প্রেরিত্‌ 27:24 - Chakma Bible

²⁴ ‘পৌল, ন-দোরেচ্। তত্তুন্ সম্রাট কৈসর মুজুঙোত্ থিয়্যে পরিবো। এ জাহাজ্‌‌চানত্ যিগুনে তঅ সমারে যাদন্ তারার্ বেক্কুনো জিংকানি গোজেনে দোয়্যে গুরিনে দান গোজ্জ্যে।’

প্রেরিত্‌ 27:24 ပူးပေါင်းရင်းမြစ်များ

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 19:29

এধোক্ক্যেনগুরি লোটে যিয়েনত্‌ বজত্তি গুরিদো গোজেনে সে সংজাগানর্ শঅরানি ভস্ত গুরিবার্‌ সলাবোত্‌ অব্রাহাম কধানি ভাবিনে লোটরে সিদুগোর দজাত্তুন্‌ সোরেই আনিলো।

পত্থম 30:27

মাত্তর্‌ লাবনে তারে কলঅ, “যুদি মঅ উগুরে তমার কনঅ বেজার্ অবার্‌ কারন ন-থায়্‌ সালে ন-যেয়ো। নানান্ বাবোত্যে লক্ষণত্তুন্‌ মুই বুঝি পারঙত্তে, তমাত্তে লগেপ্রভু মরে বর্‌ দিয়্যে।”

পত্থম 39:23

যোষেফ আদত্‌ যে কাম ভারান এলঅ সিয়েনি জেলখানাত্‌ রাগেয়্যে দাঙর্ নেতাবোর আর দেগাশুনো গরা ন-পুড়িদো, কিত্তে লগেপ্রভু যোষেফ লগে এলঅ, আর ইয়েনত্তে যোষেফে যিয়েনত্‌ আত্‌ দিদো সিয়েনত্‌ লগেপ্রভু দোয়্যে গত্ত।

পত্থম 39:5

যোষেফরে এ বেক্‌ খেমতাগান্‌ দেনার্‌ পরেদি যোষেফত্তে লগেপ্রভু সে মিসরীয় গিরোজ্‌সোরে বেক্কানিদ্‌ বর্ দিলো। পোটীফর ঘর-দোর্‌ আর ক্ষেত-ক্ষেত্তি বেক্কানিদ্‌ লগেপ্রভু বর্ দিলো

পত্থম 46:3

গোজেনে কলঅ, “মুই গোজেন, তঅ বাবপোর্‌ গোজেন। মিসর দেজত্‌ যাদে ন-দোরেস্‌, কিত্তে মুই সিধু তমা ভিদিরেত্তুন্‌ এক্কো দাঙর্‌ জাদ্ বানেই দিম।

১ রাজাবলী 17:13

এলিয় তারে কলঅ, “ন-দোরেচ্‌। যিয়েন্‌ কলে ঘরত্‌ যেইনে সিয়েন গর্‌। মাত্তর্‌ তর্‌ যিয়েনি আঘে সিয়োত্তুন্‌ আগে আমাত্তে এক্কান্‌ চিগোন রুটি বানেইনে আন। সে পরেন্দি তর্‌ আর তর্‌ পূঅবোত্তে রুটি বানা।

২ রাজাবলী 6:16

জোবত্‌ ভাববাদীবো কলঅ, “ন-দোরেচ্‌। যিগুনে আমা লগে আগন্‌ তারা সিগুনোত্তুন্‌অ জনেদি বেশ্‌।”

ইয়োব 35:8

তর্ পাজিগানে বানা মান্‌জ্যর্ খেতি গরে, আর তর্ গম কামানিয়ে বানা তারারে সাহায্য গরে।

আবিলেচ্ 3:57

মুই যেক্কে তরে ডাক্কোং সেক্কে তুই কায়-কুরে এইনে কোইয়োচ্, “ন-দোরেচ্।”

দানিয়েল 2:24

যেরেদি দানিয়েলে অরিয়োক ইধু গেলঅ। রাজা অরিয়োকরে তার সল্লাদিয়্যেগুনোরে মারে ফেলেবাত্তে বেঈ লোইয়্যে। দানিয়েলে অরিয়োকরে কলঅ, “রাজার সল্লাদিয়্যেগুনোরে মারে ন-ফেলেবে। মরে রাজা ইধু নেযা; মুই রাজার্ স্ববনর্ ভেদ্‌তান্ কোম।”

মীখা 5:7

ভালোক্ জাদ ভিদিরে যাকোবর্ বাঁজি থেইয়্যে মানুচ্চুন অবাক্ লগেপ্রভুত্তুন্ এচ্চ্যে শিরো পানি ধোক্ক্যেন, ঘাস উগুরে ঝড় পড়েদে ধোক্ক্যেন যিয়েনি মান্‌‌‌জ্যর উগুম ন-পড়ে বা সিয়েনি উগুরে নির্ভর ন-গরে।

মথি লেখ্যে গম্ হবর্ 10:18

মত্তেই শাসনগুরিয়্যে আর রাজাগুনো মুজুঙোত্ তমারে নেযা অবঅ যেন তারা ইধু আর অযিহূদীগুনো ইধু তুমি স্বাক্ষি দি পারঅ।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

যোহন 11:9

যীশু জোব্ দিলো, “দিনোত্ কি বার ঘন্টা নেই? কেঅ যুনি দিনোত্ ঘুরোঘুরি গরন্ তে উজোত্ ন-খায়, কিয়া তে এ পিত্‌থিমীর্ পহ্‌রান্ দেগে।

প্রেরিত্‌ 19:21

এ বেক্কানি ঘুদিবার পরেদি পৌলে ঠিগ্ গুরিলো তে ম্যাসিডোনিয়া আর আখায়া ওইনে যিরূশালেমত্ যেবঅ। তে কলঅ, “যিরূশালেমত্ যেবার্ পরেদি মত্তুন্ রোম শঅরত্অ যাহ্ পরিবো।”

প্রেরিত্‌ 23:11

তার্ কেল্যে রেদোত্ প্রভু পৌল কায়কুরে থিয়্যেইনে কলঅ, “সাহসী অ, যিরূশালেমত্ যেবাবোত্যে গুরি তুই মঅ পৌইদ্যেনে সাক্ষ্য দুয়োচ্ সেবাবোত্যেগুরি রোমত্অ তত্তুন্ সাক্ষ্য দিয়্যে পড়িবো।”

প্রেরিত্‌ 25:11

যিয়েন্ ওক্‌, যুনি মুই মরেদে ধোক্ক্যেন্ কনঅ দুষ্ গুরি থাং সালে মুই মুরিবাত্তেয়ো রাজী আঘং। মাত্তর্ এ যিহূদীগুনে মঅ বিরুদ্ধে যে দুষ্‌চানি দেদন্ সিয়েনি যুনি সত্য ন-অয় সালে ইগুনো আঢত্ মরে ইরি দিবার্ অধিকারান্ কনজনর্ নেই। মুই সম্রাট ইধু আবিত্তি গরঙর্।”

প্রেরিত্‌ 27:31

সেক্কে পৌলে শত উগুরে সেনাপতিবোরে আর সৈন্যগুনোরে কলঅ, “এ নাবিক্‌‌কুনে জাহাজত্ ন-থেলে তুমি রোক্ষ্যে ন-পেবা।”

প্রেরিত্‌ 27:37

আমি জাহাজত্ বেক্কুনে দ্বিশ ছিয়েত্তুর্‌‌জন এলং।

প্রেরিত্‌ 27:42

সেক্কে সৈন্যগুনে বন্দীগুনোরে মারে ফেলেবাক্ বিলিনে ঠিগ্ গুরিলাক্, যেন তারাত্তুন্ কেঅ সাজুরিনেই ধেই যেই ন-পারন্।

প্রেরিত্‌ 27:44

আর বাগি বেক্কুনে জাহাজর্ তক্তা বা অন্য কনঅ কট্টা ধুরিনে সিয়েনত্ যাদোক্। এবাবোত্যেগুরি বেক্কুনে গমেডালে কুলো চরত্ লুমিলাক্।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

ফিলীমন 1:22

আর এক্কান কধা কঙর্-গর্‌বাগুনো ঘরান মত্যে যুক্কোল্ থঅ, কিয়া মুই আজা গরঙ্ যে, তমা তবনা গরানার ফলে মরে তমা ইধু ফিরেই দিয়্যে অবঅ।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,