প্রেরিত্‌ 25:8 - Chakma Bible

⁸ সেক্কে পৌলে নিজোর্ পক্ষেদি এ কধাগান্ কলঅ, “মুই যিহূদীগুনোর্ রীতি-সুদোম বা উবোসনা-ঘর বা রোম-সম্রাটর্ বিরুদ্ধে কনঅ অন্যেয় ন-গরং।”

প্রেরিত্‌ 25:8 ပူးပေါင်းရင်းမြစ်များ

পত্থম 40:15

ঘেচ্চেকগুরি কদ চেলে, ইব্রীয়গুনো দেজত্তুন্‌ মরে জোর্‌ গুরি ধুরি আনা ওইয়্যে, আর এ দেজত্‌ এইনেয়ো মুই এমন্ কিজু ন-গরং যিয়েনত্তে মরে এ গাদ্‌‌‌তোত্‌ আক্‌‌‌সো রাগা যায়।”

যিরমিয় 37:18

সে পরেদি যিরমিয় রাজা সিদিকিয়রে কলঅ, “মুই তর্ বা তঅ চাগরুনোরে বা এ মানুচ্চুনো বিরুদ্ধে কি দুষ্ গোজ্যং যে, তুমি মরে জেলোত্ রাগেয়ো?

দানিয়েল 6:22

মর্ গোজেনে তার্ দূত পাধেইনে সিংহগুনোর মুয়োনি বানি দিয়্যে। তারা মরে আঘাত্ ন-গরন, কিত্যে গোজেনর চোগেদি মুই নিদ্দুযি এলুং। ও মহারাজ, তঅ মুজুঙোত্অ মুই কনঅ দুষ ন-গরং।”

প্রেরিত্‌ 23:1

পৌলে সোজা দাঙর্ তেম্মাঙ মানুচ্চুনো ইন্দি রিনি চেইনে কলঅ, “মর্ ভেইয়ুন, মুই এচ্চ্যে সং গম্ বিবেক্ দিইনে গোজেনরে ভাবিনে মর্ কামানি পালেয়োং।”

প্রেরিত্‌ 24:12

মরে যিগুনে দুষ্ দেদন্ তারা উবোসনা-ঘরত্ মরে কারঅ সমারে কধা সলাসুলি গত্তে ন-দেগন্ বা সমাজ-ঘরত্ বা শহরত্ অন্য কন জাগাত্ মানুচ্চুনোরে উচ্চোমি তুলি দেদেয়ো ন-দেগন্।

প্রেরিত্‌ 24:14

যিয়েন ওক্‌, এ কধাগান্ মুই তইধু স্বিগের্ গরঙর্ যে, যীশু খ্রীষ্টর্ পধতান্, যিবেরে তারা ধর্ম-বিরুদ্ধে পধ্ কন্, মুই সে পধেদি মর্ পুরোণি মানুচ্চুনোর গোজেন উবোসনা গুরি থাং। মোশির রীতি-সুদোম লগে যিয়েনির্ মিল্ আঘে সিয়েনি আর ভাববাদীগুনোর্ লেঘানি মুই বিশ্বেজ্ গরং।

প্রেরিত্‌ 24:6

উবোসনা-ঘর সুমুত্তো তে অপবিত্র গুরিবার চেষ্টা গোজ্জ্যে বিলি আমি তারে ধোজ্জ্যেই।

প্রেরিত্‌ 25:10

সেক্কে পৌলে কলঅ, “মুই ইক্কিনে রোমীয় বিচের-সভার্ মুজুঙোত্ থিয়্যেই আঘং আর রোমীয় সরকার ইধু মর্ বিচের্ অনা উচিত্। তুই নিজে দঅ গমেদালে হবর্ পাচ্, মুই যিহূদীগুনো উগুরে কনঅ অন্যেয় ন-গরং।

প্রেরিত্‌ 28:17

তিন দিন পরেদি পৌল সিধুগো যিহূদী নেতাগুনোরে ডাগিনে একসমারে এগত্তর্ গুরিলো। তারা এগত্তর্ অনার্ পরেদি পৌল তারারে কলঅ, “মঅ ভেইয়ুন, যুনিয়ো মুই আমা জাদর্ বিরুদ্ধে বা পূরোণি মানুচ্চুনোর সুদোম বিরুদ্ধে কিচ্চু ন-গরং, তো যিরূশালেমত্ মরে ধরা ওইয়্যে আর রোমীয়গুনো আঢত্ দিয়্যে ওইয়্যে।

প্রেরিত্‌ 28:21

সেক্কে যিহূদী নেতাগুনে কলাক্, “তঅ পৌইদ্যেনে যিহূদিয়াত্তুন্ আমি কনঅ চিধি ন-পেই। যে ভেইয়ুনে সিত্তুন্ এচ্চ্যন্ তারায়ো কেঅ তঅ পৌইদ্যেনে কিচ্চু ন-কন্ বা কনঅ বজং কধা ন-কন্।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।