প্রেরিত্‌ 27:21 - Chakma Bible

²¹ মানুচ্চুনে ভালোক্ দিন ধুরিনে কিচ্চু ন-খান্ বিলি পৌলে তারা মুজুঙোত্ থিয়্যেইনে কলঅ, “চঅ, মঅ কধাগান্ শুনিনে ক্রীট দ্বীপত্তুন্ জাহাজ্‌চান ন-ছাড়ানা তমার্ উচিত্ এলঅ। সালে এ দযা আর ক্ষতিগানত্তুন্ তুমি রোক্ষ্যে পেদা।

প্রেরিত্‌ 27:21 ပူးပေါင်းရင်းမြစ်များ

পত্থম 42:22

রূবেণে তারারে কলঅ, “মুই দঅ তমারে কোইয়োং, ‘তা উগুরে কনঅ অন্যেয় ন-গোজ্য,’ মাত্তর্‌ তুমি সিয়েন ন-শুনো। ইক্কিনে তার্ লো ঝড়ানার্ ইজেব দিবার অক্ত ওইয়্যে।”

প্রেরিত্‌ 27:12

বন্দর্‌বো জার্‌কাল কাদেবার্ যগাজ্যে জাগা নয় বিলিনে বেশ্ ভাগ্ মান্‌জ্যে ঠিগ্ গুরিলাক্, সিয়েনত্তুন্ লদ্ দিইনে সম্ভব অলে ফৈণীকত্ যেইনে জার্‌কাল্লো কাদা অবঅ। ফৈণীক্‌কান এলদে ক্রীট দ্বীপর্ জাহাজ্ থামেবার জাগা। এ জাগানর্ দোগিণ-পজিমে আর উত্তর-পোজিমে খুলো-মেলা এলঅ।

প্রেরিত্‌ 27:13

পরেদি যেক্কে লারে লারে দোগিণো বৈয়্যের্ বাহ্ ধুরিলো সেক্কে তারা মনে গুরিলাক্ তারা যিয়েন চেয়োন্ সিয়েনই ওইয়্যে। ইয়েনত্তে তারা জাহাজর্ নোংগর্ তুলিনে ক্রীট দ্বীপর্ পারেদি গেলাক্।

প্রেরিত্‌ 27:20

ভালোক্ দিন ধুরিনে বেলান বা তারা কিচ্চু দেগা ন-গেলঅ আর জদবদে ঝড় বাহ্ ধুরিলো। যেরেদি আমি রোক্ষ্যে পেবার্ বেক্‌ আজাগানি ছাড়ি দিলোং।

প্রেরিত্‌ 27:7

আমা জাহাজ্‌চান্ ভালোক্ দিন ধুরিনে অমকদ লারে লারে চলিনে কনবাবদে ক্লীদোন্ শঅরর্ কায়কুরে লুমিলো, মাত্তর্ বৈয়্যেরানে আমারে আর্ উজেই যেবাত্তে ন-দিলো। সেক্কে আমি ক্রীত দ্বীপর্ যে ধাগেদি বৈয়্যের্ ন-এলঅ সেই ধাগেদি গুরিনে সল্‌মোনীর কায়-কুরেদি গেলং।