প্রেরিত্‌ 26:11 - Chakma Bible

¹¹ তারারে সাজা দিবাত্যে মুই প্রায় এক সমাজ-ঘরত্তুন্ অন্য সমাজ-ঘরত্ যেদুং আর যীশুর্ বিরুদ্ধে কধা কবাত্যে মুই তারা উগুরে জোর্ গুরিদুং। তারা উগুরে মর্ এদক্ রাগ এলঅ যে, তারা উগুরে অত্যেচার্ গুরিবাত্যে মুই বিদেজর্ শঅরানিত্ সং যেদুং।

প্রেরিত্‌ 26:11 ပူးပေါင်းရင်းမြစ်များ

গীতসংহিতা 102:8

শত্রুগুনে দিনে-রেদে মরে নিইনে ঠাট্টা-তামাজা ঘরন্; মঅ উগুরে যিগুনে রাগ জুলি আগন্; তারা মঅ নাঙান্ অভিশাব ইজেবে বেবহার গরন্।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

মথি লেখ্যে গম্ হবর্ 10:17

উজিয়ার্ থেয়ো, কিয়া মান্‌জ্যে বিচের-সভাত্ মানুচ্চুনো আঢত্ তমারে ধুরি দিবাক্ আর তারার্ সমাজ-ঘরত্ তমারে চাবুক্ মারিবাক্।

মার্ক 13:9

তুমি উজিয়ার্ থেয়ো। মানুচ্চুনে তমারে বিচের-সভাত্ মানুচ্চুনো আঢত্ ধুরি দিবাক্ আর সমাজ-ঘরত্ পিদিবাক্। মত্তেই দেজর্ শাসনগুরিয়্যেগুন আর রাজাগুনো মুজুঙোত্ তমাত্তুন্ থিয়্যে পুড়িবো। তারা মুজুঙোত্ মঅ পৌইদ্যেনে তমাত্তুন্ সাক্ষী দিয়্যে পুড়িবো।

মার্ক 3:28

মুই তমারে ঘেচ্চেকগুরি কঙর্, মান্‌‌‌‌জ্যর্ বেক পাপ্পানি আর গোজেনর্ বিরুদ্ধে অগমানর্ কধানি খেমা গরা অবঅ,

লূকে লেখ্যে গম্ হবর্ 15:17

পরেদি একদিন্যে তার উষ্ অলঅ। সেক্কে তে কলঅ, মঅ বাপ্পোর্ কদক্ চাগরে কদক্ বেশ্ হানা হেই পাদন্, অদচ মুই ইধু পেট্ পরায় মরঙর্।

লূকে লেখ্যে গম্ হবর্ 21:12

ইয়েনি বেক্কানি অবার্ আগেদি মানুচ্চুনে তমারে ধুরিবাক্ আর তমা উগুরে অত্যেচার্ গুরিবাক্। বিচেরত্যে তারা তমারে সমাজ-ঘরত্ নেযেবাক্ আর জেলোত্ দিবাক্। মত্তে রাজাগুনোর্ আর শাসনগুরিয়্যেগুনো মুজুঙোত্ তমারে নেযা অবঅ,

লূকে লেখ্যে গম্ হবর্ 6:11

সেক্কে তারা অমকদ রাগ্ গুরিলাক্ আর যীশুরে নিইনে কি গরা যায় সিয়েন্ নিজো ভিদিরে কুয়ো-কি গরা ধুরিলাক্।

প্রেরিত্‌ 13:45

এদক্ মান্‌জ্যর্ ভীড়্ দেগিনে যিহূদীগুনে ইংসে গুরিলাক্ আর পৌলে যিয়েন কোইয়্যে তা বিরুদ্ধে নানান্ বাবোত্যে কধা কোইনে তারে বদ্‌নাঙ্ গরা ধুরিলাক্।

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

প্রেরিত্‌ 22:19

মুই কলুং, প্রভু, এ মানুচ্চুনে কোই পারন্, যিগুনে তঅ উগুরে বিশ্বেজ্ গুরিদাক্ তারারে পিদিনে জেলোত্ দিবাত্যে মুই এক সমাজ-ঘরত্তুন্ আরেক্ সমাজ-ঘরত যেদুং।

প্রেরিত্‌ 22:5

এ কধাগান্ যে সত্য, সিয়েনর্ সাক্ষী দাঙর্ ধর্মগুরু আর দাঙর্ তেম্মাঙর্ বেক্কুন্ । এমন্‌ কি, মুই তারাত্তুন্ দামেস্ক শঅরর্ ধর্ম নেতাগুনোরে দিবাত্যে চিধি নেযেয়োং আর সেবাবোত্যে মানুচ্চুনোরে বন্দী ইজেবে যিরূশালেমত্ আনিনে সাজা দিবাত্যে সিধু যাঙর্।

প্রেরিত্‌ 9:1

ইন্দি শৌলে প্রভুর শিচ্চ্যগুনোরে মারে ফেলেব বিলি দর্ দেগার্। দামেস্ক শঅরর্ সমাজ-ঘরানিত্ দিবাত্যে তে দাঙর্ ধর্মগুরুবো ইধু যেইনে চিধিগান চেলঅ। যিদুক্কুন্ মান্‌জ্যে যীশুর পধেদি চলন্, তারা মরদ্ ওক্‌ কি মিলে ওক্‌, তারারে পেলে যেন তারারে বানিনে যিরূশালেমত্ আনি পারে সেই খেমতাগানত্তে তে সেই চিধিগান চেইয়্যে।

যাকোব 2:7

যিবের্ নাঙ ধগে তমারে ডাগা অয় তাগোয়্যেগুনে কি সেই সর্মান নাঙানর্ নিন্দে ন-গরন্?

২ পিতর 2:16

মাত্তর্ তার ভান্ন্যেই কামানিত্যে তে এক্কো ববা গাধাত্তুন্ ধমক্ খেইয়্যে। সেই গাধাবো মান্‌জ্য ধোক্ক্যেন কধা কোইনে তার্ পাগলামিত্ মানা গোজ্জ্যে।