প্রেরিত্‌ 27:23 - Chakma Bible

²³ মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

প্রেরিত্‌ 27:23 ပူးပေါင်းရင်းမြစ်များ

গীতসংহিতা 116:16

ও লগেপ্রভু, ঘেচ্চেক্‌গুরি মুই তঅ চাগর্, তর্ চাগর, তঅ চাগরানিবোর পুয়ো; তুয়ই মর্ বান্যেগান খুলি দুয়োচ্।

গীতসংহিতা 135:4

লগেপ্রভু যাকোবরে তার নিজোত্তে, ইস্রায়েলরে তার নিজোর সোম্বোত্তি অবাত্তে বেঈ লোইয়্যে।

গীতসংহিতা 143:12

তর্ অমকদ কোচ্‌পানার কারনে তুই মঅ শত্রুগুনোরে ফেলেই দে; মর্ বেক বিপক্কগুনোরে তুই ভস্ত গর্, কিত্তে মুই তর্ চাগর্।

যাত্রা 19:5

সেনত্তে যুনি তারা মর্‌ বেক্‌ কধানি মানি চলন্‌ আর মর্‌ সুদোমানি পালান্‌ সালে পিত্‌থিমীর্‌ বেক্‌ জাত্তুনো ভিদিরেত্তুন্‌ তারাই‌ মর্‌ নিজোর্‌ সোম্বোত্তি অবাক্, কিত্তে পিত্‌থিমীর্‌ বেক্‌ মানুচ্চুনোই‌ মর্‌ অধীনোত্‌।

পরমগীত 2:16

মঅ পরাণ্যে মত্তে আর মুই তার্; তে লিলি ফুলোর্ ঝারত্ বেড়ায়।

পরমগীত 6:3

মুই মর্ পরাণ্যের্ আর তে মত্তে, তে লিলি ফুলো ঝারত্ চরে।

যিশাইয় 44:21

“ও যাকোব, ও ইস্রায়েল, তুই ইয়েনি বেক্কানি মনত্ রাগা, কিত্তে তুই মর্ চাগর। মুই তরে বানেয়োং, তুই মর্ চাগর; ও ইস্রায়েল, মুই তরে ভুলি ন-যেম্।

যিশাইয় 44:5

একজনে কবঅ, তে লগেপ্রভুর্; আর একজনে যাকোব নাঙে নিজোর্ পরিচয়ান্ দিবো; অন্য আর একজনে নিজো আঢ উগুরে লিগিবো, তে লগেপ্রভুর্, আর তে ইস্রায়েল নাঙান্ মানি লবঅ।’ ”

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:38

তারা মঅ মানুচ্ অবাক্ আর মুই তারার গোজেন ওম্।

যিহিষ্কেল 36:38

যিরূশালেমত্ ঠিগ্ পরবর্ সময়োত্ যেবাবোত্যে উৎসর্বর ভেড়ালোই ভরি যান্ সেবাবোত্যে ভস্ত ওই যেইয়্যে শঅরানি বোউত্ মানুজে ভরি যেবাক্। সেক্কে তারা হবর্ পেবাক্ যে, মুয়ই লগেপ্রভু।”

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:26

সেক্কে নবূখদ্‌সরে দোগ্‌দোক্যে আগুনো চুলো মুয়োন ইধু উজেই যেইনে রঅ ছাড়িনে কলঅ, “ ও দাঙর্ গোজেনর চাগরুন শদ্রক, মৈশক আর অবেদ্‌-নগো, তুমি নিগিলিনে ইধু এজঅ।”

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।

দানিয়েল 6:16

যেরেদি রাজা উগুম দিলো আর মানুচ্চুনে দানিয়েলরে আনিনে সিংহ গাদত্ ফেলেই দিলাক্। সেক্কে রাজা দানিয়েলরে কলঅ, “তুই নিত্য যিবেরে সেবা গরচ্ সেই গোজেনে যেন তরে রোক্ষ্যে গরে।”

দানিয়েল 6:20

গাদ ইধু যেইনে তে রঅ গির্‌‌‌‌গিজ্যে গুরি দানিয়েলরে ডাগিনে কলঅ, “ও গোজেনর চাগর্ দানিয়েল, তুই নিত্য যিবের্ সেবা গরচ্ তর্ সেই গোজেনে কি তরে সিংহ মুয়োত্তুন্ রোক্ষ্যে গুরি পাজ্যে?”

দানিয়েল 6:22

মর্ গোজেনে তার্ দূত পাধেইনে সিংহগুনোর মুয়োনি বানি দিয়্যে। তারা মরে আঘাত্ ন-গরন, কিত্যে গোজেনর চোগেদি মুই নিদ্দুযি এলুং। ও মহারাজ, তঅ মুজুঙোত্অ মুই কনঅ দুষ ন-গরং।”

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মালাখি 3:17

তারা পৌইদ্যেনে বেগত্তুন্ খেমতাবলা লগেপ্রভু কত্তে, “মর্ ঠিগ্ গোজ্যে দিনোত্ তারা মর্ নিজোর্ বিশেজ্ সোম্বোত্তি অবাক্; তারা মরই অবাক্। এক্কো মানুচ্ যেবাবোত্যেগুরি তার্ সেবাগুরিয়্যে পুয়োবোরে মেয়্যে গুরিনে সাজাত্তুন্ রেহাই দে সেবাবোত্যেগুরি মুই তারারে রেহাই দিম্।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

প্রেরিত্‌ 12:23

হেরোদে গোজেনর বাঈনী ন-গরে বিলি সেক্কে প্রভুর্ এক্কো দূত্ তারে আঘাত্ গুরিলো, আর চিরোর্ জালায় তে মুরি গেলঅ।

প্রেরিত্‌ 16:17

সেই মিলেবো পৌল আর আমা পিজেদি যাদে যাদে রঅ ছাড়িনে কদঅ, “এ মানুচ্চুনে দাঙর্ গোজেনর্ চাগর্। কেধোক্ক্যেন্ গুরিনে পাপত্তুন্ উদ্ধোর্ পাহ্ যায়, ইগুনে সিয়েনই তমা ইধু কদন্।”

প্রেরিত্‌ 18:9

এক দিন্ন্যে রেদোত্ প্রভু এক্কো দর্শন মাধ্যমে পৌলরে এ কধাগান্ কলঅ, “ন-দোরেচ্, কধা কনাত্ থাক্, অলর্ গুরি ন-থেইচ্;

প্রেরিত্‌ 23:11

তার্ কেল্যে রেদোত্ প্রভু পৌল কায়কুরে থিয়্যেইনে কলঅ, “সাহসী অ, যিরূশালেমত্ যেবাবোত্যে গুরি তুই মঅ পৌইদ্যেনে সাক্ষ্য দুয়োচ্ সেবাবোত্যেগুরি রোমত্অ তত্তুন্ সাক্ষ্য দিয়্যে পড়িবো।”

প্রেরিত্‌ 5:19

মাত্তর্ রেদোত্ প্রভুর এক্কো দূত্ জেলো দোরানি খুলিনে তারারে বারেদি আনিনে কলঅ,

প্রেরিত্‌ 8:26

এক দিন্ন্যে প্রভুর এক্কো দূত্ ফিলিপরে কলঅ, “উঠ্, দোগিণেদি যে পধ্‌তান যিরূশালেমত্তুন্ গাজা শঅর ইন্দি যেয়্যে সে পধ্‌তান ইন্দি যাহ্।” পধ্‌তান এলঅ ধূল্যেচর ভিদিরে।

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।

১ করিন্হীয় 6:20

বোউত্ দাম্ দিইনে তমারে কিনে ওইয়্যে। সেনত্তে গোজেনর্ বাঈনীত্তে তমা কিয়্যেগানি বেবহার গরঅ।

দ্বি’লম্বর বিররণ 32:9

লগেপ্রভুর পাওনা ভাগই অলঅ তার মানুচ্চুন; যাকোব, অয়, ইস্রায়েল জাদ্‌তো অলঅ তার পাওনা সোম্বোত্তি।

২ তীমথিয় 1:3

মর্ পূরোণি মানুচ্চুনে যেবাবোত্যে গুরি গোজেনর্ সেবা গুরিদাক্ সেবাবোত্যে গুরি মুইয়ো গমেডালে গোজেনরে সেবা গুরি থাং; আর তত্যে দিনরেত্ আমিঝে তবনা গুরিবার্ অক্তত্ মুই তারে ভালেদি জানেই থাং।

২ তীমথিয় 2:24

যিবে প্রভুর চাগর্, তার কোল্-কোজ্জ্যে গরানা উচিত নয়, বরং তাত্তুন্ বেক্কুনো উগুরে দোয়্যেলু উয়ো পরিবো। তাত্তুন্ অন্যগুনোরে শিক্ষ্যে দানর্ খেমতা আর সোজ্জ্যগুণ থাহ্ পরিবো।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

তীত 1:1

মুই পৌল গোজেনর্ চাগর আর যীশু খ্রীষ্টর্ এক্কো প্রচারক ওইয়োং, যেন মুই গোজেনর্ বেঈ লোইয়্যে মানুচ্চুনোরে বিশ্বেজর্ পধেদি আনি পারং, আর গোজেন-ভোক্তির্ সমারে যে সত্যগান আঘে সেই সত্যগানরে জানিবাত্যে তারারে সাহায্য গুরি পারং।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”