প্রেরিত্‌ 25:6 - Chakma Bible

⁶ ফীষ্ট তারা সমারে আট্ট্য-দশ দিন্ কাদেইনে কৈসরিয়াত্ ফিরি গেলঅ। তার্ কেল্যে তে বিচের-সভাত্ বৈইনে পৌলরে তা মুজুঙোত্ আনিবার্ উগুম্ দিলো।

প্রেরিত্‌ 25:6 ပူးပေါင်းရင်းမြစ်များ

মথি লেখ্যে গম্ হবর্ 27:19

পীলাতে যেক্কে বিচের আসনত্ বুয়োই এলঅ সেক্কে তা মোক্কো তারে কোই পাধেল, “সেই নিদ্দুজি মানুচ্চোরে তুই কিচ্ছু ন-গুরিচ্, কিয়া এচ্চ্যে স্ববনত্ মুই তাত্তে বোউত্ দুঘ্ পেইয়োং।”

যোহন 19:13

এ কধাগান্ শুনিনে পীলাতে যীশুরে বারেদি আনিলো আর শিলো কুড়্ নাঙে এক্কান্ জাগাত্ বিচেরর্ আসনত্ বলঅ। ইব্রীয় ভাষায় সেই জাগানরে গাব্বাথা কুয়ো অদঅ।

প্রেরিত্‌ 25:1

সেই রেজ্যত্ এজানার্ তিন দিন পরেদি ফীষ্ট কৈসরিয়াত্তুন্ যিরূশালেমত্ গেলঅ।

প্রেরিত্‌ 25:10

সেক্কে পৌলে কলঅ, “মুই ইক্কিনে রোমীয় বিচের-সভার্ মুজুঙোত্ থিয়্যেই আঘং আর রোমীয় সরকার ইধু মর্ বিচের্ অনা উচিত্। তুই নিজে দঅ গমেদালে হবর্ পাচ্, মুই যিহূদীগুনো উগুরে কনঅ অন্যেয় ন-গরং।

প্রেরিত্‌ 25:17

“সেই যিহূদীগুনে মঅ সমারে এজানার্ পরেদি মুই দেরি ন-গুরিনে তার্ কেল্যে বিচের্ গুরিবাত্তে বুজিলুং আর সেই মানুচ্চোরে আনিবাত্যে উগুম গুরিলুং।

প্রেরিত্‌ 25:4

সেক্কে ফীষ্ট কলঅ, “পৌলরে কৈসরিয়াত্ বানি থুয়ো ওইয়্যে আর মুই নিজে যাদিমাদি সিধু যাঙর্।

প্রেরিত্‌ 25:5

তমাত্তুন্ কয়েক্কো খেমতাবলা মানুচ্ মঅ লগে যাদোক্ আর যুনি সেই মানুচ্চো কনঅ দুষ্ গুরি থায় সালে সিয়েন দেগেই দেদোক্।”

প্রেরিত্‌ 8:40

মাত্তর্ ফিলিপরে অস্‌দোদ শঅরত্ দেগা গেলঅ। তে আদামে আদামে গম্ হবর্ ফগদাং গত্তে গত্তে যেরেদি কৈসরিয়াত্ গেলঅ।

২ করিন্হীয় 5:10

ইয়েনর্ কারণান্ অলঅ, খ্রীষ্টর বিচের-আসন মুজুঙোত্ আমা বেক্কুনোর্ বেক্কানি ফগদাং গরা অবঅ, যেন আমি বেক্কুনে এ কিয়্যেগানিত্ থাগদে যিয়েনি গোজ্জ্যেই, সিয়েনি গম ওক্‌ বা ভান্ন্যেই ওক্‌, সেই ইজেবে সিয়েনির পাওনা পেই।

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?