প্রেরিত্‌ 26:17 - Chakma Bible

^17-18 তর্ নিজো মানুচ্চুনোত্তুন্ আর অযিহূদীগুনো আঢত্তুন্ মুই তরে রোক্ষ্যে গুরিম। তারা চোগ্‌কুন্ মেলি দিবাত্যে আর আন্ধারত্তুন্ পহ্‌রত্ আহ্ শদান খেমতার্ আঢত্তুন্ গোজেন ইধু ফিরেই আনিবাত্যে মুই তরে তারা ইধু দিপাধাঙর্, যেন মঅ উগুরে বিশ্বেজর্ কারনে তারা পাপর্ ক্ষেমা পান্ আর গোজেন নাঙে যিগুনোরে যুদো গুরি থুয়ো ওইয়্যে তারা ইধু জাগা পান্।

প্রেরিত্‌ 26:17 ပူးပေါင်းရင်းမြစ်များ

১ বংশধর 16:35

তুমি কঅ, “ও আমার্‌ উদ্ধোর্‌ গুরিয়্যে গোজেন্‌, আমারে উদ্ধোর্‌ গর্‌; অন্য জাত্‌তুনো ভিদিরেত্তুন্‌ তুই আমারে এক জাগাত্‌ আন আমারে রোক্ষ্যে গর্‌, যেনে আমি তর্‌ পবিত্রতাগান নাঙে ভালেদি জানেই পারি আর তর্‌ গুণগান গেই পারিই বিলিনে বার্‌ গুরি পারির্‌।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

যিরমিয় 1:19

তারা তঅ বিরুদ্ধে যুদ্ধো গুরিবাক্ মাত্তর্ তরে ওদেই দি ন-পারিবাক্, কিত্তে তরে রোক্ষ্যে গুরিবাত্তে মুই তঅ লগে লগে আগং। মুই লগেপ্রভু এ কধাগান কঙর্।”

যিরমিয় 1:8

তুই তারারে ন-দোরেচ্, কিত্তে মুই লগেপ্রভু তরে রোক্ষ্যে গুরিবাত্তে তঅ লগে লগে আগং।”

যিহিষ্কেল 3:5

তরে দঅ এমন মান্‌‌‌‌জ্য ইধু পাদা ন-অর্ যিগুনোর ভাষা তর্ অজানা আর আগাত্যা, মাত্তর্ পাদা অত্তে ইস্রায়েলীয়গুনো ইধু।

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 16:39

তারা পৌল আর সীল ইধু যেইনে ক্ষেমা চেলাক্ আর তারারে জেল বারেদি আনিনে শঅরান্ ছাড়ি যেবাত্তে কোজোলি গুরিলাক্।

প্রেরিত্‌ 17:10

রেত্ অলে পরেদি বিশ্বেজি ভেইয়ুনে পৌল আর সীলরে বিরয়াত্ পাধেই দিলাক্। সিধু লুমিনে তারা যিহূদীগুনোর্ সমাজ-ঘরত গেলাক্।

প্রেরিত্‌ 17:14

বিশ্বেজি ভেইয়ুনে সেক্কে পৌলরে সাগর পারত্ পাধেই দিলাক্, মাত্তর্ সীল আর তীমথিয় বিরয়াত্ থেলাক্।

প্রেরিত্‌ 18:10

কিয়া মুই তঅ লগে লগে আগং। তরে আক্রমণ গুরিনে কেঅ তর্ ক্ষতি ন-গুরিবাক্, কিয়া এ শঅরত্ মর্ বোউৎ মানুচ্‌ আঘন্।”

প্রেরিত্‌ 25:3

তারা ফীষ্টরে ভারী গুরি কোজোলি গুরিলাক্ যেন তে তারা উগুরে দোয়্যে গুরিনে পৌলরে যিরূশালেমত্ পাধায়। ইয়েনর্ কারণান্ ইয়েন, তারা পধত্ লুগি থেইনে পৌলরে খুন্ গুরিবার কুজুরোমি গোজ্জ্যন্।

প্রেরিত্‌ 28:28

“ইয়েনত্যে তুমি মনত্ রাগঅ, গোজেনে মান্‌জ্যরে পাপত্তুন্ কিবাবোত্যেগুরি উদ্ধোর্ গরে সে কধাগান্ অযিহূদীগুনো ইধু কুয়ো ওইয়্যে, আর তারা সে কধাগান শুনিবাক্।”

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

রোমীয় 11:13

অযিহূদীগুন, মুই তমারে কঙর্, অযিহূদীগুনো ইধু প্রচারক্ ইজেবে মুই মর্ কামানরে ভারী সর্মানর্ চোগেদি দেগঙর্।

গালাতীয় 2:9

সেই গণ্যমান্য মানুচ্চুনে, অত্তাৎ যাকোব, পিতর আর যোহনে ইয়েনি দেগিনে বুঝি পাজ্জ্যন্দে, মুই গোজেনত্তুন্ বিশেষ দোয়্যে পেইয়োং। তারার্ আর আমা ভিদিরে যে উদো-লোলি আঘে সিয়েন দেগেবাত্যে তারা মর্ আর বার্ণবার্ লগে ডেন্ আঢ্‌তানি মিলেলাক্। তারা রাজী অলাক্কে যে, আমি অযিহূদীগুনো ইধু যেবং আর তারা নিজেই যিহূদীগুনো ইধু যেবাক্।

১ তীমথিয় 2:7

আর এ সাক্ষ্যগান দিবাত্যে গোজেনে মরে প্রচারক, দূত আর অযিহূদীগুনো ইধু বিশ্বেজ্ আর সত্যর্ মাষ্টর ইজেবে বেঈ লোইয়্যে। মুই সত্য কধাগান্ কঙর্, মিজে ন-কঙর্।

২ তীমথিয় 1:11

আর এই গম্ হবরান জানেবাত্যে মরে প্রচারক, মাষ্টর ইজেবে নেযা ওইয়্যে।

২ তীমথিয় 3:11

ইয়েনিবাদে আন্তিয়খিয়াত, ইকনিয়ত আর লুস্ত্রাত মুই যেদক্কানি অত্যেচার আর দুঘ্ পেইয়োং সেই বেক্‌ অত্যেচারর্ কধায়ো তুই কোই পারচ্, মাত্তর্ প্রভু সিয়েনি বেক্কানিত্তুন্ মরে রোক্ষ্যে গোজ্জ্যে।