বৈই এলাক্ সিগুনোরে ভাগ্ গুরি দিলাক্। সেবাবোত্যেগুরি তে মাছ-অ দিলো। যে যেদক্ মাগিলাক্ সেদ্ক্ পেলাক্।

যোহন 6:23

মাত্তর্ যিয়েনত্ প্রভু ভালেদি জানেবার্ পরেদি মানুচ্চুনে রুটি হেইয়োন্ সে জাগান কায় সেক্কে তিবিরিয়া শঅরত্তুন্ কয়েক্কান নঅ লুমিলোগি।

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 14:6

বিশেষ্ কনঅ এক্কো দিন যে পালায় তে দঅ গোজেনরে হুজি গুরিবাত্তে সিয়েন গরে। যে বেক্কানি খায় তে গোজেনরে হুজি গুরিবাত্তে খায়, কিয়া তে গোজেনরে ভালেদি জানায়। যে বেক্কানি ন-খায় তে গোজেনরে হুজি গুরিবাত্তে ন-খায়, আর তেয়ো গোজেনরে ভালেদি জানায়।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

১ পিতর 4:16

মাত্তর্ খ্রীষ্টান ইজেবে যুনি কেঅ দুঘোত্ ভুগোন্ সালে তে ন-লাজোক্, বরং তার সে নাঙান্ আঘে বিলিনে তে গোজেনর্ বাঈনী গোরোক্।

১ শমূয়েল 9:13

তুমি শঅরত্‌ সোমেলে তা সমারে তমার দেগা অবঅ। তুমি দেগিবা তে মুড়োমুড়ি উগুরে হেবাত্তে যার্‌। তে ন-যানা সং মানুচ্চুনে হানা-দানা ন-গুরিবাক্, কিত্যে তারে তাত্তুন্‌ উৎসর্বর জিনিসছানি বর্‌ দিয়্যে পুরিবো; সে পরেন্দি যিগুনোরে ডাগা ওইয়্যে তারা হেবাক্। তুমি ইক্কিনেই উদি যঅ, ইক্কিনেই তার দেগা পেবা।”